ព័ត៌មានជាតិ
បន្លំខ្លួនក្នុងរថយន្តសង្គ្រោះដឹកអ្នកជំងឺកូវីដ តម្រួតថៃចាប់បានពលករខ្មែរជាង១០នាក់
ពកលករខ្មែរប្រមាណជាង១០នាក់ រួមជាមួយរថយន្តចំនួន២គ្រឿង ក្នុងនោះ១គ្រឿង ជារថយន្តសង្គ្រោះបន្ទាន់ ត្រូវបានក្រុមតម្រួតប្រចាំខេត្តច័ន្ទបុរី ស្ទាក់ចាប់បាន បន្ទាប់ពីមានការសង្ស័យថា នៅក្នុងរថយន្តសង្គ្រោះបន្ទាន់នោះ មិនមែនជាអ្នកជំងឺកូវីដ-១៩ ។
ការឃាត់រថយន្តទាំង២គ្រឿងនេះ បានធ្វើឡើងកាលពីល្ងាចថ្ងៃទី១៤ ខែកក្កដា ឆ្នាំ២០២១ ត្រង់ចំណុចភូមិ៤ឃុំទេពនិមិត្រ ស្រុកពោងណាំរ៉ន ខេត្តច័ន្ទបុរី ប្រទេសថៃ ដែលរថយន្តទាំង២គ្រឿងនេះ គឺទី១ ជាប្រភេទរថយន្តសង្គ្រោះបន្ទាន់ ដោយអ្នកបើកបរមានស្លៀកពាក់ឯកសណ្ឋានជាគ្រូពេទ្យដើរយកសំណាក ព្រមទាំងបានបើកភ្លើងស៊ីរ៉ែនតាមផ្លូវរហូត។ ដោយឡែក១គ្រឿងទៀត គឺជារថយន្តនីសាន់ ដឹកសម្ភារៈតាមក្រោយ។
បន្ទាប់ពីមានការសង្ស័យសមត្ថកិច្ចថៃបានឃាត់ដើម្បីសុំត្រួតពិនិត្យ ជាលទ្ធផលនៅក្នុងរថយន្តសង្គ្រោះបន្ទាន់គេឃើញមានពលករខ្មែរសរុបចំនួន១៤នាក់ មនុស្សធំ៩នាក់ និងក្មេង៥នាក់ ដោយអ្នកបើកបររថយន្តទាំង២គ្រឿង គឺជាជនជាតិថៃចំនួន៣នាក់ ។
ជនជាតិថៃទាំងនោះបានសារភាពថា ពួកគេស៊ីឈ្នួលដឹកចេញពីខេត្ត ណុនថៈបុរី ឆ្ពោះទៅកាន់ខេត្តច័ន្ទបុរីក្នុងតម្លៃសរុប ២៥,០០០ បាត ដើម្បីអោយពួកគាត់ឆ្លងដែនតាមច្រកបានឡែន ចូលទៅកាន់ប្រទេសកម្ពុជាវិញ ប៉ុន្តែដោយសារតែខេត្ត ណុនថៈបុរី គឺជាតំបន់ក្រហម ទើបសមត្ថកិច្ចថៃ ចាត់អោយក្រុមគ្រូពេទ្យចុះពិនិត្យសំណាកទៅលើពលករទាំង១៤នាក់ ជាលទ្ធផលមាន៥នាក់ មានវិជ្ជមានកូវីដ-១៩ ហើយបច្ចុប្បន្ន នេះត្រូវបានដាក់អោយក្រុមគ្រូពេទ្យព្យាបាល និងឃុំខ្លួនដើម្បីធ្វើចត្តាឡីស័ក ដោយឡែកជនជាតិថៃទាំង ៣នាក់ ត្រូវបានបញ្ជូនទៅតុលាការ ៕
អត្ថបទ ៖ សោ និយមរ័ត្ន
-
ព័ត៌មានជាតិ១៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)