ព័ត៌មានជាតិ
រាជរដ្ឋាភិបាលនឹងបើកសាច់ប្រាក់ជូនពលរដ្ឋជាងមុឺនគ្រួសារដែលជួបទុក្ខលំបាកដោយកូវីដ-១៩
លោក ឈួរ សុបញ្ញា ប្រធាននាយកដ្ឋានសុខុមាលភាពសង្គមនៃ ក្រសួងសង្គមកិច្ចអតីតយុទ្ធជននិងយុវនីតិសម្បទា បានថ្លែងមុននេះថា រាជរដ្ឋាភិបាលដែលមានសម្តេចតេជោ ហ៊ុន សែន ជានាយករដ្ឋមន្ត្រី តែងតែយកចិត្តទុកដាក់សុខទុក្ខប្រជាពលរដ្ឋនៅទូទាំងប្រទេសជាធំ ពិសេសគ្រួសារគោលដៅដែលជួបទុក្ខលំបាកដោយកូវីដ១៩ លើជីវភាពរួមទាំង ប្រជាពលរដ្ឋមានអ្នកឆ្លងជំងឺកូវីដ-១៩ និងមានការលំបាកផ្នែកជីវភាពដែលមានអ្នកស្លាប់ដោយសារជំងឺកូវីដ-១៩ ក្នុងព្រឹត្តិការណ៍ ២០ កុម្ភៈទាំងអស់នឹងទទួលបានការឧបត្ថម្ភសាច់ប្រាក់ឧបត្ថម្ភជាលើកទី២ របស់រាជរដ្ឋាភិបាលនៅថ្ងៃ១៣កក្កដាឆ្នាំ២០២១ឆាប់ៗនេះ។
លោក ឈួរ សុបញ្ញា បានថ្លែងថាគ្រួសារគោលដៅដែលជួបទុក្ខលំបាកលើជីវភាពទាំងអ្នកឆ្លងទាំងអ្នកស្លាប់ដោយសារជម្ងឺកូវីដ១៩ដែលនឹងទទួលសាច់ប្រាក់ឧបត្ថម្ភរបស់រាជរដ្ឋាភិបាលក្រោយបិទខ្ទប់មានចំនួនជាង៥៦០០០គ្រួសារឯណោះ ហើយនឹងទទួលបានសាច់ប្រាក់នៅថ្ងៃទី១៣កក្កដា ឆ្នាំ២០២១នេះដោយគ្រាន់តែកាន់អត្តសញ្ញាណប័ណ្ឌនិងលេខទូរស័ព្ឌសម្រាប់ភ្ជាប់ទំនាក់ទំនងក្នុងពេលសម្ភាសជាមួយក្រុមការងារជំនាញកន្លងមកនេះទៅសាខាវីងដែលនៅផ្ទះជាការស្រេច។
លោក ឈួរ សុបញ្ញា ថ្លែងថា គ្រួសារគោលដៅដែលជួបទុក្ខលំបាកលើជីវភាពទាំងអ្នកឆ្លងទាំងអ្នកស្លាប់ដោយសារជម្ងឺកូវីដ១៩ដែលនឹងទទួលសាច់ប្រាក់ឧបត្ថម្ភរបស់រាជរដ្ឋាភិបាលក្រោយបិទខ្ទប់មានចំនួនជាង៥៦០០០គ្រួសារនោះសុទ្ធតែបានឆ្លងកាត់ការសម្ភាសជាប់រួចរាល់ហើយដែលនឹងត្រៀមទទួលប្រាក់ឧបត្ថម្ភពេលខាងមុខនេះ។ ដោយឡែកគ្រួសារគោលដៅមិនទាន់បានសម្ភាសឬខុសបច្ចេកទេសណាមួយសូមទៅជួបអាជ្ញាធរមូលដ្ឋានអោយបានឆាប់ដើម្បីទទួលសាច់ប្រាក់ឧបត្ថម្ភរបស់រាជរដ្ឋាភិបាលជាលើកទី២។
លោក ឈួរ សុបញ្ញា ថ្លែងបន្ថែមថា សកម្មភាពមនុស្សធម៏ដ៍ថ្លៃថ្លារបស់រាជរដ្ឋាភិបាលនេះគឺសម្រាប់ជួយដល់ប្រជាពលរដ្ឋ និងគ្រួសារប្រជាពលរដ្ឋមានការលំបាកផ្នែកជីវភាព ប្រជាពលរដ្ឋ និងគ្រួសារប្រជាពលរដ្ឋដែលមានអ្នកឆ្លងជំងឺកូវីដ-១៩ និងមានការលំបាកផ្នែកជីវភាពនិងគ្រួសារប្រជាពល រដ្ឋដែលមានអ្នកស្លាប់ដោយសារជំងឺកូវីដ-១៩ ក្នុងព្រឹត្តិការណ៍ ២០ កុម្ភៈ ២០២១។
លោកប្រធាននាយកដ្ឋានសុខុមាលភាពសង្គមបានថ្លែងបន្តថា យោងតាមអនុសាសន៍ដ៍ខ្ពង់ខ្ពស់របស់សម្តេចតេជោនិងសេចក្តីណែនាំនីតិវិធី និងយន្តការបើកផ្តល់កម្មវិធីជំនួយសង្គមជាសាច់ប្រាក់ក្រោយពេលបិទខ្ទប់រួចមកក្រសួងសង្គមកិច្ចនិងក្រសួងពាក់ព័ន្ធបានសហការចុះពិនិត្យតាមដានយ៉ាងយកចិត្តទុកដាក់ចំពោះគ្រួសារគោលដៅសម្រាប់ប្រជាពលរដ្ឋ និងគ្រួសារមានការលំបាកផ្នែកជីវភាព ប្រជាពលរដ្ឋ និងគ្រួសារដែលមានអ្នកឆ្លងនិងជំងឺកូវីដ-១៩ ។ លើសពីនេះពួកគាត់មានការលំបាកផ្នែកជីវភាព និងគ្រួសារដែលមានអ្នកស្លាប់ដោយជំងឺកូវីដ-១៩ ក្នុងព្រឹត្តិការណ៍ ២០ កុម្ភៈ ២០២១ និងបន្តអនុវត្តកម្ម វិធីការងារក្នុងដំណាក់កាលបរិបទកូវីដ-១៩។
លោកបានបន្តថា កម្មវិធីជំនួយសង្គមជាសាច់ប្រាក់ក្រោយពេលបិទខ្ទប់របស់រាជរដ្ឋាភិបាលមានសារៈសំខាន់ណាស់សម្រាប់ជួយដល់បងប្អូនប្រជាពលរដ្ឋដែលបានបាត់បង់ប្រាក់ចំណូល ឬបាត់បង់ការងារដោយសារការបិទខ្ទប់ពិសេសបងប្អូនមានផ្ទុកកូវីដ១៩ និងគ្រួសារអ្នកស្លាប់ដោយសារកូវីដ១៩តែម្ដង។
គ្រួសារគោលដៅដែលងាយរងគ្រោះលើបញ្ហាជីវភាពប្រចាំថ្ងៃដោយសារកូវីដ១៩ដូចជា អ្នកលក់ដូរជាកញ្ច្រែងតាមផ្សារ អ្នកលក់ដូរតាមផ្លូវ អ្នករត់ម៉ូតូឌុប អ្នករត់ម៉ូតូកង់បី អ្នកធាក់ស៊ីក្លូ អ្នកស៊ីឈ្នួលបើកបរថយន្ត កម្មករផ្នែកដឹកជញ្ជូន កម្មករប្រមូលសំរាម កម្មករសំណង់ អ្នករើសអេតចាយ អ្នក បម្រើសេវាកំសាន្ត អ្នកបម្រើសេវាវិស័យទេស ចរណ៍ នៅរាជធានីភ្នំពេញ ក្រុងតាខ្មៅនៃខេត្តកណ្តាល និងក្រុ ព្រះសីហនុ នៃខេត្តព្រះសីហនុនិងខេត្តមួយចំនួនខ្លះទៀត ៕
អត្ថបទ ៖ វិមាន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ