ចាប់ខ្លួនមន្ត្រីឥណទានប្រមូលប្រាក់ជាង៦ម៉ឺនដុល្លារគេចខ្លួន

ភ្នំពេញ៖ មន្ត្រីឥណទានម្នាក់ត្រូវបានចាប់ខ្លួនកាលពីល្ងាចថ្ងៃទី២៧ ខែកក្ដដា ឆ្នាំ២០២១ ពាក់ព័ន្ធបទល្មើសរំលោភលើទំនុកចិត្ត (ប្រមូលប្រាក់ពីអតីថិជនជាង៦ម៉ឺនដុល្លារគេចខ្លួន)។

ជនសង្ស័យដែលត្រូវចាប់ខ្លួនឈ្មោះ ឌុក សុជាតិ ភេទប្រុស អាយុ៤០ឆ្នាំ ជនជាតិខ្មែរ មុខរបរ មន្រ្តីឥណទាន ក្រុមហ៊ុនហ្រ្គេនសាន់មូឃែភីថល។ ជនសង្ស័យនឹងត្រូវបញ្ជូនមកកាន់សាលាដំបូងនៅថ្ងៃទី២៨ កក្ដដានេះ ចាត់ការតាមច្បាប់។

ប្រភពព័ត៌មានពីសមត្ថកិច្ចនគរបាលបានឱ្យដឹងថា កន្លងទៅឈ្មោះ ឌុក សុជាតិ ក្នុងឋានៈជាមន្ត្រីឥណទាន បានដើរប្រមូលប្រាក់ពីអតិថិជនដែលខ្ចីចងការប្រាក់បានចំនួន៦១,០០០ដុល្លារ តែមិនបានប្រគល់មក​គណនេយ្យឥណទានទេ គឺទុកជាប្រយោជផ្ទាល់ខ្លួន។ លុះដល់ថ្ងៃទី២៧ ខែកក្ដដា ឆ្នាំ២០២១ ឈ្មោះ ឌុក សុជាតិ បានបង្ហាញខ្លួនក៏ត្រូវខាងឥណទានប្ដឹងឱ្យសមត្ថកិច្ចចាប់ខ្លួនតែម្ដង៕

អត្ថបទ៖ មករា