ព័ត៌មានជាតិ
ជនបរទេសជាង ២០០០ នាក់នៅខេត្តសៀមរាប ស្ម័គ្រចិត្តចាក់វ៉ាក់សាំងការពារជំងឺកូវីដ
អនុប្រធានមន្ទីរពេទ្យបង្អែកខេត្តឱសថការី លឹម ហេង និង ជាប្រធានមណ្ឌលផ្តល់វ៉ាក់សាំងមន្ទីរពេទ្យបង្អែកខេត្តសៀមរាប បានឲ្យដឹងថាអនុវត្ត តាមសេចក្តីជូនដំណឹងរបស់រដ្ឋបាលខេត្តសៀមរាបស្តីពីការចាក់វ៉ាក់សាំងការពារជំងឺកូវីដ-១៩ ជូនដល់ជនបរទេសក្នុងខេត្តនៅព្រឹកថ្ងៃទី២០ ខែកក្កដានេះ បានចាប់ផ្ដើមដំណើរការចាក់ដូសទី១ ជូនដល់ជនបរទេសទាំងអស់ដែលកំពុងស្នាក់នៅនិងកំពុងបំពេញការងារនៅក្នុងខេត្តសៀមរាប ដែលប្រព្រឹត្តទៅនៅក្នុង បរិវេណមន្ទីរពេទ្យបង្អែកខេត្តសៀមរាប។
លោក លឹម ហេង មានប្រសាសន៍ថា ការចាក់វ៉ាក់សាំងការពារជំងឺកូវីដ-១៩ ជូនដល់ជនបរទេសនាពេលនេះ គឺផ្តល់ជូនដល់តែចំពោះជនបរទេសណាដែល បានធ្វើសំណើមកកាន់រដ្ឋបាលខេត្តសៀមរាបនាពេលកន្លងមក ដែលមានចំនួនប្រមាណ ២,១២០ ពាន់នាក់ ពិសេសគឺធ្វើឡើងតាមគោលការណ៍ស្ម័គ្រចិត្ត និង មិនគិតថ្លៃ ចាក់ជូនឲ្យបានគ្រប់ៗគ្នារហូតដល់ថ្ងៃទី២៣ ខែកក្កដា ឆ្នាំ២០២១នេះ ។
គួររំលឹកថា តាមសេចក្តីជូនដំណឹងរបស់រដ្ឋបាលខេត្តសៀមរាបស្តីពីការចាក់វ៉ាក់សាំងការពារជំងឺកូវីដ-១៩ជូនដល់ជនបរទេសក្នុងខេត្តនេះបានបញ្ជាក់ថា ចំពោះជនបរទេសទាំងអស់ដែលមានបំណងចង់ទៅទទួលការចាក់វ៉ាក់សាំងការពារកូវីដ-១៩ សូមភ្ជាប់ជាមួយនូវឯកសារពាក់ព័ន្ធដែលមានដូចជាលិខិតឆ្លងដែន, ទិដ្ឋាការនៃការស្នាក់នៅក្នុងប្រទេសកម្ពុជានៅមានសុពលភាព (គិតត្រឹមថ្ងៃទី៣០ ខែកក្កដា ឆ្នាំ២០២១ ) ហើយចំពោះជនបរទេសទាំងឡាយណា ដែលមាន ទិដ្ឋាការនៃការស្នាក់នៅក្នុងប្រទេសកម្ពុជាហួសសុពលភាព ហើយមានបំណងចង់ចាក់វ៉ាក់សាំងគឺត្រូវទៅសុំពន្យារទិដ្ឋាការនៃការស្នាក់នៅក្នុងប្រទេសកម្ពុជា ស្របតាមនីតិវិធី ដែលមានជាធរមាននិងលិខិតបញ្ជាក់សុខភាព ឬ វេជ្ជបញ្ជានៃការប្រើប្រាស់ថ្នាំនានា ដែលកំពុងប្រើប្រាស់ជារៀងរាល់ថ្ងៃប្រសិនបើមាន ។
គួរបញ្ជាក់ជូនថាគិតត្រឹមថ្ងៃទី ១៩កក្កដា២០២១ យុទ្ធនាការចាក់វ៉ាក់សាំងជូនប្រជាពលរដ្ឋក្នុងខេត្តសៀមរាបសរុបចំនួន ២៥៥,៩០៧ នាក់ក្នុងនោះ៖
១-ក្រុងសៀមរាបចាក់វ៉ាក់សាំងសរុបបាន១៣៨ ៧៩៧នាក់ ស្រី ៧១ ២៥៣នាក់។ ២-ស្រុកក្រឡាញ់ចាក់វ៉ាក់សាំងសរុបបាន ៨ ៨៩៦នាក់។ ៣-ស្រុកជីក្រែង ចាក់វ៉ាក់សាំងសរុបបាន ១២ ២០៦នាក់ ។៤-ស្រុកអង្គរធំចាក់វ៉ាក់សាំងសរុបបាន៥ ៥៨៧នាក់។ ៥-ស្រុកបន្ទាយស្រីចាក់វ៉ាក់សាំងសរុបបាន ៨ ៦៤២នាក់។ ៦-ស្រុកអង្គរជុំចាក់វ៉ាក់សាំងសរុបបាន ៦ ៤១៦នាក់។ ៧-ស្រុកពួកចាក់វ៉ាក់សាំងសរុបបាន ៧ ៦៧១នាក់ ។ ៨ -ស្រុកប្រាសាទបាគងចាក់វ៉ាក់សាំងសរុបបាន ៣៧ ៥៨១នាក់។ ៩-ស្រុកស្រីស្នំចាក់វ៉ាក់សាំងបានសរុប៧ ៧៤៤នាក់។ ១០-ស្រុកសូទ្រនិគមចាក់វ៉ាក់សាំងសរុបបាន ៨ ៥០១នាក់។ ១១-ស្រុកស្វាយលើ ចាក់វ៉ាក់សាំងសរុបបាន ៤ ៩៣៦នាក់។ ១២-ស្រុកវ៉ារិនចាក់វ៉ាក់សាំងសរុបបាន៦ ៥៦៣នាក់។
ជាមួយគ្នានេះរដ្ឋបាលខេត្ត ក៏បានអំពាវនាវដល់បងប្អូនប្រជាពលរដ្ឋ ដែលមានអាយុចាប់ពី១៨ឆ្នាំឡើងសូមអញ្ជើញទៅចាក់វ៉ាក់សាំងឱ្យបានគ្រប់គ្នាតាមទីតាំង ដែលអាជ្ញាធរបានរៀបចំនៅក្នុងបណ្តាឃុំ សង្កាត់ដែលជិតបងប្អូន ពិសេសបងប្អូនដែលរស់នៅក្នុងក្រុងសៀមរាបដែលនៅសល់រយៈពេល៤ ថ្ងៃទៀតដូចនេះ សូមបងប្អូនដែលរស់នៅក្នុងក្រុងសៀមរាបសូមរួសរាន់៕
អត្ថបទ៖ ណារី
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត