ព័ត៌មានជាតិ

ខេត្តព្រៃវែងរកឃើញអ្នកវិជ្ជមានកូវីដ-១៩ ចំនួន៣៣នាក់បន្ថែម ធ្វើឲ្យខេត្តមានអ្នកឆ្លងសរុប៩៥៦នាក់

បានផុស

៥ years មុន

នៅ

ថ្ងៃអង្គារ ១៥ មិថុនា ២០២១

ដោយ

យោងតាមលទ្ធផលពិនិត្យរកវីរុសកូវីដ-១៩ តាមរយៈការធ្វើតេស្តរហ័ស (Rapid Test) នៅថ្ងៃទី១៤ ខែមិថុនា ឆ្នាំ២០២១ រដ្ឋបាលខេត្តព្រៃវែង បានរកឃើញអ្នកឆ្លងជំងឺកូវីដ-១៩ ថ្មីចំនួន៣៣នាក់បន្ថែមក្នុងនោះមានស្រី១៦នាក់ នៅក្នុងមូលដ្ឋានស្រុកចំនួន៧ ដែលជាករណីឆ្លងក្នុងសហគមន៍ ក្នុង ព្រឹត្តិការណ៍សហគមន៍២០កុម្ភៈ និងមកពីក្រៅប្រទេស។

ស្រុកទាំង៧ដែលបានរកឃើញករណីឆ្លងថ្មីនេះមាន ១- ស្រុកស្វាយអន្ទរ ចំនួន១០នាក់។ ២- ស្រុកស៊ីធរកណ្ដាល ចំនួន ៦នាក់។ ៣-ស្រុកមេសាង ចំនួន៥នាក់។ ៤- ស្រុកពារាំង ចំនួន៥នាក់។៥- ស្រុកបាភ្នំ ចំនួន៣នាក់ ។ ៦- ស្រុកព្រះសេ្តច ចំនួន៣នាក់។ ៧- ស្រុកកញ្ជ្រៀច ចំនួន១នាក់។

អ្នកវិជ្ជមានជំងឺកូវីដ-១៩ ទាំង៣៣នាក់ខាងលើ កំពុងសម្រាកព្យាបាលនៅមន្ទីរពេទ្យបង្អែកខេត្តនិងតាមមន្ទីរពេទ្យបង្អែកស្រុករបស់ពួកគេនីមួយៗ។

គិតត្រឹមថ្ងៃទី១៤ ខែមិថុនា ឆ្នាំ២០២១នេះ ខេត្តព្រៃវែងមានអ្នកឆ្លងជំងឺកូវីដ-១៩ សរុប៩៥៦នាក់ ព្យាបាលជាសះស្បើយចំនួន៤៤៤នាក់ កំពុងសម្រាកព្យាបាលចំនួន៥០១នាក់ និងស្លាប់១១នាក់៕

អត្ថបទ ៖ សុខុម