ព័ត៌មានជាតិ

សហគមន៍ទេសចរណ៍នៅឃុំព្រះដាក់ នាំបទពិសោធន៍ពិតៗផ្សារភ្ជាប់វប្បធម៌ប្រពៃណីបុរាណដល់ទេសចរជាតិនិងអន្តរជាតិបានស្វែងយល់

បានផុស

៦ ខែ មុន

នៅ

ថ្ងៃព្រហស្បតិ៍ ២១ មីនា ២០២៤

ដោយ

សហគមន៍បទពិសោធន៍កម្ពុជា ជាសហគមន៍ទេសចរណ៍មួយមានទីតាំងនៅឃុំព្រះដាក់ ក្នុងស្រុកបន្ទាយស្រី ខេត្តសៀមរាប។ មានចម្ងាយជាង ២០ គីឡូម៉ែត្រពីក្រុងសៀមរាប សហគមន៍ដែលបង្កើតឡើងបានជាង ៧ ឆ្នាំនេះ បានចូលរួមអភិវឌ្ឍសេដ្ឋកិច្ចសង្គមដល់ពលរដ្ឋតាមទីជនបទ តាមរយៈការកែច្នៃផលិតផលក្នុងស្រុកជាចំណីអាហារនិងវត្ថុប្រើប្រាស់បម្រើដល់ភ្ញៀវទេសចរ ដែលបានបង្កើតជាប្រភពចំណូលជួយទ្រទ្រង់ដល់ជីវភាពរស់នៅប្រចាំថ្ងៃរបស់ពលរដ្ឋក្រៅពីមុខរបរធ្វើស្រែចម្ការ។

ចាប់តាំងពីឆ្នាំ ២០១៧ គំនិតផ្ដួចផ្ដើមបង្កើតសហគមន៍ទេសចរណ៍នេះឡើង បានជួយពង្រីកផលិតផលទេសចរណ៍នៅខេត្តសៀមរាប ដោយផ្តល់បទពិសោធន៍ដល់ភ្ញៀវទេសចរជាតិនិងអន្តរជាតិទទួលបានចំណេះដឹងបន្ថែម រួមទាំងបានស្វែងយល់ពីពីវប្បធម៏ ប្រពៃណីរបស់ពលរដ្ឋតាមមូលដ្ឋានស្រុកស្រែចម្ការ៕