ព័ត៌មានជាតិ
បុរសជនសង្ស័យម្នាក់លួចដាក់ថ្នាំពុលក្នុងទឹកប៉ងសម្លាប់ប្រពន្ធកូនចៅទាំងគ្រួសារ
បុរសម្នាក់ត្រូវសមត្ថកិច្ចចាប់ខ្លួនពាក់ព័ន្ធនឹងករណីយកថ្នាំពុលដាក់ចូលក្នុងធុងទឹក ប៉ុនប៉ងធ្វើឃាតប្រពន្ធចុង និងកូន ៣ នាក់ តែត្រូវបែកការ ខណៈបុរសរូបនេះសង្ស័យ និងប្រចណ្ឌទៅលើប្រពន្ធខ្លួន។
សម្ដីស្ត្រីជាប្រពន្ធចុងឈ្មោះ ហាត់ សុឃឿន អាយុ៤២ ឆ្នាំ បានឱ្យដឹងថា មុនកើតហេតុប្ដីរបស់ខ្លួនឈ្មោះ ចាប ឃួយ អាយុ៤០ឆ្នាំជាប្តីទី២ តែងតែបង្ករឿងឈ្លោះប្រកែកជាមួយខ្លួនជាញឹកញាប់ដោយសារតែរឿងប្រចណ្ឌលុះដល់ថ្ងៃទី២៩ខែកក្កដាកន្លងមកថ្មីៗនេះខ្លួនបាននិយាយទូរស័ព្ទហើយបុរសជាប្តីចុងនឹកគិតថាខ្លួននិយាយទូរស័ព្ទជាមួយសង្សាក៏បានរករឿងឈានដល់ឈ្លោះគ្នាយ៉ាងចាស់ដៃហើយក៏ចែកជើងគ្នាទៅសម្រាករៀងៗខ្លួន។
លុះព្រឹកឡើងខ្លួនជាប្រពន្ធបានងើបមកចាក់ទឹកកំសៀវដើម្បីផឹកដូចសព្វមួយដងក៏ស្រាប់តែឃើញទឹកមានពណ៌ខៀវរួចក៏ចាក់ចោលហើយក៏ទៅចាក់ទឹកពីធុងទឹកសុទ្ធចំណុះ១៥មីត្រក៏ប្រទះឃើញទឹកមានពណ៌ខៀវដូចគ្នាទៀតក៏កើតរឿងឆ្ងល់ទើបដាក់ការសង្ស័យថាប្រហែលជាប្តីយកថ្នាំពុលលាយជាមួយទឹកដើម្បីសម្លាប់ខ្លួនព្រមទាំងចៅ និងកូនចុងចំនួន៣ទៀតឱ្យស្លាប់ទាំងអស់ក្នុងពេលតែមួយ។
បន្ទាប់មកនាងក៏បាន ទៅហៅមេភូមិឱ្យជួយពិនិត្យទឹកដែលមានពត៌ខៀវនោះទើបដឹងនិងស្គាល់ថាជាទឹកលាយជាមួយថ្នាំសម្លាប់សត្វកណ្តៀរ។
លោកមេភូមិបញ្ជាក់ថា ក្រោយពីពិនិត្យទឹកដឹងថាលាយថ្នាំពុលស្ត្រីជាប្រពន្ធភ្លាមៗនោះក៏បានរត់ទៅប្តឹងដល់កម្លាំងសមត្ថកិច្ចឲ្យមកពិនិត្យម្តងទៀតហើយផ្នែកជំនាញក៏បានសន្និដ្ឋានដូចអាជ្ញាធរភូមិហើយក៏សមត្ថកិច្ចចុះទៅនាំខ្លួនប្តីចុងដែលជាជនសង្ស័យមកសាកសួរហើយជនសង្ស័យបានសារភាពថាដោយសារតែខ្លួនខឹងនឹងប្រពន្ធបានទាក់ទងជាមួយប្រុសផ្សេងទើបមានគំនិតសម្លាប់ចោលទាំងសំបុកបែបនេះ។
លោក ប៉ាង ហៀងអធិការស្រុកបានបញ្ជាក់ដែរថាក្រោយពីសមត្ថកិច្ចជំនាញសាកសួរនិងប្រមូលភស្តុតាងរួចក៏បានរៀបចំសំណុំរឿងបញ្ជូនជនសង្ស័យទៅកាន់ការិយាល័យព្រហ្មទណ្ឌកម្រិតធ្ងន់នៃស្នងការនគរបាលខេត្តបាត់ដំបងដើម្បីអនុវត្តទោសបន្តដែលគ្រោងនឹងបញ្ជូនទៅដល់ដៃតុលាកានៅថ្ងៃទី០២ខែសីហាឆ្នាំ២០២១នេះដើម្បីផ្តន្ទាទោសតាមផ្លូវច្បាប់៕ ដោយៈ សៅ សារិទ្ធ
-
ព័ត៌មានជាតិ១៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)