សម្តេចតេជោ ហ៊ុន សែន អំពាវ នាវឲ្យមានការ ប្ដេជ្ញាចិត្តផ្នែកនយោបាយ ចូលរួមអស់លទ្ធភាព ដើម្បីជំរុញកំណើនបៃតង

សម្តេច​តេជោ ហ៊ុន សែន នាយករដ្ឋមន្ត្រីនៃកម្ពុជា បានអំពាវនាវ​ឲ្យពិភពលោក មានការប្ដេជ្ញាចិត្តផ្នែកនយោ បាយ ក្នុងការចូលរួម ឲ្យអស់លទ្ធភាពពីគ្រប់ប្រទេស ដើម្បីជំរុញកំណើនបៃតង​។ ការអំពាវនាវដូចនេះ គ្រាដែលសម្ដេច​តេជោ ហ៊ុន សែន បានអញ្ជើញថ្លែង​សុន្ទរកថា ក្នុងវេទិកាអភិវឌ្ឍន៍ថាមពលកាបូនទាប ថៃយាន ឆ្នាំ២០២១ ក្រោមមូលបទ «ថាមពល អាកាសធាតុ បរិស្ថាន» តាមប្រព័ន្ធវីដេអូ ដែលនៅក្នុងកម្មវិធីនេះ គឺមានការអញ្ជើញចូលរួមពីលោក លី ខឺឈាង នាយករដ្ឋមន្ត្រីចិន ប្រមុខរដ្ឋ និងប្រមុខរដ្ឋាភិបាល នៃប្រទេសជាច្រើនទៀត។

សម្តេចតេជោនាយករដ្ឋមន្ត្រី បានលើកឡើងថា ​ការរៀបចំ​វេទិកាអភិវឌ្ឍន៍ ថាមពលកាប៉ូនីទាប ថៃយាន នាពេលនេះ ស្ថិតក្នុងបរិការណ៍ ដែលពិភពលោកទាំង​​មូល បាននឹងកំពុងប្រយុទ្ធ នឹងជំងឺកវីដ-១៩។​ សម្តេចតេ ជោ បន្តថា ការ​រៀបចំវេទិកានេះ គឺជាការក្រើន​រំលឹកកុំឲ្យ​យើង​​ទាំង​អស់​គ្នា បំភ្លេចចោលនូវបញ្ហាថាមពល, អាកាសធាតុ និង​បរិស្ថាន ដែលទាមទារឲ្យបន្តមាន ការយកចិត្តទុកដាក់ និង​ការទទួលខុសត្រូវ តាមរយៈការគិតគូរជាប់ជានិច្ច ក្នុងការស្វែងរក​ដំណោះស្រាយ សកលរួម។

ក្នុង​បរិការណ៍​ ដែលបណ្តាប្រទេសជាច្រើន បាន​នឹងកំពុងគិតគូរ រៀបចំផែនការស្ដារសង្គម-សេដ្ឋកិច្ច​ឡើងវិញ ការរៀបចំវទិកានេះ នឹងបង្កើត​​ជាកាលានុវត្តភាពដ៏ល្អ​មួយ ​ក្នុងការជំរុញសន្ទុះ នៃការអភិវឌ្ឍថាមពលកាបូនទាប សំ​ដៅ​​ដោះស្រាយបញ្ហាថាមពល, អាកាសធាតុ និងបរិស្ថាន និងឈាន​ទៅសំម្រេច​បាន​ នូវគោលដៅអភិវឌ្ឍន៍ ប្រកបដោយចីរភាព និងគោលដៅនៃ កិច្ចព្រមព្រៀងទីក្រុងប៉ារីស ស្តីពី ការប្រែប្រួល​អាកាសធាត​។​

សម្តេច​តេជោ ហ៊ុន សែន បានលើកឡើងដែរថា ថ្វីត្បិតតែកម្ពុជាជាប្រទេស ដែលមានកម្រិតនៃការអភិវឌ្ឍ​ទាប​ តែរាជរដ្ឋាភិបាលកម្ពុជា មានការប្ដេជ្ញាចិត្តខ្ពស់ និងកំណត់យក​បញ្ហាថាមពល, អាកាសធាត និងបរិស្ថាន ជារបៀបវារៈ គោលនយោបាយដ៏សំខាន់ នឹងសម្រាប់រយៈពេលវែង ក្រោមការទទួលខុសត្រូវ និងសមត្ថភាពរៀង់ៗខ្លួន​។ ​សម្តេចតេជោ​បន្តថា ការ​ដោះស្រាយបញ្ហាថាមពល, អាកាសធាតុ និងបរិស្ថាន គឺជាកិច្ចការដ៏លំបាក​មួយ ដែល​ទាមទារ​ឲ្យ​មានការ​ចូលរួម ប្រកបដោយស្មារតីទទួលខុសត្រូវ និងការប្តេជ្ញាចិត្តខ្ពស់ ពីគ្រប់ភាគី​ពាក់ព័ន្ធទាំងអស់​។

ក្នុងន័យនេះ សម្តេចតេជោ បាន​អំពាវនាវឲ្យមានការពង្រឹង​កិច្ចសន្ទនា និងកិច្ចសហប្រតិបត្តិការអន្តរជាតិ រវាងគ្រប់ភាគីពាក់ព័ន្ធ ក្នុងគោលបំណង់បង្កើត ឲ្យបាននូវអនាគតបៃតងរួមគ្នាមួយ ប្រកបដោយចីរភាព ដោយមិនទុកនរណាម្នាក់ចោលនោះឡើយ និងបាន​អំពាវនាវផងដែរ ឲ្យ​មានការប្ដេជ្ញាចិត្តផ្នែក​នយោបាយ ក្នុងការចូលរួមឲ្យអស់លទ្ធភាពពីគ្រប់ប្រទេស​ទាំងអស់ នៅ​តាមដំណាក់កាល ការអភិវឌ្ឍប្រទេសនីមួយៗ​ ក្នុងការជំរុញកំណើនបៃតង, ការកាត់​បន្ថយការបញ្ចេញ​កាបូន​ និងការធានាឲ្យប្រជាពលរដ្ឋគ្រប់រូប ទទួលបាននូវថាមពល និរន្តរ​ភាព ក្នុងតម្លៃសមរម្យ និងមានការបញ្ចេញកាបូនទាប​។

ជាមួយគ្នានោះ សម្តេចតេជោ ក៏បាន​លើកទឹកចិត្តឲ្យមានការជួយគ្ន ទៅវិញទៅមក​ ប្រក​បដោ​យ​ស្មារតីសាមគ្គីភាព ជាពិសេស ​តាមរយៈការផ្ទេរបច្ចេកវវិទ្យា និង​ការ​ផ្តល់​ហិរញ្ញប្បទាន ​ទៅដល់​​ណ្តាប្រទេស ដែលមានធន ធានទាប​៕ អត្ថបទ៖ កោះកែវ