ព័ត៌មានជាតិ
ប្រញាប់ប្រមូលកសិផលកម្ពស់ទឹកទន្លេមេគង្គហក់ឡើងធ្វើឱ្យលិចតំបន់ទំនាបអបមាត់ទន្លេ
ក្រសួងធនធានទឹក និងឧតុនិយម នៅថ្ងៃទី ២៦ ខែកក្កដា បានប្រកាសឱ្យប្រជាពលរដ្ឋដែលរស់នៅអមសងខាងដងទន្លេមេគង្គនិងតំបន់ទំនាបមានការប្រុងប្រយ័ត្ន និងរួសរាន់ប្រមូលកសិផលឱ្យបានទាន់ពេលវេលា។
ការប្រកាសបែបនេះ ដោយសារតែស្ថានភាពកម្ពស់ទឹកទន្លេមេគង្គ នឹងហក់ឡើង នឹងបន្តក្នុងរយៈពេល ២ ទៅ ៤ ថ្ងៃខាងមុខទៀត។
លោក ចាន់ យុត្ថា រដ្ឋលេខាធិការ និងជាអ្នកនាំពាក្យក្រសួងធនធានទឹក និងឧតុនិយម បានពន្យល់ថា កន្លងទៅថ្មីនេះព្យុះទី ៦ បានបង្កឱ្យមានការខូចខាតធ្ងន់ធ្ងរ គ្រោះមហន្តរាយក្នុងខេត្តមួយចំនួននៅប្រទេសចិន វាបានបន្តដំណើរចូលមកឈួងសមុទ្រតុងកឹង ជាឆ្នេររបស់ប្រទេសវៀតណាម ហើយវាបានបង្កឱ្យមានភ្លៀងធ្លាក់ច្រើនគួសមនៅក្នុងតំបន់ផ្ទៃរងទឹកភ្លៀងរបស់ទន្លេមេគង្គទាំងនៅក្នុងប្រទេសវៀតណាម ប្រទេសថៃ ប្រទេសឡាវ។
លោកចាន់ យុត្ថាបញ្ជាក់ថាបាតុភូតភ្លៀងនេះ នឹងធ្វើឱ្យទឹកទន្លេមេគង្គហក់ឡើង ខណៈមិនទាន់ឈានទៅដល់កម្រិត ដែលប្រកាសឱ្យមានការប្រុងប្រយ័ត្ននោះទេ ប៉ុន្តែការងើបឡើងនៅពេលនេះ វាអាចធ្វើឱ្យប៉ះពាល់ដល់តំបន់ទំនាបនៅអមសងខាងទន្លេមេគង្គដែលមានបងប្អូនប្រជាកសិករធ្វើការបង្កបង្កើនផលដាំដុះដំណាំផ្សេងៗ។
លោក ចាន់ យុត្ថាបញ្ជាក់ថា “គោលបំណងរបស់ក្រសួងធនធានទឹក និងឧតុនិយមគឺជូនដំណឹងដល់បងប្អូនប្រជាពលរដ្ឋឱ្យបានជ្រាប នឹងរួសរាន់ប្រមូលកសិផល និងប្រាប់ឱ្យបងប្អូនប្រជាពលរដ្ឋ ដែលធ្វើដំណើរតាមផ្លូវទឹកទន្លេមេគង្គពេលនេះ ទឹកឡើង កម្ពស់ទឹកក៏ខ្ពស់ ល្បឿនទឹកក៏លឿន ហើយរបបហូរ ក៏មានការប្រែប្រួល កន្លែងដែលមិនធ្លាប់គួច ដល់ពេលវាហូរទៅវាអាចមានទឹកកួច”។
លោក ចាន់ យុត្ថា បានបង្ហើបប្រាប់ពីស្ថានភាពកម្ពស់ទឹកទន្លេនៅកម្ពុជាថា ជាទូទៅទឹកទន្លេអាចហក់ឡើង នៅអំឡុងខែ កញ្ញា ដែលជាកម្រិតកម្ពស់ទឹកអតិបរិមា លើកទី២ ប៉ុន្តែឆ្នាំខ្លះក៏មានអតិបរិមាតែមួយលើក។ មកដល់ពេលនេះ កម្រិតទឹកអតិបរិមាលើកទី១ មិនទាន់សង្កេតឃើញមានទេ ដូច្នេះវាអាចកើតមានឡើង អំឡុងពាក់ណ្ដាលខែកញ្ញា រហូតដល់ពាក់កណ្ដាលខែតុលា ក្នុងពេលនោះភាគច្រើន ទឹកភ្លៀងធ្លាក់នៅតំបន់ផ្ទៃរងទឹកភ្លៀងរបស់ទន្លេមេគង្គ ដែលបង្កឱ្យទឹកទន្លេមេគង្គ គឺហក់ឡើងខ្ពស់។
ទោះជាយ៉ាងណា ពេលនេះកម្រិតប្រកាសឱ្យប្រុងប្រយ័ត្ន ក៏មិនទាន់មានដោយគ្រាន់តែប្រកាសឱ្យបងប្អូនប្រជាកសិកររាន់ប្រមូលកសិផលនៅតាមដឹងទន្លេមេគង្គឱ្យបានទាន់ពេលវេលា៕ អត្ថបទ៖ ឡេង ដេត
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)