ព័ត៌មានជាតិ

រាជរដ្ឋាភិបាលសម្រេចប្រសិទ្ធនាមផ្លូវ ពយតាមូង ជា«វិថីតេជោ» ផ្លូវការហើយ

បានផុស

៥ years មុន

នៅ

ថ្ងៃសៅរ៍ ១៤ សីហា ២០២១

ដោយ

រាជរដ្ឋាភិបាលកម្ពុជាសម្រេចប្រសិទ្ធនាមផ្លូវ ពយតាមូង ដែលតភ្ជាប់ពីវិថី២ធ្នូ ចំណុចឆ្នេរសុខា ទៅផ្លូវលេខ៥០២ ចំណុចឆ្នេរអូរឈើទាលជា«វិថីតេជោ » និងស្ថាបនាបដិមាព្រះស្កន្ទទ្រង់លើក្ងោក ស្ថិតនៅចំណុចប្រសព្ធត្រីកោណ ។ នេះបើយោងតាមសេចក្តីជូនដំណឹងរបស់ទីស្តីការគណៈរដ្ឋមន្ត្រីកាលពីថ្ងៃទី ១២ ខែសីហា ២០២១ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិថីតេជោ មានបណ្ដោយប្រវែង ១.០៣៤ ម៉ែត្រទទឹងជាង ១០ម៉ែត្រ អាជ្ញាធរខេត្តគ្រោងដាំដើមកោងកាងនៅអមផ្លូវខាងលើនេះគឺជាប្រភេទដើមកោងកាងធំៗ ចំនួនជាង ២០០ដើមនិងមានដាំកូនកោងកាងតូចៗមួយចំនួនទៀតដើម្បីឲ្យទីតាំងផ្លូវថ្មី១ខ្សែនេះកាន់តែមានសោភណ្ឌភាពថែមមួយកម្រិតទៀត ។ បច្ចុប្បន្នផ្លូវនេះកំពុងក្លាយជាទី កន្លែងកម្សាន្តក៏ដូចជាកន្លែងហាត់ប្រាណដ៏ពេញនិយមមួយសម្រាប់ភ្ញៀវទេសចរណ៍ជាតិនិងអន្តរជាតិ ។

ថ្មីនេះអាជ្ញាធរខេត្តប្រះសីហនុមានគម្រោងយក «វិថីតេជោ» សម្រាប់រៀបចំពិធីបុណ្យសមុទ្រនៅឆ្នាំនេះប្រសិនបើមិនមានការប្រែប្រួលឬការរំខានដោយសារជំងឺកូវី១៩ ទេ ។ វិថីតេជោតភ្ជាប់ពីវិថី២ធ្នូមកចុងផ្លូវ៥០២ ស្ថិតនៅតំបន់ពយតាមូងក្នុងភូមិសាស្ត្រសង្កាត់លេខ៤ ក្រុងព្រះសីហនុ ។ ជាមួយគ្នានេះដើម្បីឱ្យទីតាំងប្រារព្ធពិធីបុណ្យ សមុទ្រមានសោភ័ណភាពនិងបរិស្ថានស្អាត រដ្ឋបាលខេត្តបាននិងកំពុងរៀបចំកែលម្អសួនច្បារ ដាក់អំពូលភ្លើង ដាំដើមកោងកាង រៀបចំបន្ទប់ទឹកនិងពង្រីកទីធ្លាឱ្យបាន ធំទូលាយបន្ថែមទៀតដើម្បីរៀបចំប្រារព្ធពិធីជាពិសេសជាការទាក់ទាញភ្ញៀវទេសចរទាំងជាតិ និង អន្តរជាតិមកលេងកម្សាន្តក្នុងឱកាសនៃពិធីបុណ្យសមុទ្រនៅខេត្ត ព្រះសីហនុនាពេលខាងមុខ ៕

អត្ថបទ ៖ ណារី

Related Topics:រដ្ឋបាលខេត្តព្រះសីហនុ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា