ព័ត៌មានជាតិ
អាជ្ញាធរខេត្តសៀមរាប កែលម្អបឹងពារាំង ឲ្យទៅជាតំបន់ទេសចរណ៍សម្រាប់ការទាក់ទាញ
សមាគមទេសចរណ៍បឹងពារាំងបានសហការជាមួយអាជ្ញាធរខេត្ដសៀមរាប ដោយធ្វើការស្ដារបឹងធម្មជាតិ បឹងពារាំងដែលជាប់បឹងទន្លេសាប ដើម្បីរៀបចំឱ្យទៅជាតំបន់ទេសចរណ៍ដ៏ទាក់ទាញ និងដើម្បីអភិរក្សត្រីពូជបន្ថែម ខណៈដែលបឹងធម្មជាតិមួយនេះ មានការគោកទឹកនារដូវប្រាំង។
លោក គង់ មង្គល ប្រធានសមាគមទេសចរណ៍ធម្មជាតិបឹងពារាំង ស្ថិតនៅសង្កាត់ជ្រាវ ក្រុងសៀមរាប លោកបានអោយដឹងនៅរសៀលថ្ងៃទី០៥ ខែសីហា ឆ្នាំ២០២១នេះថា តំបន់ទេសចរណ៍បឹងពារាំង បានចាប់ផ្ដើមស្ដារយកអាចម៍ដីចេញជាបណ្ដើរៗហើយ ដើម្បីកែសម្រួលបឹងធម្មជាតិមួយនេះ អោយទៅជាបឹងអភិរក្សត្រីពូជដ៏សំបូរបែប និងកែលំអទៅជាកន្លែងទេសចរណ៍ដ៏ស្រស់ស្អាត សម្រាប់ទាក់ទាញអ្នកទេសចរណ៍បន្ថែមទៀត ក្រោយបញ្ចប់ជំងឺកូវីដ១៩។
លោកបានបន្ដថា បឹងធម្មជាតិមួយនេះ មានមច្ឆាជាតិ និងសត្វស្លាបរាប់រយប្រភេទ បាននឹងកំពុងរស់នៅក្នុងបឹងនោះ ខណៈដែលបច្ចុប្បន្ននេះបានគោករាក់ទឹកខ្លះហើយៗ បណ្ដាលអោយមច្ឆាជាតិរងការបាត់បង់ដោយសារគ្មានទឹកគ្រប់គ្រាន់ ។
លោកថា ដោយឃើញស្ថានភាពបឹងនោះរីងទឹកជារៀងរាល់ឆ្នាំ លោកបានសុំការអនុញ្ញាតច្បាប់ស្ដារយកអាចម៍ដីចេញទំហំជាង១០០ហិកតា ជម្រៅ៤ម៉ែត្រ ដើម្បីធ្វើទីជម្រកត្រីពូជអោយរស់នៅក្នុងបឹងច្រើននោះកាន់តែច្រើន ព្រមទាំងកែលម្អបឹងនោះ ឲ្យទៅជាកន្លែងទេសចរណ៍ទាក់អ្នកទស្សនាបន្ថែមទៀត ខណៈដែលបច្ចុប្បន្នមានអ្នកទៅទស្សនាមានតិចតួច ដោយសារមិនទាន់រៀបចំអោយបានស្រស់ស្អាតនៅឡើយ។លោកថា ក្រោយពេលបឹងនោះបានស្ដាររួចហើយ អាចជាបឹងសំបូរទៅដោយមច្ឆាជាតិ សត្វស្លាប និងសត្វស្វាជាច្រើនរស់នៅក្នុងព្រៃធម្មជាតិដែលសំបូរទៅអេកូទេសចរណ៍ ដែលអ្នកទេសចរណ៍ទៅទស្សនានិងស្ទូចត្រីកម្សាន្តនៅតំបន់ទេសចរណ៍នោះ ។ ជាមួយគ្នានោះ លោកនឹងប្រមូលត្រីពូជដាក់ឱ្យរស់នៅក្នុងបឹងនោះឱ្យបានកាន់តែច្រើន ។
លោកបន្ថែមថា កាលណាភ្ញៀវទេសចរច្រើន ប្រជាពលរដ្ឋក៏ដូចជាសហគមន៍ក៏មានចំណូលក្នុងគ្រួសារជាប្រចាំថ្ងៃផងដែរ។ លោកបន្ដថា គម្រោងស្ដារបឹងធម្មជាតិនេះ អាជ្ញាធរបានអនុញ្ញាតឱ្យជីកស្ដារ៣០ហិកតាក្នុងមួយឆ្នាំ ប៉ុន្ដែជំហ៊ានទី១ ត្រូវជីកស្ដារ១០ហិកតា ជម្រៅពី៤ម៉ែត្រឡើងទៅ៨ម៉ែត្រ ដើម្បីជួយសង្គ្រោះត្រីពូជសិន ព្រោះទឹកបឹងនេះ មានការរីងស្ងួតនៅរដូវប្រាំង ។
លោកបានបន្ដថា ក្រោយពីកែលំអតំបន់នេះហើយ នឹងធ្វើឱ្យទាក់ទាញភ្ញៀវជាតិនិងអន្ដរជាតិទៅទស្សនាជាក់ជាមិនខាន។
លោក គង់ មង្គល បានបញ្ជាក់ថា បឹងពារាំង គឺជាតំបន់ទេសចរណ៍ដ៏ទាក់ទាញបំផុត តាមរយ:ទេសភាពព្រៃលិចទឹក ហ្វូងត្រីចម្រុះ ពិសេសជាងនេះទៅទៀតនោះ គឺសត្វស្លាបទឹកគ្រប់ប្រភេទដែលវាហែលទឹកហោះហើរប្រឡែងគ្នាលែងយ៉ាងរហង្សនៅក្នុងទឹកបឹងនោះ ដែលមានចម្ងាយពីទីប្រជុំជននៃសង្កាត់ជ្រាវប្រមាណជាង៦គីឡូម៉ែត្រ ។
លោកថា បឹងធម្មជាតិមួយនេះ មានទំហំប្រមាណជាង២៦០៧ហិកតា ប៉ុន្តែនៅរដូវប្រាំងផ្ទៃទឹកបង្រួមនៅសល់ត្រឹមតែជាង ២២៣ហិកតាប៉ុណ្ណោះ ទើបសមាគមន៍ទេសចណ៍មួយនេះ សុំការអនុញ្ញាតជីកស្ដារឡើងវិញដើម្បីអភិរក្សនិងអភិវឌ្ឍន៍ត្រីពូជ ខណៈដែលបឹងធម្មជាតិនេះ ជាប់មាត់បឹងទន្លេសាបពីខាងជើញ៕
អត្ថបទ ៖ គឿនវេត
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ