ព័ត៌មានជាតិ
ពលរដ្ឋ ក្នុងស្រុករតនមណ្ឌល ៤ម៉ឺននាក់ ដែលគ្រប់អាយុបានទទួលវ៉ាក់សាំងការពារជំងឺកូវីដ
លោកអភិបាលខេត្តបាត់ដំបង បានធ្វើការណែនាំដល់អាជ្ញាធរស្រុករតនមណ្ឌល ក្នុងការផ្តល់នូវការចាក់វ៉ាក់សាំងជូនប្រជាពលរដ្ឋនៅក្នុងស្រុករបស់ខ្លួន ឲ្យបានត្រឹមត្រូវតាមការកំណត់បែងចែកកាលវិភាគដល់ប្រជាពលរដ្ឋ រស់នៅតាមបណ្តាឃុំទូទាំងស្រុក ដែលមានចំនួន៤ម៉ឺននាក់ ដែលមានអាយុត្រូវទទួលការចាក់វ៉ាក់សាំង ដើម្បីទប់ស្កាត់ការឆ្លងពីជំងឺកូវីដ១៩ ត្រូវបញ្ចៀសពីបាតុភាពមិនល្អកើតឡើង នៅក្នុងអំឡុងពេលនៃការចាក់វ៉ាក់សាំងក្នុងស្រុករបស់ខ្លួន។
ការថ្លែងបែបនេះ ខណៈដែលលោក ងួន រតនះ អភិបាលខេត្តបានអញ្ជើញជាគណៈអធិបតីក្នុងពិធីប្រកាសតែងតាំងនិងចូលកាន់មុខតំណែងថ្មីរបស់លោក គុយ វណ្ណូ ជាអភិបាលនៃគណៈអភិបាលស្រុករតនមណ្ឌលជំនួសលោក ឥន្ទ សៅឬទ្ធិ ដែលត្រូវបានចូលនិវត្តន៍កាលពីព្រឹកថ្ងៃទី២៦ ខែកក្កដា ឆ្នាំ២០២១។ ក្នុងឱកាសនោះ លោកអភិបាលខេត្តក៏បានជំរុញឲ្យលោកអភិបាលស្រុក ដែលទើបទទួលនូវមុខតំណែងថ្មី ត្រូវរៀបចំផែនការក្នុងការផ្តល់និងការចាក់វ៉ាក់សាំងធ្វើយ៉ាងណា កុំឲ្យមានការកកស្ទះមនុស្សកកកុញប្រាសចាកពីវិធានការ ក្នុងការមកទទួលនូវការចាក់វ៉ាក់សាំងការពារជំងឺឆ្លងពីកូវីដ១៩។

លោកអភិបាលខេត្តបាត់ដំបង ក៏បានអំពាវនាវដល់ពលរដ្ឋក្នុងមូលដ្ឋានក្នុងស្រុកដែលគ្រប់អាយុត្រូវទទួលការចាក់វ៉ាក់សាំងសូមមកទទួលឲ្យបានគ្រប់ៗគ្នា កុំឲ្យមានការយឺតយ៉ាវពេលវេលា ដោយលោកអភិបាលបានថ្លែងបញ្ជាក់បែបនេះថា ប៉ុន្មានថ្ងៃនេះស្ថានភាពនៃការរាតត្បាតពីជំងឺកូវីដ១៩ និងកំពុងតែមានការព្រួយបារម្ភយ៉ាងខ្លាំង ដោយសារតែរកឃើញជាបន្តបន្ទាប់នូវអ្នកជំងឺដែលឆ្លងជំងឺកូវីដប្រភេទថ្មី(Delta)ដែលជាសញ្ញាត្រូវប្រុងប្រយ័ត្នសម្រាប់ខេត្តបាត់ដំបងនិងនៅតាមបណ្តាក្រុងស្រុកជៀសវាងប្រឈមនឹងហានិភ័យខ្ពស់ពីការរាតត្បាតនិងអាចឆ្លងចូលក្នុងកម្រិតសហគមន៍បាន។
ខណៈដែលបងប្អូនប្រជាពលរដ្ឋក្រោយទទួលការចាក់វ៉ាកសាំង ហើយវាជាវិធានការទី១ ដែលត្រូវទប់ស្កាត់ការឆ្លងរីករាលដាលតែត្រូវប្រកាន់ឲ្យបានខ្ជាប់ខ្ជួនម៉ឺងម៉ាត់នូវវិធានការ ទី២នោះគឺ ជាវិធានការរបស់សុខាភិបាលនិងរាជរដ្ឋាភិបាល ដែលបានណែនាំជាប្រចាំនូវ៣ការពារនិង៣កុំ ដែលត្រូវទាមទារឲ្យយើងទាំងអស់គ្នា ចាំបាច់ត្រូវតែបង្កើននូវការប្រុងប្រយ័ត្នខ្ពស់ ក្នុងការបង្ការទប់ស្កាត់ពីការរាតត្បាតនូវជំងឺនេះ ដែលវាអាចធ្វើឲ្យប៉ះពាល់ដល់សុខភាពនិងអាយុជីវិតសាធារណៈជាមួយនិងការប៉ះពាល់ដល់សេដ្ឋកិច្ចសង្គមនិងជីវភាពប្រចាំថ្ងៃរបស់បងប្អូនប្រជាពលរដ្ឋផងដែរ។


សូមបញ្ជាក់ផងដែរថា តាមរបាយការណ៍រដ្ឋបាលខេត្តបាត់ដំបងបានឲ្យដឹងថា គិតត្រឹមថ្ងៃទី២៥ខែកក្កដា ឆ្នាំ២០២១ ការចាក់វ៉ាក់សាំងការពារជំងឺកូវីដ១៩ នៅខេត្តបាត់ដំបងក្នុងវគ្គទី១សម្រាប់មន្ត្រីរាជការកងកម្លាំងអ្នកមានអាទិភាព និងគ្រួសារអតីតយុទ្ធជនសរុបចំនួន៤,១៦៥៤នាក់។ ចាក់វគ្គទី២ ជូនប្រជាពលរដ្ឋទូទៅវ៉ាក់សាំង(Sinopharm)សរុបចំនួន៩,៨៧៨៨នាក់និងវ៉ាក់សាំង(Sinovac)ចំនួន៥,០១២៥នាក់។ មកដល់ពេលនេះ អ្នកបានចាក់វ៉ាក់សាំងមានចំនួនសរុប១៩,០៥៦៧នាក់លើផែនការអ្នក ដែលត្រូវគ្រប់អាយុក្នុងការចាក់វ៉ាក់សាំងសរុបចំនួនប្រមាណ៧០ម៉ឺននាក់។



ខណៈកាលពីថ្មីៗនេះ សម្រាប់ខេត្តបាត់ដំបងនឹងទទួលបានវ៉ាក់សាំងបន្ថែមពីរាជរដ្ឋាភិបាលតាមរយៈក្រសួងសុខាភិបាលនូវវ៉ាក់សាំងប្រមាណជិត៦០ម៉ឺនដូស ដើម្បីចាក់ជូនពលរដ្ឋនិងកម្មករក្នុងស្រុកគោលដៅចំនួន៨បន្ថែមទៀត សរុបចំនួន២៧,០៨០៤នាក់ ក្នុងនោះកម្មករ-កម្មការិនីចំនួន៤,១០០នាក់៕
អត្ថបទ៖ សៅ សារិទ្ធ

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៥ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី