ព័ត៌មានជាតិ

មេខ្យល់ជនជាតិថៃ៣នាក់ និងពលករខ្មែរ២១នាក់ លួចឆ្លងដែនខុសច្បាប់ ត្រូវទាហានថៃ និងនគរបាលខ្មែរ ឃាត់ខ្លួន

បានផុស

៥ years មុន

នៅ

ថ្ងៃសុក្រ ២៥ មិថុនា ២០២១

ដោយ

បន្ទាយមានជ័យ ៖ កម្លាំងទាហានថៃបានធ្វើការ សហការជាមួយកម្លាំងនគរបាលកម្ពុជាល្បាតតាមព្រំដែនទី១២ ក្នុងនោះកម្លាំងទាហានថៃ សហការជាមួយកម្លាំងនគរបាលកម្ពុជា បានធ្វើការឃាត់ខ្លួនមេខ្យល់ជនជាតិថៃ៣នាក់ និងពលករខ្មែរចំនួន២១នាក់ បានជាបន្តបន្ទាប់នៅក្នុងទឹកដីភូមិកែវ ផេចផ្លយ និងភូមិណងផៃ កាលពីវេលាម៉ោង៥ នាទីទៀបភ្លឺ ថ្ងៃទី២៥ ខែមិថុនា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្ដីរាយការណ៍ពីកម្លាំងជួរមុខបានប្រាប់ថា ពលករខ្មែរដែលលួចឆ្លងដែនខុសច្បាប់ចូលទឹកដីថៃនោះ មានប្រុស១២នាក់និងស្រី៩នាក់ ចេញពីប្រទេសកម្ពុជាចូលទៅទឹកដីថៃ ព្រមទាំងមានមេខ្យល់ជនជាតិថៃ១នាក់ និងអ្នកមើលផ្លូវជនជាតិថៃ២នាក់ ដែលមេខ្យល់ទាំង៣នាក់នេះ ជាអ្នករស់នៅក្នុងស្រុកតា ព្រះយ៉ានាំទៅប្រទេសថៃ។ ដោយឡែកពលករខ្មែរទាំងអស់ ចង់ទៅស៊ីឈ្នួលនៅក្នុងប្រទេសថៃ។

កម្លាំងទាហានថៃបានធ្វើការសហការជាមួយកម្លាំងនគរបាលកម្ពុជា ក្រោយពីការចាប់ឃុំខ្លួនពលករ២១នាក់ សមត្ថកិច្ចបាននាំខ្លួនអ្នកទាំងអស់ទៅសួរនាំ និងធ្វើកំណត់ហេតុចាប់ខ្លួន អនុវត្តតាមវិធានការរបស់ផ្នែកសុខាភិបាល។ ក្រោយពីសាកសួរ និងធ្វើកំណត់ហេតុរួចរាល់ ពលករទាំងអស់ត្រូវបញ្ជូនមកកម្ពុជាវិញតាមច្រកអូរបីជាន់ ក្នុងស្រុកអូរជ្រៅ ខេត្តបន្ទាយមានជ័យ ដើម្បីធ្វើចត្តាទ្បីស័កខេត្តបន្ទាយមានជ័យ១៤ថ្ងៃ ចំណែកមេខ្យល់៣នាក់ប្រគល់ទៅឲ្យកម្លាំងទាហានថៃយកទៅប្រទេសវិញធ្វើតាមនីតិវិធីច្បាប់៕

ដោយ ៖ វ៉ាន់ ណាង

Related Topics:ពលករខ្មែរ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា