ព័ត៌មានជាតិ
អ្នកធាក់ស៊ីក្លូ៣០០នាក់ ទទួលបានផ្លែមៀន មី ម៉ាស់ និងអាកុល ពីមូលនិធិត្រីចក្រយាន្តកម្ពុជា
អំណោយជា ផ្លែមៀន មី ម៉ាស់ និងអាកុល ឬជែលមួយចំនួន ត្រូវបានលោក ឃួង ស្រេង ប្រធានក្រុមប្រឹក្សាភិបាលមូលនិធិត្រីចក្រយាន្តកម្ពុជា និងជាអភិបាល នៃគណៈអភិបាលរាជធានីភ្នំពេញ ចាត់ឲ្យលោកម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញ ប្រគល់ជូនអ្នកធាក់ស៊ីក្លូចំនួន៣០០នាក់ យកទៅហូប និងការពារខ្លួន ពីការរីករាលដាលនៃជំងឺកូវីដ-១៩ ខណៈជំងឺនេះ បាននឹងកំពុងកើតមាន នៅក្នុងរាជធានីភ្នំពេញនៅឡើយ។
ការផ្ដល់ជូន នូវផ្លែមៀន និងសម្ភារៈមួយចំនួន ពាក់ព័ន្ធនឹងការទប់ស្កាត់ជំងឺកូវីដ-១៩នេះ បានធ្វើឡើងនៅព្រឹកថ្ងៃទី២៦ ខែសីហា ឆ្នាំ២០២១នេះ នៅសាលារាជធានីភ្នំពេញ។ លោកម៉េត មាសភក្តី អ្នកនាំពាក្យរដ្ឋ បាលរាជធានីភ្នំពេញ បានមានប្រសាសន៍ឲ្យដឹងថា អ្នកធាក់ស៊ីក្លូទាំង៣០០នាក់នេះ ក្នុងម្នាក់ៗ ទទួលបានផ្លែមៀន ចំនួន២គីឡូក្រាម មី១កេស ម៉ាស់ចំនួន២ប្រអប់ និងអាកុល ឬជែល២ដប ដើម្បីយកទៅប្រើប្រាស់ ការពារខ្លួនពីជំងឺកូវីដ-១៩។
លោកម៉េត មាសភក្តី បានបញ្ជាក់ផងដែរថា អ្នកធាក់ស៊ីក្លូទាំង៣០០នាក់នេះ តែងទទួលបានការយកចិត្តទុកដាក់ជាប្រចាំ ពីសំណាក់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានកិត្តិយស មូលនិធិត្រីចក្រយានកម្ពុជា និងលោក ឃួង ស្រេង ប្រធានក្រុមប្រឹក្សាភិបាល មូលនិធិត្រីចក្រយាន្តកម្ពុជា និងជាអភិបាល នៃគណៈអភិបាលរាជធានីភ្នំពេញ។
ក្រោមការយកចិត្តទុកដាក់របស់សម្ដេចតេជោ និងលោកអភិបាលរាជធានីភ្នំពេញនេះ អ្នកធាក់ស៊ីក្លូទាំងអស់ តែងតែទទួលបានការឧបត្ថម្ភ ពីមូលនិធិ ក្នុងមួយថ្ងៃទទួលបាន ទឹកប្រាក់ចំនួន៧០០០រៀល ស្មើនឹង២១ ម៉ឺន រៀល ក្នុងមួយខែ។ បន្ថែមពីលើនេះមូលនិធិ ក៏តែងតែបានជួយឧបត្ថម្ភ ជាម៉ាក អាកុល ជែល និងសម្ភារៈមួយចំនួនថែមទៀត ជាមួយ និងការចាក់វ៉ាក់សាំងកូវីដ-១៩ ដើម្បីការពារទប់ស្កាត់ជំងឺកូវី-១៩ផងដែរ។ បន្ថែមពីនេះទៀតអ្នកធាក់ស៊ីក្លូទាំង៣០០នាក់ ក៏ទទួលបានប័ណ្ណក្រីក្រ ប ស ស សម្រាប់ការព្យាបាលជំងឺ នៅតាមមន្ទីរពេទ្យនានា របស់រដ្ឋដោយមិនអស់លុយផងដែរ។
លោកម៉េត មាសភក្តី ក៏បានបញ្ជាក់ផងដែរថា ចំពោះថវិកា ដែលត្រូវបើកជូន អ្នកធាក់ស៊ីក្លូទាំងអស់នេះ គឺយើងបានរៀបចំ ដោយផ្ញើថវិកាទាំងនេះ តាមប្រព័ន្ធផ្ញើរលុយវីង ដើម្បីបង្កភាពងាយស្រួល ឲ្យពួកគាត់ក្នុងការបើកថវិកា ទាំងនេះបានស្រួល ដោយក្នុង១០ថ្ងៃ ពួកគាត់អាចបើកបាន១ដង៕ (ដោយ)៖ ស្រីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង