ព័ត៌មានជាតិ
ក្រសួងពាក់ព័ន្ធចុះវាយតម្លៃលើក្រុមហ៊ុនចិនមួយកន្លែងដែលបង្កឲ្យធ្លាយសារធាតុពុលចូលក្នុងទឹកស្ទឹងសង្កែ
បាត់ដំបង ៖ តំណាងអន្តរក្រសួងនិងមន្ទីរពាក់ព័ន្ធចំនួន៥មាន បរិស្ថាន ,កសិកម្ម ,ធនធានទឹក ,សង្គមកិច្ចនិង អតីត យុទ្ធជន ,និង ឧស្សាហកម្មវិទ្យាសាស្ត្រ និងនានុវត្តន៍ បានចុះវាយតម្លៃផលប៉ះពាល់ និង ចង្អុល បង្ហាញ នូវកំហុសឆ្គង និង កង្វះខាត របស់ក្រុមហ៊ុនអឺកាងខេមបូឌៀគ្រុប ដែលមានទីតាំង នៅស្រុក រតមណ្ឌល ខេត្ត បាត់ដំបង ដែលបាន ធ្លាយ សារធាតុពុលចូលក្នុងទឹកស្ទឹងសង្កែនាពេលកន្លងមក។
លោក កត បូរ៉ាន់ ប្រធានមន្ទីរបរិស្ថានខេត្តបាត់ដំបងបានអោយដឹងថាកិច្ច ប្រជុំខាងលើនេះបាន ធ្វើឡើងនៅទីស្នាក់ការក្រុមហ៊ុនផ្ទាល់ នៅស្រុករតនមណ្ឌលតាំងពីម៉ោង៩ព្រឹកដល់ម៉ោងជាង២ រសៀលថ្ងៃទី១៧ខែមិថុនា។
លោកបញ្ជាក់ថា អន្តរក្រសួងចុះមកនេះដើម្បីបង្ហាញពីផលប៉ះពាល់ និង កំហុសឆ្គង និងកង្វះខាត អោយក្រុមហ៊ុនទទួលស្គាល់ ដើម្បីអោយកែលម្អ ហើយបន្តឈានទៅពិន័យនិងចាត់ការតាមផ្លូវច្បាប់។
លោក កត បូរ៉ាន់ បានបង្ហាញពីកំហុសរបស់ក្រុមហ៊ុន អឺកាងខេមបឋូឌៀគ្រូប ដែលមានក្រុមហ៊ុនតូចៗ ចំនួន៤ កំពុងដំណើរការនោះ គឺកំហុសទី១ មិនទាន់មានច្បាប់អនុញ្ញាតិនៅឡើយ តែដំណើរការមុន ទី២ ក្រុមហ៊ុនខាងលើបានពង្រីកសាខាបួនក្រុមហ៊ុនតូចៗ ដែលក្រសួងពាក់ព័ន្ធទើបចុះវាយតម្លៃផល ប៉ះពាល់នានាទើប តែបានមួយក្រុមហ៊ុនប៉ុណ្ណោះ និង មានកង្វះខាតផ្សេងៗទៀត។
លោកប្រធានមន្ទីរបរិស្ថានបានឲ្យដឹងថា បន្ទាប់ពីប្រជុំវាយតម្លៃផលប៉ះពាល់និងបង្ហាញពីកំហុសឆ្គងនិង កង្វះខាតរបស់ក្រុមហ៊ុនខាងលើហើយ អន្តរក្រសួងនឹងតម្រូវឲ្យបំពេញនៅចំណុចខ្វះខាត ព្រមទាំងមានវិធានការផ្លូវច្បាប់ទៅលើក្រុមហ៊ុនខាងលើតាមក្រោយ ។
សូមបញ្ជាក់ថា កាលពីថ្ងៃទី២៦ខែឧសភា ក្រុមហ៊ុនឈ្មោះហ្វីនិក អ៊ិនដាស្ទ្រៀល (Phoenix Industrial) ក្នុងចំណោមក្រុមហ៊ុន៤របស់ ក្រុមហ៊ុន អឺកាងខេមបឋូឌៀគ្រូបមានទីតាំងនៅស្រុករតនមណ្ឌល ដែលផលិតសារធាតុរក្សាពណ៌ និងផលិតផលផ្សេងៗ បាន ធ្លាយសារធាតុពុល ចូលក្នុងទឹកស្ទឹង សង្កែប៉ែកខាងលើបណ្តាលអោយត្រីងាប់ពេញស្ទឹង។ តាមការពិសោធន៍របស់ក្រសួងបរិស្ថាន បង្ហាញថា ជាតិពុលដែលបណ្តាលអោយត្រីងាប់ ក្នុងស្ទឹងសង្កែ ប៉ែកខាងលើនោះ គឺដោយសារមានសារធាតុអាស៊ីត ហើយភ្លាមៗអាជ្ញាធរនិងស្ថាប័នពាក់ព័ន្ធបានចុះអោយក្រុមហ៊ុនបិទខ្ទប់កន្លែងលិចធ្លាយនិងធ្វើការបន្សាយជាតិអាស៊ីតក្នុងទឹកស្ទឹងសង្កែ ដែលមកទល់ពេលនេះទឹកស្ទឹងលែងមានផលប៉ះពាល់ទៀតហើយ គឺវិលមកសភាពដើមវិញ៕
ដោយ ៖ សោ និយមរ័ត្ន
តំបន់អារ៉ែង ផ្តើមមានទំនប់បង្ហៀរឆ្លងដងស្ទឹងប្រវែងជិត១០០ម៉ែត្រ
ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស
គុណភាពល្អឥតខ្ចោះ! ខុនដូប្រណិតរំដួលស៊ីធីលំដាប់ខ្ពស់ដំបូងនៅភ្នំពេញត្រូវបានប្រគល់ជូនជាផ្លូវការ
សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤
សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៦ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ agoនាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង