ព័ត៌មានជាតិ
ផ្ដល់ប័ណ្ណមូលនិធិសមធម៌សុខាភិបាល និងអាវ ២ កំប្លេ ជូនអ្នកធាក់ស៊ីក្លូជិត ៣០០ នាក់ ជាសមាជិកមូលនិធិស៊ីក្លូ ក្នុងរាជធានីភ្នំពេញ
នាព្រឹកថ្ងៃទី ១៤ ខែកក្កដា ឆ្នាំ ២០២៤ នេះ ដោយមានការយកចិត្តទុកដាក់ពី សម្តេចអគ្គមហាសេនាបតីតេជោ ហ៊ុន សែន ប្រធានកិត្តិយសមូលនិធិត្រីចក្រយានកម្ពុជា(ស៊ីក្លូ) និងជាប្រធានព្រឹទ្ធសភា នៃព្រះរាជាណាចក្រកម្ពុជា លោក ឃួង ស្រេង អភិបាល នៃគណៈអភិបាលរាជធានីភ្នំពេញ និងជាប្រធានក្រុមប្រឹក្សាភិបាលមូលនិធិត្រីចក្រយានកម្ពុជា បានចាត់ឲ្យ លោក ម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញ និងជាប្រធានលេខាធិការដ្ឋានមូលនិធិត្រីចក្រយានកម្ពុជា ផ្ដល់ប័ណ្ណមូលនិធិសមធម៌សុខាភិបាល និងអាវជាសមាជិកមូលនិធិស៊ីក្លូចំនួន ២ កំប្លេ ជូនដល់អ្នកធាក់ស៊ីក្លូដែលជាសមាជិកមូលនិធិស៊ីក្លូក្នុងរាជធានីភ្នំពេញចំនួន ២៩៥ នាក់ នៅសាលារាជធានីភ្នំពេញ។
លោក ម៉េត មាសភក្តី មានប្រសាសន៍ឲ្យដឹងថា សម្តេចអគ្គមហាសេនាបតីតេជោ ហ៊ុន សែន តែងក្រើនរំលឹកឲ្យ លោក ឃួង ស្រេង យកចិត្តទុកដាក់ និងមើលថែពីសុខទុក្ខសមាជិកអ្នកធាក់ស៊ីក្លូក្នុងរាជធានីភ្នំពេញ ជាក់ស្ដែងនៅពេលនេះ ពួកគាត់ទាំង ២៩៥ នាក់ បន្តទទួលបានប័ណ្ណមូលនិធិសមធម៌សុខាភិបាល និងអាវជាសមាជិកមូលនិធិស៊ីក្លូ ក្នុងម្នាក់ៗ ចំនួន ២ កំប្លេ។
លោក ម៉េត មាសភក្តី បានបន្តថា ក្រៅពីនេះ អ្នកធាក់ស៊ីក្លូទាំង ២៩៥ នាក់ តែងទទួលបានប្រាក់ខែជារៀងរាល់ខែចំនួន ២១ ម៉ឺនរៀល ផងដែរ ដោយក្នុង ១ ខែ អាចបើកបាន ៣ ដង ក្នុង ១ ដង ៧ ម៉ឺនរៀល ជាមួយនឹងការផ្តល់ជូនប័ណ្ណមូលនិធិសមធម៌សុខាភិបាលនេះ ដើម្បីពួកគាត់អាចទៅពិនិត្យ ក៏ដូចជាព្យាបាលជំងឺដោយមិនអស់ប្រាក់នៅតាមមន្ទីរពេទ្យនានា។ បន្ថែមពីនេះទៀត ក្នុងអំឡុងពេលដែលប្រទេសកម្ពុជា ក៏ដូចជារាជធានីភ្នំពេញ កំពុងប្រឈមមុខនឹងការរាតត្បាតជំងឺកូវីដ-១៩ សម្តេច មិនត្រឹមតែផ្តល់វ៉ាក់សាំងជូនពួកគាត់ដូចប្រជាពលរដ្ឋទូទៅប៉ុណ្ណោះទេ គឺ សម្តេច បានផ្តល់អំណោយជាគ្រឿងឧបភោគ បរិភោគ ម៉ាស អាកុល ជែល ជូនពួកគាត់ថែមទៀត។
ក្នុងឱកាសនោះដែរ លោក ម៉េត មាសភក្តី ក៏បានជូនពរឲ្យអ្នកធាក់ស៊ីក្លូទាំងអស់ មានសុខភាពល្អ ជៀសវាងនឹងជំងឺផ្សេងៗ តែបើមានជំងឺពួកគាត់ក៏អស់ក្តីកង្វល់ទៀតដែរ ព្រោះតែមានប័ណ្ណមូលនិធិសមធម៌សុខាភិបាលដែលអាចទៅពិនិត្យ ក៏ដូចជាព្យាបាលជំងឺដោយមិនអស់ប្រាក់នៅតាមមន្ទីរពេទ្យនានា។
លោកពូ ម៉ៅ ឆន អាយុ ៥៧ ឆ្នាំ មានស្រុកកំណើតនៅស្រុកកំពង់ត្របែក ខេត្តព្រៃវែង និង លោកអ៊ំ រស់ អ៊ាង ភេទប្រុស អាយុ ៦៦ ឆ្នាំ បានមានប្រសាសន៍ស្រដៀងគ្នាថា លោកពូ និង លោកអ៊ំ ពិតជាអរគុណយ៉ាងជ្រាលជ្រៅបំផុតចំពោះ សម្តេចអគ្គមហាសេនាបតីតេជោ ហ៊ុន សែន ដែលកន្លងមកតែងតែជួយឧបត្ថម្ភដល់ពួក ដោយមានទាំងប្រាក់ប្រចាំខែ ចែកជូនជាគ្រឿងឧបភោគ បរិភោគ និងថវិការាល់បុណ្យជាតិធំៗ ដូចជាចូលឆ្នាំ និងភ្ជុំបិណ្ឌជាដើម។ បន្ថែមពីនេះ នៅបានផ្តល់ប័ណ្ណមូលនិធិសមធម៌សុខាភិបាល ដែលអាចឲ្យពួកគាត់ទៅពិនិត្យ ក៏ដូចជាព្យាបាលជំងឺដោយមិនអស់ប្រាក់នៅតាមមន្ទីរពេទ្យនានាថែមទៀត។
គួរបញ្ជាក់ផងដែរថា មូលនិធិនេះ ត្រូវបានបង្កើតឡើងតាំងពីថ្ងៃទី ១៨ ខែមករា ឆ្នាំ ២០១៨ មានរយៈពេល ៦ ឆ្នាំហើយ ក្រោមការផ្ដួចផ្ដើមដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន សំដៅអភិរក្សស៊ីក្លូ ដែលមានដើមកំណើតតាំងពីសម័យអាណានិគមនិយមបារាំងមកម្ល៉េះ៕
អត្ថបទ ៖ ស្រីរ័ត្ន
ពលរដ្ឋមួយគ្រួសារនៅស្រុកស្រែអំបិល ពុលផ្សិតអំឡុងបះមកចម្អិនធ្វើម្ហូប
ការវាយប្រហារនៅកាស្មៀរធ្វើឲ្យទំនាក់ទំនងឥណ្ឌា-ប៉ាគីស្ថានកាន់តែធ្លាក់ដុនដាបខ្លាំង
អូបាម៉ា បណ្ដើរភរិយាស្រស់ស្រូបអាហារបង្អួតភាពផ្អែមល្ហែម បញ្ចប់ភាពសង្ស័យបែកបាក់គ្នា
រានហាល និងបង្កាន់ដៃនាគទិសពាយ័ព្យប្រាសាទបន្ទាយសំរ៉ែ បានជួសជុលរួចរាល់
តារាហុងកុងនាង Gloria ក្រោយរៀបការខុស បាត់បង់អស់កេរ្តិ៍ឈ្មោះ និងអាជីពធ្លាប់ល្បីរន្ទឺ
មិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
ក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ
ហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
រុស្ស៊ីគំរាមម្តងទៀត! សង្គ្រាមលោកលើកទី៣ អាចផ្ទុះ បើណាតូ ហ៊ានបញ្ជូនទ័ពទៅ អ៊ុយក្រែន
បង្រ្កាបទីតាំងហាងយីហោ ត្នោត ផ្អែម ឃាត់ខ្លួនមនុស្សប្រុសស្រីច្រើននាក់ពាក់ព័ន្ធការបង្កប់សេវាកម្មផ្លូវភេទ
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានជាតិ១ ថ្ងៃ agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
ព័ត៌មានអន្ដរជាតិ៣ ម៉ោង agoមិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
-
សន្តិសុខសង្គម១ ថ្ងៃ agoនគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានអន្ដរជាតិ៦ ថ្ងៃ agoត្រាំ ប្រកាសថា អាចនឹងលែងជួយបញ្ចប់សង្គ្រាមរុស្ស៊ី-អ៊ុយក្រែន បើមើលទៅ ពិបាកពេក