ព័ត៌មានជាតិ

កាច់សោ ក ម៉ូតូបានហើយតែរត់មិនរួច ចាប់បានម្នាក់ និងម្នាក់ទៀតគេចខ្លួនបាត់

បានផុស

៤ years មុន

នៅ

ថ្ងៃសុក្រ ១៨ មិថុនា ២០២១

ដោយ

ជនសង្ស័យពីរនាក់ជិះម៉ូតូមួយគ្រឿងមកធ្វើសកម្មភាពកាច់សោ ក ម៉ូតូមួយគ្រឿងដែរម្ចាស់ទុកនៅមុខផ្ទះបានសម្រេចបម្រុងជិះគេចខ្លួន ម្ចាស់ឃើញទាន់នាំគ្នាស្រែកឆោឡោផ្អើលអស់ជាពលរដ្ឋដេញចាប់បានម្នាក់វាយទ្រោមខ្លួនរួចប្រគល់ជូនសមត្ថកិច្ច ចំណែកបក្ខពួកម្នាក់ទៀតឡើងជិះម៉ូតូរត់គេចខ្លួនបាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះកើតឡើងកាលពីវេលាម៉ោង០៨យប់ថ្ងៃទី១៧ ខែមិថុនា ឆ្នាំ២០២១ នៅចំណុចផ្ទះលក់និងជួសជុលម៉ាស៊ីនត្រជាក់មួយកន្លែង មុខហាងសាច់អាំង១៦៨ តាមបណ្តោយផ្លូវ២០១១ ក្នុងសង្កាត់គោកឃ្លាង ខណ្ឌសែនសុខ រាជធានីភ្នំពេញ។

ជនសង្ស័យមានឈ្មោះ ស្នា ភេទប្រុសអាយុ១៧ ឆ្នាំមុខរបរមិនពិតប្រាកដ មានស្រុកកំណើតនៅខេត្តព្រៃវែង។

ចំណែកជនរងគ្រោះមានឈ្មោះ សេង វាន់សាក់ ភេទប្រុស អាយុ៣០ឆ្នាំ មុខរបរជួសជុលម៉ាស៊ីនត្រជាក់ ស្នាក់នៅកន្លែងកើតហេតុខាងលើ។

តាមប្រភពពីជនរងគ្រោះបានរៀបរាប់ឲ្យដឹងថា មុនកើតហេតុរូបគាត់បានទុកម៉ូតូមួយគ្រឿងម៉ាក ប៉ីត ពណ៌ស ពាក់ស្លាកលេខភ្នំពេញ1IM-8855 នៅមុខផ្ទះចំណុចកើតហេតុ លុះមកដល់ម៉ោងកើតហេតុក៏ឃើញជនសង្ស័យពីរនាក់ជិះម៉ូតូមួយគ្រឿង មិនចាំម៉ាក មកឈប់នៅមុខផ្ទះ រួចជនសង្ស័យម្នាក់បានចុះពីលើម៉ូតូធ្វើសកម្មភាព យកដែកអក្សរតេ ដែលដាក់តាមខ្លួនយកមកចាក់កាច់សោ ក ម៉ូតូ បានសម្រេច ហើយបម្រុងជិះចេញ ខណៈនោះម្ចាស់ផ្ទះបានឃើញទាន់ក៏នាំគ្នាស្រែកឆោឡោផ្អើលអស់ប្រជាពលរដ្ឋក្បែរខាង នាំគ្នាដេញចាប់បានម្នាក់វាយឡើងទ្រោមខ្លួន ចំណែកបក្ខពួកម្នាក់ទៀតរត់គេចខ្លួនបាត់។