ព័ត៌មានជាតិ

គណបក្សប្រជាជនខណ្ឌច្បារអំពៅខិតខំកសាងទីស្នាក់ការចាប់ពីថ្នាក់ខណ្ឌដល់សង្កាត់ទាំង៨

បានផុស

៥ years មុន

នៅ

ថ្ងៃអង្គារ ១៧ សីហា ២០២១

ដោយ

បើទោះបីជំងឺកូវីដ១៩ កំពុងវាយលុកយ៉ាងខ្លាំងនៅទូទាំងប្រទេសក៏ដោយ តែងាកមកមើលគណបក្សប្រជាជនកម្ពុជាខណ្ឌច្បារអំពៅវិញគឺរឹតតែខិតខំកសាងទីស្នាក់ការថ្មីចាប់ពីថ្នាក់ខណ្ឌរហូតដល់សង្កាត់ទាំង៨។ យោងតាមប្រភពពីមន្ត្រីប្រចាំការគណបក្សប្រជាជនកម្ពុជាខណ្ឌច្បារអំពៅបានឲ្យដឹងថា រាល់ថ្ងៃនេះលោក ចេង មុនីរ៉ា អនុប្រធានគណបក្សប្រជាជនកម្ពុជាខណ្ឌច្បារអំពៅបានយកចិត្តទុកដាក់ខ្លាំងក្នុងការកសាងទីស្នាក់ការគណបក្សប្រជាជនកម្ពុជាថ្នាក់ខណ្ឌរហូតដល់សង្កាត់ទាំង៨ ដោយពុំមានជួលផ្ទះប្រជាពលរដ្ឋធ្វើជាទីស្នាក់ការឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថវិកាដែលយកមកកសាងគឺទទួលបានពីសប្បុរសជននិងគណកម្មាធិការគណបក្សប្រជាជនកម្ពុជាខណ្ឌច្បារអំពៅតែម្តង។ ក្រៅពីខិតខំកសាងទីស្នាក់ការគណបក្សគឺលោក ចេង មុនីរ៉ា អនុប្រធានគណបក្សប្រជាជនកម្ពុជាខណ្ឌច្បារអំពៅបានធ្វើស្លាកគណបក្សថ្មីជំនួសឲ្យស្លាកចាស់ដែលត្រូវរលប់ខ្លះយកចេញរួចលើកស្លាកថ្មីតាមទីតាំងចាស់ក្នុងមូលដ្ឋានខណ្ឌច្បារអំពៅបានយ៉ាងល្អស្អាត។

ក្រៅពីគណបក្សប្រជាជនកម្ពុជាខណ្ឌច្បារអំពៅខិតខំពង្រឹងសមាជិករបស់បក្សចាស់និងកសាងសមាជិកថ្មីដែលបានសុំចូលរួមក្នុងជីវភាពនយោយបាយជាមួយគណបក្សប្រជាជនកម្ពុជាខណ្ឌច្បារអំពៅយ៉ាងច្រើនដែលភាគច្រើនជាអតីតគណបក្សសង្រ្គោះជាតិដែលបានរំលាយបាត់ទៅហើយ។

គួរបញ្ជាក់ថា គណបក្សប្រជាជនកម្ពុជាខណ្ឌច្បារអំពៅ គឺមានលោក អ៊ុំ ម៉ារ៉េត ជាប្រធាននិងលោក ចេង មុនីរ៉ា ជាអនុប្រធាន៕

អត្ថបទ៖ នរា