ព័ត៌មានជាតិ
កុមារ និងយុវជនកោះកុង មកទទួលវ៉ាក់សាំងតាមការកំណត់របស់រាជរដ្ឋាភិបាល
កុមារ និងយុវជននៅទូទាំងខេត្តកោះកុង បានសម្រុកនាំគ្នាចាក់វ៉ាក់សាំងបង្ការការពារជំងឺកូវីដ១៩ពីរាជរដ្ឋាភិបាលកម្ពុជានៅតាមមណ្ឌលនីមួយៗកំណត់របស់រដ្ឋបាលខេត្ត។
យុទ្ធនាការចាក់វ៉ាក់សាំងការពារកូវីដដូសទី១សម្រាប់កុមារ និងយុវជន នៅមណ្ឌលសាខាកាកបាទក្រហមកម្ពុជាខេត្ត គឺធ្វើឡើងក្រោមវត្តមានលោកជំទាវ មិថុនា ភូថង អភិបាលខេត្តកោះកុងលោក ទូ សាវុធ អភិ បាលរងខេត្ត លោកវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្ត ព្រមទាំងក្រុមការងារបច្ចេកទេសជាច្រើនរូបទៀត។
វត្តមានក្រុមកុមារា កុមារី និងយុវជនជាច្រើននាក់ អាយុចាប់ពី១២ឆ្នាំដល់១៧ឆ្នាំ រស់នៅតាមឃុំសង្កាត់ ក្រុងចំនួនទាំង៧ ត្រូវបានអាណាព្យាបាលរបស់ពួកគេនាំមកទទួលយកថ្នាំវ៉ាក់សាំងការពារជំងឺកូវីដ១៩ដូចការគ្រោងទុក។
ក្រុមកុមារ និងយុវជនទាំងនោះ បង្ហាញអារម្មណ៍ប្រកដោយភាពជឿជាក់នៅថ្ងៃទី១ ខែសីហានេះថា ពួកគេមិនចាក់វ៉ាក់សាំងនេះគ្មានការបង្ខិតបង្ខាំឡើយ ពោលគឺមកដោយស្មគ្រចិត្ត ដើម្បីសុវត្ថិភាពទប់ស្កាត់ការឆ្លងជំងឺកូវីដ១៩។ បន្ទាប់ពីបានចាក់វ៉ាក់សាំងរួចរាល់ ក៏ពួកគេនឹងតមចំណីអាហារ និងមិនធ្វើការធ្ងន់ដែលផ្ទុយពីការណែនាំរបស់ក្រុមគ្រូពេទ្យ។
ក្រោយការចាក់វ៉ាក់សាំងនេះហើយ ពួកគេរំពឹងថា នឹងអាចការពារការឆ្លងជំងឺកូវីដ១៩បានកម្រិតខ្ពស់ បើធៀបនឹងពេលមិនទាន់បានចាក់។ ទន្ទឹមនោះ កុមារ និងយុវជន បេ្តជ្ញាចិត្តបន្តអនុវត្តវិធានការសុខា ភិបាលឱ្យខ្ជាប់ខ្ជួនបន្ថែមទៀត ទោះចាក់វ៉ាក់សាំងហើយក្តី។
ការចាក់វ៉ាក់សាំងនេះ ត្រូវបានក្រុមម្តាយឪពុករបស់កុមារ សម្តែងនូវការគាំទ្រជាខ្លាំង និងអរគុណយ៉ាងជ្រោលជ្រៅជូនចំពោះប្រមុខរាជរដ្ឋាភិបាលកម្ពុជា សម្តេចតេជោដែលបានផ្តោតការយកចិត្តទុកដាក់ខ្ពស់អំពីសុខភាពកូនៗរបស់ពួកគាត់។ ហើយការចាក់វ៉ាក់សាំងរឹតតែមិនប្រកាន់និន្នាការនយោបាយ និងជាតិសាសនអ្វីឡើយ។
អាណាព្យាបាល សង្ឃឹមថា កូនៗខ្លួននឹងរួចផុតពីការឆ្លងជំងឺកូវីដ១៩នេះ ហើយអាចវិលចូលសាលារៀនបានដូចធម្មតាវិញ គ្រាបច្ចុប្បន្នរៀនសូត្រតាមតែប្រព័ន្ធទូរស័ព្ទនៅផ្ទះ។
រដ្ឋបាលខេត្តកោះកុង កន្លងទៅបង្ហាញតួលេខថា កុមារ និងយុវជនជិត២ម៉ឺននាក់ នឹងត្រូវចាក់វ៉ាក់សាំងអំឡុងរយៈពេល៧ថ្ងៃនេះ គិតចាប់ពីថ្ងៃទី១ ដល់ថ្ងៃទី៧ ខែសីហា ឆ្នាំ២០២១។
ដោយក្រុងខេមរភូមិន្ទមានចំនួន៤.៦២២នាក់ ស្រុកស្រែអំបិលមានចំនួន៦.៤៩៩នាក់ ស្រុកមណ្ឌលសីមា១.៨៧៥នាក់ ស្រុកកោះកុងចំនួន១.១១២ ស្រុកថ្មបាំង៧៩៩នាក់ ស្រុកបូទុមសាគរបូកជាមួយឃុំជីផាតចំនួន៣.២៩០ និងស្រុកគិរីសាគរចំនួន១.០៤៣នាក់។
ដោយឡែកដំណើរការនៃការចាក់វ៉ាក់សាំង គឺអាជ្ញាធរភូមិឃុំរៀបចំកាលវិភាគពេលកំណត់មកចាក់ជាបន្តបន្ទាប់ ដើម្បីងាយស្រួលគ្រប់គ្រងតួលេខបានច្បាស់លាស់៕ អត្ថបទៈ សិរីវឌ្ឍនៈ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ