ព័ត៌មានជាតិ
អាជ្ញាធរស្រុកកំរៀង កំពុងរៀបចំដី២ហិកតាឲ្យអាជីវករលក់ដូរបណ្ដោះអាសន្ន បន្ទាប់ពីផ្សារ ខេ.អេ.ឌី ដាក់ជាតំបន់ក្រហម
លើទំហំផ្ទៃដីធំទូលាយ១កន្លែងត្រូវបានអាជ្ញាធរតំបន់ព្រំដែនស្រុកកំរៀងកំពុងរៀបចំសម្រាប់ឲ្យអាជីវករបន្តការលក់ដូរជាបណ្តោះអាសន្នឡើងវិញ ក្រោយផ្សារ ខេ.អ.ឌី ប្រកាសដាក់ជាតំបន់ក្រហមដើម្បីកាត់ផ្តាច់ខ្សែចម្លងជំងឺកូវីដ១៩ ក្នុងសហគមន៍ដែលបានផ្ទុះឡើងនាពេលកន្លងមកតាមរយៈអាជីករម្នាក់ត្រឡប់ពីផ្សារក្នុងទឹកដីថៃមានវិជ្ជមានកូវី១៩។
លោក សុខ គឹមខុន គណ:គ្រប់គ្រងស្រុកកំរៀងបានប្រាប់ឲ្យដឹងនៅថ្ងៃទី១៤ ខែកញ្ញា ឆ្នាំ២០២១នេះថា ករណីចំពោះមុខនេះអាជ្ញាធរស្រុកកំពុងបន្តរៀបចំលើផ្ទៃដីទំហំ២ហិកតាដើម្បីដាក់ដំណើរការឲ្យបងប្អូនអាជីវករចូលលក់ដូរជាបណ្តោះអាសន្នឡើងវិញ ក្នុងគោលបំណងបញ្ចៀសការប៉ះពាល់ដល់សេដ្ឋកិច្ចគ្រួសាររបស់អាជីវករលក់ដូររួមទាំងដើម្បីបង្កលក្ខណ:ដល់បងប្អូនប្រជាពលរដ្ឋទូទៅនៅក្នុងមូលដ្ឋានងាយស្រួលក្នុងការរកទិញស្បៀងអាហារប្រចាំថ្ងៃដោយការទិញនិងលក់ត្រូវបានអនុវត្តតាមវិធានការរបស់រដ្ឋបាលខេត្តផងដែរ។
លោក សុខ គឹមខុន អភិបាលស្រុកកំរៀងបន្តថា ការរៀបចំទីតាំងលក់ដូរថ្មីបណ្តោះអាសន្ននេះមានផ្ទៃដីធំទូលាយងាយស្រួលដល់ពលរដ្ឋជិតឆ្ងាយស្វែងរកទិញម្ហូបតាមតម្រូវការទៅតាមការណែនាំរបស់រដ្ឋបាលខេត្តបាត់ដំបង ក៏ដូចជាវិធានសុខាភិបាលដោយចន្លោះពីតូបមួយទៅតូបមួយមានចម្ងាយយ៉ាងហោចពី១.៥ម៉ែត្រទៅ២ម៉ែត្រ ឬធំជាងនេះជាការប្រសើ។
លោកបន្តថា សម្រាប់ទីតាំងលក់ដូរជាបណ្តោះអាសន្នថ្មីនេះមិនបានកំណត់ពេលវេលាជាក់លាក់ថាបន្តឱ្យបើកលក់ឬក៏បិទនោះទេអាស្រ័យទៅលើស្ថានភាពជាក់ស្តែង ខណៈការរកឃើញជំងឺកូវីដ១៩នៅក្នុងតំបន់ទីប្រជុំជនស្រុកកំរៀងនេះ ពិសេសតំបន់ក្រហមផ្សារកំរៀងហៅផ្សារ ខេ.អ.ឌី ក៏ដូចជាមូលដ្ឋានក្នុងភូមិអូរដាលើនៅតែមានបន្ត ឬមិនមានរងចាំសេចក្តីសម្រេចពីរដ្ឋបាលខេត្តនៅពេលក្រោយ។
ការបញ្ជាក់ជំហរបែបនេះរបស់លោកអភិបាលស្រុក ខណៈចំពោះមុខនេះករណីជំងឺកូវីដ១៩នៅតែបន្តរកឃើញថ្មី ប៉ុន្តែចំនួនបានថមថយតិចតួចដោយសារតែបងប្អូនប្រជាពលរដ្ឋមួយចំនួនតូចហាក់បន្ធូរដៃក្នុងការចូលរួមប្រុងប្រយ័ត្ន។ បើទោះបីបែបនេះរដ្ឋបាលស្រុកនៅតែទទួចសុំឲ្យបងប្អូនប្រជាពលរដ្ឋក្រុមអាជីវករទាំងអស់ចូលរួមបង្កើនការប្រុងប្រយ័ត្នទាំងអស់គ្នាបន្ថែមទៀត ដើម្បីកាត់ផ្តាច់ទាំងស្រុងនូវខ្សែចម្លងនៃជំងឺដ៏កាចសាហាវនេះចូលដល់សហគមន៍របស់បងប្អូនបន្តទៀត៕
អត្ថបទ៖ សៅ សារិទ្ធ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ