ក្រោយមានភ្លៀងធ្លាក់ជោកជាំ ប្រជាកសិករខេត្តមណ្ឌលគិរី សម្រុកដាំដំណាំផ្សេងៗជាច្រើនមុខ

បន្ទាប់ពីមានភ្លៀងធ្លាក់ច្រើន ប្រជាពលរដ្ឋជាកសិករនៅទូទាំងខេត្តមណ្ឌលគិរី បានចាប់ផ្ដើមដាំដំណាំផ្សេងៗជាច្រើនមុខ មានទាំងដំណាំប្រចាំឆ្នាំ និងដំណាំដែលមានអាយុកាលវែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការរៀបរាប់ពី លោក សុង ឃាង ប្រធានមន្ទីរកសិកម្មរុក្ខាប្រមាញ់ និងនេសាទ ខេត្តមណ្ឌលគិរី បានឲ្យដឹងថា ជាទម្លាប់ ឲ្យតែដើមរដូវ ភ្លៀងធ្លាក់ជោកជាំដីរបស់ប្រជាពលរដ្ឋដែលជាកសិករ។ កសិករក្នុងភូមិសាស្ត្រខេត្តមណ្ឌលគិរី ទាំង៥ក្រុង ស្រុក បាននាំគ្នារូតរះប្រកបរបរដាំដុះដំណាំកសិកម្ម ផ្សេងៗជាច្រើនមុខដូចជា ដំណាំស្រូវ ដំឡូងមី ដំណាំម្រេច សណ្តែកបាយ ពោតស ដំណាំបន្លែ និងបានរៀបចំដីសម្រាប់ដាំដុះដំណាំផ្សេងៗទៀតដែលមានអាយុកាលវែងផងដែរ។

លោក សុង ឃាង បានបញ្ជាក់ថា បច្ចុប្បន្ននេះ មន្ត្រីជំនាញរបស់មន្ទីរកសិកម្មរុក្ខាប្រមាញ់ និងនេសាទខេត្តមណ្ឌលគិរី បានចុះទៅដល់មូលដ្ឋានរបស់ប្រជាពលរដ្ឋ និងណែនាំកសិករ អំពីការដាំដុះព្រមទាំងមានវគ្គបណ្តុះបណ្តាលទៅដល់កសិករគ្រោងដាំដំណាំផ្សេងៗ ចង់បានការណែនាំពីមន្ទីរ ជំនាញទៅលើវិស័យកសិកម្មថែមទៀតផង៕

អត្ថបទ៖រៀម សុខហេង