ព័ត៌មានជាតិ
ពលរដ្ឋម្នាក់ត្រូវគ្រាប់កាំភ្លើងមន្រ្តីបរិស្ថាន ខណៈលួចអារឈើក្នុងព្រៃអភិរក្សព្រៃអង់តែន
ខេត្តកំពង់ធំ៖ មានការភ្ញាក់ផ្អើលមួយបានកើតឡើង បណ្តាលមកពីពលរដ្ឋម្នាក់ត្រូវបានរងគ្រោះដោយសារគ្រាប់កាំភ្លើងរបស់មន្រ្តីបរិស្ថាន ចំណុះឱ្យមន្ទីរបរិស្ថានខេត្តកំពង់ធំ ខណៈពេលដែលជនម្នាក់នោះកំពុងតែលួចចូលទៅកាប់អារឈើក្នុងដែនអភិរក្សព្រៃអង់តែន ស្ថិតនៅតំបន់ត្រពាំងឪឡឹក ឃុំក្រយា ស្រុកសន្ទុក ខេត្តកំពង់ធំ។
ហេតុការណ៍បាញ់ទៅលើពលរដ្ឋដែលបានចូលអារឈើក្នុងព្រៃហាមឃាត់ បានកើតឡើងកាលពីរសៀលថ្ងៃទី២៦ ខែមិថុនា ឆ្នាំ២០២១ បណ្តាលឱ្យរងរបួសត្រង់ភ្លៅខាងឆ្វេង ខណៈនេះកំពុងតែសម្រាកព្យាបាលរបួសនៅ គ្លីនឹកឯកជនមួយ នៅក្នុងស្រុកសន្ទុក ខេត្តកំពង់ធំ។
លោក តុប កក្តដា ប្រធានមន្ទីរបរិស្ថាន បានឱ្យដឹងតាមទូរសព្ទ នៅរសៀលថ្ងៃទី២៧ ខែមិថុនានេះថា ករណីមានការបាញ់មកលើពលរដ្ឋ គឺជាសិទ្ធិការពារខ្លួន ខណៈបុគ្គលរូបនោះជាជនសង្ស័យ មុខសញ្ញាចាស់ ធ្លាប់បង្កហេតុកាប់មន្រ្តីបរិស្ថានបណ្តាលឱ្យបែកក្បាល របួសធ្ងន់កន្លងមក តែត្រូវបានជនសង្ស័យម្នាកនេះ រត់គេខ្លួនបាត់តែម្តង និងទើបតែប្រទះឃើញខណៈកំពុងតែអារឈើតំបន់ហាមឃាត់នេះ។
លោក តុប កក្តដា បានបញ្ជាក់ថា នៅថ្ងៃកើតហេតុ មន្រ្តីបរិស្ថានប្រចាំការនៅស្នាក់ការចំនួន២នាក់ បន្ទាប់ពីលឺសូរ សំឡេងអារឈើ មន្រ្តីបរិស្ថានម្នាក់បានចូលក្នុងព្រៃទៅមើល ក៏ស្រាប់តែប្រទះឃើញជនសង្ស័យ២នាក់ កំពុងតែធ្វើសកម្មភាពអារឈើ ខណៈមន្រ្តីបរិស្ថានបានប្រាប់ឱ្យជនសង្ស័យទាំង២នាក់ ទម្លាក់ម៉ាស៊ីនអារឈើចុះ តែអ្នកទាំងពីរពុំបានទម្លាក់ចុះនោះឡើយ បែរជាគ្រវីម៉ាស៊ីនតម្រង់មកមន្រ្តីបរិស្ថាន។ ខណៈនោះមន្រ្តីអភិរក្សបានបាញ់កាំភ្លើងបង្អើលតែ គ្រាប់បានផ្លាតទៅចំភ្លៅបណ្តាលឱ្យរបួសតែម្តង។
លោក តុប កក្តដា បន្តថា៖ “បើមានចេតនាបាញ់សម្លាប់គឺស្លាប់បាត់ហើយ តែនេះគឺជាការពារខ្លួន ប្រសើរជាងត្រូវគេកាត់និងម៉ាស៊ីនអារឈើ ព្រោះជាមុនសញ្ញាចាស់ធ្លាប់បង្កហេតុម្តងមកហើយ គឺត្រូវការពារខ្លួន រួចចាំដោះស្រាយគ្នាតាមនីតិវិធីច្បាប់”។
លោកឧត្តមសេនីយ៍ទោ ម៉ែន លី ស្នងការនគរបាលខេត្តកំពង់ធំ បានឱ្យដឹងថា ជនរងគ្រោះដែលត្រូវរបួសដោយសារគ្រាប់កំាភ្លើង មានឈ្មោះ ប៉ុន ផល្លា ភេទប្រុស អាយុ២៤ឆ្នាំ រស់នៅភូមិសុភមង្គល ឃុំក្រយា ស្រុកសន្ទុក ខេត្តកំពង់ធំ ចំណែលមន្រ្តីបរិស្ថាន ដែលបានបាញ់ទៅលើជនរងគ្រោះ ដោយអះអាងថា ការពារខ្លួននោះ មានឈ្មោះ ចក់ សុជាតិ រស់នៅ ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ។ បន្ទាប់ពីមានការហេតុការណ៍បាញ់ពលរដ្ឋ លោក ចក់ សុជាតិ បានមកផ្ទះ ទើបមន្រ្តីនៃស្នងការនគរបាលខេត្តកំពង់ធំ បាននាំខ្លួនមកស្នងការដើម្បីដោះស្រាយ។
ដោយ ប៊ុន រដ្ឋា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ