ព័ត៌មានជាតិ
ក្រោយផឹកទឹកអណ្តូងដៃ មនុស្ស២នាក់បានស្លាប់ និងកំពុងសង្គ្រោះបន្ទាន់ចំនួន១៣នាក់
មនុស្ស២នាក់ បានស្លាប់ និងកំពុងសង្គ្រោះបន្ទាន់ចំនួន១៣នាក់ នៅមន្ទីរពេទ្យបង្អែកខេត្តកំពង់ឆ្នាំងក្រោយពីពួកគាត់ ផឹកទឹកអណ្តូងដៃ ខណៈកំពុងច្រូតកាត់។
ករណីខាងលើនេះបានកើតឡើង កាលពីថ្ងៃទី២៥ ខែវិច្ឆិកា ឆ្នាំ២០២០ ស្ថិតក្នុងភូមិជីប្រ៉ង ឃុំជៀប ស្រុកទឹកផុស ខេត្តកំពង់ឆ្នាំង។ ក្នុងនោះ រហូតមកដល់ថ្ងៃនេះ មានជនរងគ្រោះស្លាប់ចំនួន២នាក់ហើយ។
ប្រភពពីអ្នកភូមិ បានឲ្យដឹងថា កាលពីថ្ងៃកើតហេតុ ប្រជាកសិករក្នុងភូមិចំនួន១៥នាក់ បាននាំគ្នាទៅច្រូតស្រូវ នៅចំណុចអូរូង ស្ថិតក្នុងភូមិជីប្រ៉ង ឃុំជៀប ស្រុកទឹកផុស។
បន្ថែមពីនោះ ពួកគាត់ ក៏បានយកទឹកពីផ្ទះទៅផឹកចំនួន៣០លីត្រដែរ តែដោយការច្រូតស្រូវពេញមួយថ្ងៃ និងខ្វះទឹកផងនោះ ក៏ទៅដងទឹកអណ្តូងដៃមួយនៅជិតចម្ការឪឡឹកយកមកផឹក។ ក្រោយពីផឹករួច ប្រមាណជាង១ម៉ោង ក៏មានការពុល ហើយស្លាប់បន្តគ្នាចំនួន២នាក់ និង១៣នាក់ទៀត កំពុងសង្គ្រោះនៅមន្ទីរពេទ្យខេត្តនៅឡើយ។
តាមការសន្និដ្ឋានជំហានដំបូង បានឲ្យដឹងថា អាចមកពីអ្នកចម្ការប្រើប្រាស់ថ្នាំពុល រួចយកទៅលាងនៅក្បែរអណ្តូងនោះ នាំឲ្យមានគ្រោះថ្នាក់បែបនេះតែម្តងទៅ។
នៅព្រឹកនេះដែរ អភិបាលខេត្តកំពង់ឆ្នាំង កំពុងនាំយកអំណោយមនុស្សធម៌កាកបាទក្រហមទៅចែកជូនគ្រួសារសព និងបន្តទៅជួបជនរងគ្រោះក្នុងមន្ទីរពេទ្យនារសៀលនេះ៕
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៣ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង