ព័ត៌មានជាតិ

ចុះបង្ក្រាបទីតាំងខារ៉ាអូខេយីហោ ជីន ជន លួចបើកល្មើសបម្រាម តែឃាត់មិនស្ដាប់នាំគ្នាសម្រុកចេញអស់

បានផុស

៥ years មុន

នៅ

ថ្ងៃអង្គារ ១៥ មិថុនា ២០២១

ដោយ

កម្លាំងគណៈបញ្ជាការឯកភាពខណ្ឌពោធិ៍សែនជ័យ បានចុះបង្ក្រាបទីតាំងការខារ៉ាអូខេយីហោ ជីន ជន ស្ថិតនៅតាមផ្លូវសហព័ន្ធរុស្សី សង្កាត់ចោមចៅទី៣ ខណ្ឌពោធិ៍សែនជ័យ ដែលលួចបើកផ្ទុយពីសេចក្ដីសម្រេចរបស់រដ្ឋបាលរាជធានីភ្នំពេញ ដោយឃាត់ខ្លួនមនុស្សជាង១០០នាក់ កាលពីវេលាម៉ោង១១និង៣០នាទីយប់ថ្ងៃទី១៤ ខែមិថុនា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងប្រតិបត្តិការនោះ កម្លាំងសមត្ថកិច្ចបានឃុំខ្លួនបុគ្គលិកនិងអ្នកពាក់ព័ន្ធទាំងអស់នៅក្នុងទីតាំងខារ៉ាអូខេនោះជាបណ្ដោះអាសន្ន ដើម្បីមានវិធានការបន្តដោយបានចាក់សោរ និងមានកម្លាំងនគរបាលខណ្ឌពោធិ៍សែនជ័យ យាមកាមទាំងមុខទាំងក្រោយផងដែរ។

រហូតដល់ម៉ោង៣ទាបភ្លឺ ថ្ងៃទី១៥ ខែមិថុនា ស្រាប់តែបុគ្គិលិក និងអ្នកដែលជាប់ឃុំខាងក្នុងមានការជ្រួលច្របល់ លែងស្ដាប់សមត្ថកិច្ច លែងខ្លាចដំបងឆក់ ក៏នាំគ្នាគាស់ទ្វារសម្រុកចេញបាត់អស់៕

អត្ថបទ ៖ សុខា