Connect with us

ព័ត៌មានជាតិ

កសិករជំនាញកម្ពុជា នឹងអាចមានឱកាស ទៅធ្វើការក្នុងកសិដ្ឋាន នៅប្រទេសអូស្រ្តាលី

បានផុស

នៅ

អ្នកគ្រប់គ្រងក្រុមហ៊ុនអូស្ត្រាលីមួយ បានអះអាងថា ក្រុមហ៊ុនរបស់ខ្លួន បានធ្វើទំនាក់ទំនង ជាមួយម្ចាស់កសិដ្ឋានធំៗ នៅប្រទេសអូស្រ្តាលី ដើម្បីទទួលយកកសិករកម្ពុជា ទៅបម្រើការនៅក្នុងកសិដ្ឋាន នៅប្រទេសអូស្រ្តាលី ជា​មួ​យ​លក្ខខណ្ឌការងារល្អប្រសើរ។

ការអះអាងនេះ គឺនៅក្នុងជំនួបរវាងលោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ជាមួយលោក Robert K.Chelliah នាយកប្រតិបត្តិក្រុមហ៊ុន Lexmin Pty Ltd Cambodia នាព្រឹកថ្ងៃទី៣ ខែសីហា ឆ្នាំ​២០២១នេះ។ ជំនួបនេះ បានពិភាក្សាលើប្រធានបទស្តីពី «ការជំរុញការអភិវឌ្ឍផលិតកម្មដំណាំសាកវប្បកម្មសរីរាង្គ និងការផ្តល់ឱកាសឲ្យកសិករ អាចទៅបម្រើការ ក្នុងកសិដ្ឋានចិញ្ចឹមសត្វ បន្លែ និងផ្លែឈើនៅប្រទេសអូស្រ្តាលី»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានស្វាគមន៍ និងចូលរួមអបអរចំពោះសមិទ្ធផល ដែលក្រុមហ៊ុនសម្រេចបាន និងជាពិសេសគាំទ្រចំពោះបំណងរបស់លោក Robert K.Chelliah នៅពេលអនាគតនាំយកកសិករកម្ពុជា ដែលមានសមត្ថភាព (កាយសម្បទា និងបទពិសោធន៍កសិកម្ម) ទៅបម្រើការនៅក្នុងកសិដ្ឋាននៅប្រទេសអូស្រ្តាលី ដើម្បីពង្រីកសមត្ថភាពរបស់ពួកគេ លើបច្ចេកទេសកសិកម្មទំនើប ទាន់សម័យ បន្ទាប់​នាំយកត្រឡប់មកវិញនូវរាល់ចំណេះដឹង និងបទពិសោធន៍ដ៏មានតម្លៃមកអភិវឌ្ឍវិស័យកសិកម្មកម្ពុជានាពេលអនាគត។

ករណីនេះ លោករដ្ឋមន្ត្រី បានលើកសំណើឲ្យក្រុមហ៊ុនពិនិត្យ ពិចារណាចំពោះនិស្សិតកសិកម្មកម្ពុជា ដូចដែលកម្ពុជា បាននិងកំពុងអនុវត្ត ជាមួយប្រទេសអ៊ីស្រាអែលផងដែរ។ ចំពោះមុខលោករដ្ឋមន្ត្រី វេង សាខុន បានណែនាំឲ្យក្រុមហ៊ុនសហការ ជាមួយអគ្គនាយកដ្ឋានកសិកម្ម រៀបចំសេចក្តីព្រាងអនុស្សរណ: នៃការយោគយល់គ្នា (MOU) ស្តីពី កិច្ចសហប្រតិបត្តិការ នៃការបណ្តុះបណ្តាលធនធានមនុស្ស ដោយចែកចេញជាពីរដំណាក់កាល ៖ ទី១- ជ្រើសរើសកសិករ មកធ្វើការបណ្តុះបណ្តាល ជំនាញកសិកម្ម ច្បាប់ទម្លាប់ ប្រពៃណី វប្បធម៌ និងភាសាអង់គ្លេសបឋមជាមួយក្រុមហ៊ុនផ្ទាល់។ និងទី២- ស្នើសុំគោលការណ៍ពីរាជរដ្ឋាភិបាល បញ្ជូនកសិករទៅបម្រើការ ក្នុងកសិដ្ឋាន នៅប្រទេសអូស្រ្តាលីតែម្តង។

លោក Robert K.Chelliah បានសម្តែងការគាំទ្រលើសេចក្តីព្រាង MOU នេះ ហើយប្តេជ្ញាចិត្តថា ក្រុមហ៊ុន នឹងខិតខំឲ្យអស់ពីសមត្ថភាព ក្នុងការនាំយកកសិករកម្ពុជា ទៅស្វែងរកបទពិសោធន៍ល្អៗ ទាក់ទងការអភិវឌ្ឍវិស័យកសិកម្មនៅប្រទេសអូស្រ្តាលី នាពេលអនាគតដ៏ខ្លី។ លោក Robert K.Chelliah​ ក៏បានឲ្យដឹងដែរថា ថ្មីៗនេះរដ្ឋាភិបាល​អូស្រ្តាលី បានប្រកាសបង្កើតកម្មវិធី ផ្តល់ទិដ្ឋាការកសិកម្ម ដែលផ្តល់ឱកាសការងា រជូនកសិករមកពីបណ្តាប្រទេសសមាជិកអាស៊ាន។

ក្នុងការត្រៀមខ្លួនជួយកសិករកម្ពុជា ក្រុមហ៊ុនបានធ្វើទំនាក់ទំនង ជាមួយម្ចាស់កសិដ្ឋានធំៗ នៅប្រទេសអូស្រ្តាលីដើម្បីទទួលយកកសិករកម្ពុជា ជាមួយលក្ខខណ្ឌការងារល្អប្រសើរ ធានាបាននូវការការពារផល ប្រយោជន៍ហិរញ្ញវត្ថុ និងសុខុមារភាព របស់ពលករស្របច្បាប់ តាមកិច្ចព្រមព្រៀងរវាងប្រទេសទាំងពីរ។

សូមជម្រាបថា យោងតាមរបាយការណ៍របស់លោក ងិន ឆាយ ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានកសិកម្ម បានឲ្យដឹងថា ក្រុមហ៊ុនបាននិងកំពុងអភិវឌ្ឍ កសិដ្ឋានកសិកម្មសរីរាង្គ លើផ្ទៃដី ២២ហត នៅតំបន់អភិវឌ្ឍតេជោសែន ក្នុងស្រុកឈូក ខេត្តកំពត។ កសិដ្ឋានបានដាំដំណាំ សម្រាប់កែច្នៃជាអាហារបំប៉នសុខភាព ដូចជា៖ ម្រុំ ស្លឹកគ្រៃ និងខ្ញីខ្មៅ ដែលផលិតផលទាំងអស់នេះ កំពុងមានទីផ្សារខ្ពស់នៅក្រៅប្រទេស។  

រាល់បច្ចេកទេសដាំ និងកែច្នៃ ក្រុមហ៊ុនត្រូវវាយតម្លៃ និងទទួលស្គាល់អនុលោមតាមស្តង់ដារជាតិ និងអន្តរជាតិពាក់ព័ន្ធ រួមមាន៖ ស្តង់ដារសហគមន៍អឺរ៉ុប អាមេរិក អូស្រ្តាលី កាណាដា។ល។ តាមអ្វីដែលលោក ងិន ឆាយ បានជម្រា​បជូនលោករដ្ឋមន្រ្តី ថា ពិធីចុះអនុស្សរណ:នេះ នឹងរៀបចំក្នុងពេលឆាប់ៗខាងមុខនេះ ដោយនឹងអញ្ជើញឯកអគ្គរដ្ឋ​ទូតអូស្រ្តាលី ចូលរួមផងដែរ៕ (ដោយ)៖ ឃួន សុភ័ក្រ

Broccoli (Brassica oleracea), commercial crop being harvested near Robinvale, Victoria, Australia. (Photo by Auscape/Universal Images Group via Getty Images)

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៦ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៧ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៧ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៨ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម