ព័ត៌មានជាតិ
“បេសកកម្មដើម្បីអ្នក ដើម្បីកម្ពុជា” ចែកអំណោយដល់អ្នកធាក់ស៊ីក្លូវ័យចំណាស់ជិត ២០០នាក់
កម្មវិធី “បេសកកម្មដើម្បីអ្នក ដើម្បីកម្ពុជា” បានផ្តល់អំណោយដល់អ្នកធាក់ស៊ីក្លូវ័យចំណាស់ជិត ២០០នាក់ នៅផ្សារទំនើបសូរិយា សេនធ័រ ភ័នធ៍ នៅថ្ងៃទី០៧ ខែធ្នូ ឆ្នាំ២០២២។
លោកស្រី ជា សុខហៀក អគ្គនាយិកាផ្សារទំនើបសូរិយា សេនធ័រ ភ័នធ៍បានថ្លែងថា កម្មវិធី “បេសកកម្មដើម្បីអ្នក ដើម្បីកម្ពុជា” បានធ្វើឡើងតាំងពីខែមករា ដើមឆ្នាំ២០២២មកម្ល៉េះ បើគិតមកដល់ពេលនេះមានរយៈពេលជិត ១ឆ្នាំហើយ។
កម្មវិធីនេះបង្កើតឡើងក្នុងគោលបំណងជួយប្រមូលនូវសម្ភារប្រើប្រាស់របស់ប្រជាជនមួយចំនួន ដែលពួកគេមានបំណងបរិច្ចាគ ប៉ុន្តែមិនដឹងថាយកសម្ភារៈនោះទៅបរិច្ចាគនៅទីណា គឺអាចយកទៅបរិច្ចាគនៅធុងរបស់កម្មវិធីបាន។
បន្ទាប់មក ខាងមូលនិធិនឹងធ្វើការសម្រិតសម្រាំងយកសម្ភារណាដែលអាចប្រើការបានរួចធ្វើការវេចខ្ចប់ឡើងវិញ ដើម្បីបរិច្ចាគដល់ពលរដ្ឋដែលមានតម្រូវការ។ ការធ្វើបែបនេះ គឺជាការជួយដល់បរិស្ថានដោយគ្មានការបំពុល និងជួយទប់ស្កាត់ការប្រើប្រាស់សម្ភារដោយភាពខ្ជះខ្ជាយ ពោលគឺគំនិតនៃការយកមកប្រើប្រាស់ឡើងវិញ។ នេះបើតាមការលើកឡើងរបស់ លោកស្រី ជា សុខហៀក។
លោកស្រី ជា សុខហៀក ក៏បានរៀបរាប់ពីមូលហេតុដែលបរិច្ចាគអំណោយនេះជូនដល់អ្នកធាក់ស៊ីក្លូ ព្រោះថា អ្នកធាក់ស៊ីក្លូមានអទិភាពខ្ពស់ក្នុងការទទួលបានការបរិច្ចាគនេះ ព្រោះពួកគាត់ភាគច្រើនមានវ័តចំណាស់ និងជីវិភាពខ្វះខាត។ ចំពោះអំណាយដែលពួកគាត់ទទួលបាន គឺមួយចំនួនបានមកពីការសម្ភារបរិច្ចាគ និងមួយចំនួនទៀតបានមកពីការឧបត្ថម្ភរបស់ក្រុមហ៊ុនដៃគូ ក្នុងនោះមានការផ្តល់ជូនដូចជាភួយ អង្ករ និងសម្ភារប្រើប្រាស់មួយចំនួនទៀត ជាមួយនឹងថវិកាផងដែរ។
អគ្គិនាយិការបស់ផ្សារទំនើបសូរិយារូបនេះ ក៏បានសំណូមពរឱ្យមានការគាំទ្រដល់វិស័យធាក់ស៊ីក្លូក្នុងប្រទេសកម្ពុជា ព្រោះនេះគឺជាវប្បធម៌មួយដែលកម្ពុជាមិនអាចបំបាត់បានឡើង។
បរទេសក៏អាចស្គាល់ពីវប្បធម៌របស់ខ្មែរកាន់តែច្រើនតាមរយៈការជិះស៊ីក្លូ មើលទិដ្ឋភាពក្នុងរាជធានីភ្នំពេញបានផងដែរ។ ជាមួយគ្នានេះលោកស្រីបានបន្តថា សម័យនេះគឺជាសម័យឌីជីថល ប្រសិនជាមាន app ហៅជីក្លូជិះដូច app ផ្សេងៗទៀតដោយមិនគិតសេវាពីពួកគាត់ នោះប្រហែលអាចជួយដល់ជីវភាពអ្នកធាក់ស៊ីក្លូច្រើន។
សូមជម្រាបថា កម្មវិធី “បេសកកម្មដើម្បីអ្នក ដើម្បីកម្ពុជា” ក៏មានគម្រោងបន្តធ្វើទៀងនៅឆ្នាំក្រោយផងដែរ ដើម្បីជួយដល់ក្រុមមនុស្សផ្សេងទៀតដែលពួកគាត់មានតម្រូវការ និងជួយសម្រាលបន្ទុកពួកគាត់បានមួយចំនួនទៀតផង៕
ដោយ៖ អុន ស្រីមាន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល