រកឃើញ​សពមេធាវីលង់ទឹក​នៅឆ្នេរអូរត្រេះ១​

សពជនរងគ្រោះឈ្មោះ ជូ ជាគុយ ជាមេធាវីដែលបានបាត់ខ្លួនកាលពីរសៀលថ្ងៃទី៣ ខែសីហា នៅចំនុចឆ្នេរអូរត្រេះ១បានរកឃើញហើយនៅវេលាម៉ោង០៥ និង៣០នាទី ព្រឹកថ្ងៃទី៤ ខែសីហា ឆ្នាំ២០២១ ដោយសពបានអណ្តែតមកទើរលើឆ្នេរខ្សាច់ ដែលមានចំងាយជាង១គីឡូម៉ែត្រពីកន្លែងកើតហេតុ។

ជនរងគ្រោះខាងលើ មានឈ្មោះ ជូ ជាគុយ ភេទប្រុស អាយុ ២៩ ឆ្នាំ ជនជាតិខ្មែរ មុខរបរជាមេធាវី មានទីលំនៅរាជធានីភ្នំពេញ បានមកក្រុងព្រះសីហនុក្នុងបេសកកម្មការងារ និងទេសចរណ៍។

ជនរងគ្រោះបានចុះលេងទឹកសមុទ្រ ក្នុងពេលខ្យល់ និងមានរលកខ្លាំង កាលពីម៉ោង ១៦៖ ៣០ រសៀលថ្ងៃទី ៣ ខែសីហា នៅចំណុចឆ្នេរ អូរត្រេះ១ ក្នុងភូមិសាស្ត្រ សង្កាត់លេខ៤ ក្រុងព្រះសីហនុ។

ប្រតិបត្តិការនៃការស្វែងរកជនរងគ្រោះខាងលើនេះ កំពុងបន្តធ្វើដោយមានការចូលរួមសហការពីក្រុមអ្នកមុជទឹក របស់កំពង់ផែស្វយ័តក្រុងព្រះសីហនុ និងអ្នកមុជទឹកស្ម័គ្រចិត្តកោះរ៉ុងផងដែរ៕

ដោយៈ សំអឿន