ព័ត៌មានជាតិ
អាជ្ញាធរ និងមន្រ្តីជំនាញ បាញ់ថ្នាំសម្លាប់មេរោគ នៅផ្សារស្រែអំបិល ទប់ស្កាត់ការរាលដាលជំងឺកូវីដ
(កោះកុង)៖ អាជ្ញាធរ និងមន្រ្តីជំនាញស្រុកស្រែអំបិល បានបើកយុទ្ធនាការបាញ់ថ្នាំ សម្លាប់មេរោគនៅក្នុង និងក្រៅផ្សារស្រែអំបិល ដើម្បីរៀបចំសណ្តាប់ធ្នាប់ អនាម័យបរិស្ថានឲ្យបានល្អប្រសើរ ដើម្បីទប់ស្កាត់ការឆ្លងរីករាលដាល ជំងឺកូវីដ-១៩ នាពេលបច្ចុប្បន្ន។
លោក ជា ចាន់កញ្ញា អភិបាលស្រុកស្រែអំបិល បានថ្លែងប្រាប់អ្នកសារព័ត៌មានកម្ពុជាថ្មី នៅថ្ងៃព្រឹកទី៦ ខែសីហាថា យុទ្ធនាការនេះ ធ្វើឡើងក្នុងរយៈពេល៣ថ្ងៃ ទៅ១សប្តាហ៍ ចំពោះការបាញ់ថ្នាំ សម្លាប់មេរោគ តាមតូបលក់ដូរ របស់អាជីវករ និងក្នុងក្រៅបរិវេណ ផ្សារស្រែអំបិល គ្រាពលរដ្ឋអាជីវករ ប្រកបអាជីវកម្មជាធម្មតា កាលពីរសៀលថ្ងៃទី៥ ខែសីហា។
លោកអភិបាលស្រុកស្រែអំបិល បានឲ្យដឹងបន្តថា មូលហេតុ ដែលមានវិធានការបែបនេះ ក៏ព្រោះតែក្នុងគោលបំណងលើកកម្ពស់សុវត្ថិភាព ជូនប្រជាពលរដ្ឋ និងអាជីវករពីការមិនឆ្លងជំងឺកូវីដ-១៩។ ក្រៅពីការបាញ់ថ្នាំសម្លាប់មេរោគ អាជ្ញាធរ មន្រ្តីជំនាញ និងប្រធានផ្សារ រឹតបន្តឹងការចេញ-ចូលផ្សារទិញលក់ទំនិញ គឺដោយតម្រូវឲ្យមាន ការធ្វើតេស្តរហ័សរកកូវីដ វាស់កម្ពៅ ពាក់ម៉ាស់ លាងដៃនឹងអាល់កុល ព្រមទាំងរក្សាគម្លាតសុវត្ថិភាពជាដើម។
យុទ្ធនាការទប់ស្កាត់ និងបង្ការជំងឺកូវីដ នៅតំបន់ផ្សារស្រែអំបិលនេះ ត្រូវបានលោកវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្តកោះកុង កោតសរសើរពីកិច្ចប្រឹងប្រែង របស់អាជ្ញាធរសមត្ថកិច្ច ក៏ដូចជាមន្រ្តីសុខាភិបាលស្រុក។
លោកវេជ្ជបណ្ឌិតប្រធានមន្ទីរសុខាភិបាល បានបន្ថែមដែរថា កន្លងទៅផ្សារស្រែអំបិល មិនធ្លាប់ចេញសេចក្តីសម្រេចឲ្យបិទផ្អាកអាជីវកម្ម ដោយមិនចាត់ចូលជាតំបន់ក្រហមនោះទេ ប្រសិនបើតែតូបអាជីវករណា ដែលរកឃើញវិជ្ជមាន គ្រាការយកសំណាក ទៅធ្វើតេស្តរហ័ស និងរកឃើញអ្នកវិជ្ជមានតិចតួចក៏ដោយ។
បច្ចុប្បន្នស្ថានភាពជំងឺកូវីដ១៩ នៅស្រុកស្រែអំបិល ហាក់បីដូចជាស្ងប់ស្ងត់បន្តិចហើយ ក្រោមកិច្ចប្រឹងប្រែងមានវិធានការទប់ស្កាត់ និងដោះស្រាយ ពីអាជ្ញាធរសមត្ថកិច្ច ពាក់ព័ទ្ធទាំងអស់ មិនថាតែថ្នាក់ស្រុក ឬខេត្តនោះទេ។ តំបន់សំខាន់ៗ ចេញចូល ក្នុងភូមិសាស្រ្តស្រុកស្រែំបិល ត្រូវបានរឹតបន្តឹង ទៅតាមការណែនាំ របស់លោកស្រី មិថុនា ភូថង អភិបាលខេត្តកោះកុង ជាពិសេសការសម្រេច របស់ប្រមុខរាជរដ្ឋាភិបាលបិទខ្ទប់ខេត្ត និងដាក់បម្រាមគោចរពេលយប់ ដើម្បីទប់ស្កាត់អត្រាចម្លងជំងឺកូវីដ-១៩ ខណៈប្រភេទជំងឺកូវីដDelta គម្រាមកំហែង៕ (ដោយ)៖ សិរីវឌ្ឍនៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង