ព័ត៌មានជាតិ
ក្រសួងសុខាភិបាលអនុញ្ញាតឱ្យប្រើប្រាស់តេស្តរហ័សរកវីរុសកូវីដ-១៩ នៅតាមផ្ទះ
ភ្នំពេញ៖ ក្រសួងសុខាភិបាល បានអនុញ្ញាតឱ្យប្រើប្រាស់តេស្តរហ័សរកវីរុសកូវីដ-១៩ នៅតាមផ្ទះឬជាលក្ខណៈឯកជនដើម្បីរួមចំណែកនៅក្នុងការបង្ការ ទប់ស្កាត់ និងគ្រប់គ្រងការឆ្លងរាលដាលនៃជំងឺកូវីដ-១៩ ឱ្យកាន់តែមានប្រសិទ្ធភាពថែមទៀត ។
យោងតាមសេចក្តីសម្រេចដាក់ឲ្យអនុវត្តគោលការណ៍ណែនាំប្រតិបត្តិ ស្តីពីការប្រើប្រាស់តេស្តរហ័សរកវីរុសកូវីដ-១៩របស់ក្រសួងសុខាភិបាលបានឱ្យដឹងថា បុគ្គលដែលមានការសង្ស័យថាអាចមានឆ្លងជំងឺកូវីដ១៩ អាចប្រើប្រាស់តេស្តរហ័សរកអង់ទីហ្សែនកូវីដ១៩ ដោយខ្លួនឯងដោយត្រូវអនុវត្តឱ្យបានត្រឹមត្រូវ តាមវិធីសាស្រ្តនៃការប្រើប្រាស់និងការគ្រប់គ្រងកាកសំណល់របស់តេស្តរហ័សរកអង់ទីហ្សែនកូវីដ១៩ និងអនុវត្តតាមគោលការណ៍ណែនាំសុវត្ថិភាពផ្នែកសុខាភិបាល ដើម្បីចៀសវាងការចម្លងមេរោគកូវីដ១៩ជាយថាហេតុ។
ក្រសួងបានណែនាំទៀតថា សាមីខ្លួនដែលបានធ្វើតេស្តរកមេរោគកូវីដ១៩ដោយខ្លួនឯង ហើយបានរកឃើញវិជ្ជមានមេរោគកូវីដ១៩ មានកាតព្វកិច្ចជូនដំណឹងទៅមន្ត្រីសុខាភិបាលឬអាជ្ញាធរមានសមត្ថកិច្ចពាក់ព័ន្ធ ដែលនៅជិតបំផុតឬទាក់ទងទៅលេខទូរសព្ទ ១២២២ សម្រាប់ភូមិសាស្ត្ររាជធានីភ្នំពេញ ដើម្បីអនុវត្តនីតិវិធីបន្តទាក់ទងនឹងការព្យាបាលដើម្បីទទួលនូវការនៅសេវាព្យាបាលនៅមន្ទីរពេទ្យព្យាបាលជំងឺកូវីដ១៩ឬ មណ្ឌលព្យាបាលជំងឺកូវីដ១៩ឬការព្យាបាលនៅតាមផ្ទះ យោងតាមការវាយតម្លៃកត្តាពាក់ព័ន្ធដោយមន្ត្រីសុខាភិបាល។
ក្រសួងបានបន្តទៀតថា ក្រៅពីនេះឧបករណ៍តេស្តរហ័សរកអង់ទីហ្សែនកូវីដ១៩នេះ ត្រូវបានអនុញ្ញាតឲ្យប្រើប្រាស់ នៅពេលមានការសង្ស័យការចម្លងរោគវីរុសកូវីដ១៩ ដើម្បីជាវិធានការតាមដានបង្ការ និងទប់ស្កាត់ការឆ្លងរាលដាលនៃជំងឺកូវីដ១៩ និងនៅពេលមានការផ្ទុះឆ្លងរាលដាលនៃជំងឺកូវីដ១៩ដើម្បីជាវិធានការស្រាវជ្រាវ និងរកអ្នកមានវិជ្ជមានមេរោគកូវីដ១៩ តាមរយៈការពាក់ព័ន្ធដោយផ្ទាល់ឬពាក់ព័ន្ធដោយប្រយោល។
លើសពីនេះទៀត ឧបករណ៍តេស្តនេះនឹងត្រូវប្រើប្រាស់នៅតាមបណ្ដាច្រកទ្វារចេញចូលប្រទេស ដើម្បីជាមធ្យោបាយក្នុងការរកឃើញឲ្យបានឆាប់រហ័សនូវបុគ្គល ដែលផ្ទុកមេរោគវីរុសកូវីដ១៩ សំដៅទប់ស្កាត់និងគ្រប់គ្រងឱ្យបានទាន់ពេលវេលាការនាំចូលមេរោគកូវីដ១៩ ជាពិសេសមេរោគប្រភេទដែលតាឬមេរោគបំប្លែងខ្លួនថ្មីប្រភេទផ្សេងទៀតក៏ដូចជាសម្រាប់គ្រឹះស្ថានសុខាភិបាលឯកជន ស្ថាប័ន និងអង្គភាពរដ្ឋមិនមែនសុខាភិបាល ក្រុមហ៊ុនឯកជន រោងចក្រ-សហគ្រាស និងទីកន្លែងអាជីវកម្មផ្សេងទៀត ផងដែរ៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង