កម្មករបុរីប៉េង ហួត វិជ្ជមាន​កូវីដ​បំប្លែងខ្លួនថ្មី Delta ៥នាក់ក្នុងចំនួនអ្នកឆ្លង ១១ នាក់

អាជ្ញាធរសង្កាត់វាលស្បូង ប្រាប់កម្ពុជាថ្មី នៅព្រឹកថ្ងៃទី ៦ ខែកញ្ញានេះថា ចំនួនកម្មករបុរី ប៉េង ហួត វាលស្បូវ ដែលក្រុមគ្រូពេទ្យបង្អែក ខណ្ឌច្បារអំពៅ បានចុះយកសំណាករយៈពេល ២ ថ្ងៃជាប់គ្នា លើកម្មករសរុប ១១១នាក់ លទ្ធផលរកឃើញវិជ្ជមានកូវីដ១៩ ចំនួន ១១នាក់ ក្នុងនោះមានវីរុសបំប្លែងខ្លួនថ្មី ៥ នាក់។

លោក ស្រី យន់ សុផល ចៅសង្កាត់វាលស្បូវ បានបញ្ជាក់ថា ក្នុងចំនួនកម្មករបម្រើការនៅក្នុងបុរីប៉េង ហួត វាលស្បូវ ស្ថិតក្នុងសង្កាត់វាលស្បូវ ខណ្ឌច្បារអំពៅ រាជធានីភ្នំពេញ មានចំនួន១១១នាក់។

ហើយការចុះយកសំណាកទៅលើកម្មករខាងលើគឺដោយសង្ស័យថា មានកម្មករមានកើតជំងឺកូវីដ១៩។

លុះនៅពេលដែលក្រុមគ្រូពេទ្យបង្អែកខណ្ឌច្បារអំពៅ ចុះទៅយកសំណាកដល់កម្មកររយះពេល២ថ្ងៃជាប់គ្នាគឺថ្ងៃទី៤ និង៥ខែកញ្ញានេះជាលទ្ធផលរកឃើញអ្នកវីជ្ជមានកូវីដ១៩ចំនួន១១នាក់ហើយក្នុង១១នាក់នេះមាន៥នាក់កើតជំងឺកូវីដ១៩បំប្លែងខ្លួនថ្មី។

ចំពោះកម្មករដែលពុំបានរកឃើញក៏ត្រូវបានក្រុមគ្រូហាមមិនឲ្យចេញពីទីតាំងដែលកំពុងស្នាក់នៅផងដែរ ព្រោះខ្លាចឆ្លងដល់អ្នកផ្សេងៗទៀត។

លោកស្រីចៅសង្កាត់បានសំណូមពរដល់បងប្អូនកម្មករសំណង់ទាំងដែលរស់នៅប្រមូលផ្តុំគ្នាសូមមេត្តារក្សាគម្លាតចៀសវាងឆ្លងរាលដាលកាន់តែធ្ងន់ធ្ងរ៕

អត្ថបទៈ នរា