ព័ត៌មានជាតិ

ហ៊ានមែន! លួចម៉ូតូគេទាំងម្ចាស់នៅក្បែរ ខណៈមិនបានដកសោចេញ

បានផុស

៣ years មុន

នៅ

ថ្ងៃចន្ទ ៦ កញ្ញា ២០២១

ដោយ

ជនសង្ស័យម្នាក់ត្រូវបានម្ចាស់ម៉ូតូ និងប្រជាពលរដ្ឋនាំគ្នាដេញចាប់ប្រគល់ឲ្យសមត្ថកិច្ចបន្ទាប់ពីឡើងបញ្ឆេះម៉ូតូជិះលួចយករបស់ជនរងគ្រោះទាំងម្ចាស់ម៉ូតូនៅក្បែរ ខណៈដែលមិនបានដកសោចេញពីម៉ូតូ ចុះទៅតថ្លៃបិទស្កុត។

ករណីនេះបានកើតឡើងកាលពីវេលាម៉ោង៩និង៣០នាទីព្រឹក ថ្ងៃទី៦ ខែកញ្ញា ឆ្នាំ២០២១ នៅចំណុចមុខផ្សារកាណាស៊ីធី សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។ ជនសង្ស័យឈ្មោះ ប៉ែន ស្រស់ ភេទប្រុសអាយុ១៧ឆ្នាំ មុនរបរស្នាក់នៅមិនពិតប្រាកដ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានពីកន្លែងកើតហេតុឱ្យដឹងថា មុនពេលកើតហេតុជនរងគ្រោះបានជិះម៉ូតូម៉ាកLet’s មកឈប់មុខហាងបិតស្កុតម៉ូតូមួយកន្លែង ហើយបានចុះពីលើម៉ូតូដោយមិនបានដកសោចេញនោះទេទៅតថ្លៃបិតស្កុតម៉ូតូ។ បន្ទាប់មកស្រាប់តែលេចមុខជនសង្ស័យម្នាក់ដើរមកឡើងជិះបញ្ឆេះចេញទៅស្រាប់តែម្ចាស់ឃើញទាន់ក៏ស្រែកឆោឡោបង្កការភ្ញាក់ផ្អើលដល់បងប្អូនប្រជាពលរដ្ឋនាំគ្នាដេញចាប់បានមកវិញទើបរាយការណ៍ទៅសមត្ថកិច្ច។ នៅលើដងខ្លួនជនសង្ស័យសមត្ថកិច្ចរកឃើញសោរសម្រាប់កាច់សោ ក ម៉ូតូមួយដើមផងដែរ។

ជនសង្ស័យត្រូវបានសមត្ថកិច្ចធ្វើការសាកសួរ និងកសាងសំណុំរឿងបញ្ជូនទៅផ្នែកព្រហ្មទណ្ឌនៃអធិការដ្ឋាននគរបាលខណ្ឌពោធិ៍សែនជ័យ ដើម្បីចាត់ការតាមច្បាប់៕

អត្ថបទ៖ សុខា