ព័ត៌មានជាតិ
អាជីវករផ្សារទួលទំពូង ជិត៩០ ភាគរយ បានចូលលក់ដូរ ខណៈស្ថានភាពក្នុងផ្សារ វិលទៅរកភាពប្រក្រតី
ផ្សារទួលទំពូងដែលគេទទួលស្គាល់ថា ជាផ្សារមួយដែលភាគច្រើន លក់ សម្ភារ ឬ វត្ថុអនុស្សាវរីយ៍ ពិសេសសម្រាប់ជនបរទេសមកដល់ពេលនេះ ការលក់ដូររបស់បងប្អូនអាជីវករ បានដំណើរការប្រមាណជា ៨០ ទៅ ៩០ ភាគរយហើយ បើទោះជំងឺកូវីដ-១៩ នៅតែបន្តរីករាលដាល មិនថានៅរាជធានីភ្នំពេញ និងនៅតាមបណ្តាខេត្ត ក្រុង មួយចំនួននៅក្នុងព្រះរាជាណាចក្រកម្ពុជា។
ប៉ុន្តែទោះបីជាយ៉ាងណាក្តីទាំងអាជីវករ ទាំងអ្នកចេញ ចូល ទៅទិញអីវ៉ាន់ ហាក់ មានការប្រុងប្រយ័ត្នខ្ពស់ក្នុងការការពារខ្លួនទប់ស្កាត់ការរាលដាលជម្ងឺកូវីដ-១៩នេះ។
ប្រធានគណៈកម្មការផ្សារទួលទំពូង លោក ចំរើន សុខលីម បានមានប្រសាសន៍នៅរសៀលថ្ងៃទី ២៨ ខែកញ្ញានេះថា គិតមកដល់ថ្ងៃទី ២៨ខែកញ្ញានេះ ស្ថានភាពនៃការលក់ដូរនៅផ្សារទួលទំពូង បានវិលទៅរកភាពប្រក្រតីឡើងវិញហើយ ដោយបងប្អូនអាជីវករប្រមាណជា ៨០ ទៅ៩០ភាគរយ បានសម្រុកទៅលក់ដូរ។
ដោយឡែក សម្រាប់អតិថិជនដែលចេញ ចូល ទិញឥវ៉ាន់នៅក្នុងផ្សារប្រមាណជា ៧០ ទៅ៨០ភាគរយផងដែរ។ តែអ្វីដែលជាការកត់សម្គាល់នោះ ក្រៅពីគណៈកម្មការផ្សាររៀបចំឱ្យមានការអនុវត្តវិធានការរបស់ក្រសួងសុខាភិបាល ក៏ដូចជាការណែនាំរបស់អាជ្ញាធររាជធានីភ្នំពេញ ជុំវិញការបាញ់អាល់កុល វាស់កម្ដៅ នឹងការណែនាំឲ្យមានការពាក់ម៉ាសជាដើមនោះ គឺបងប្អូនអាជីវករក៏ដូចជាបងប្អូនប្រជាពលរដ្ឋដែលចេញ ចូលផ្សារពួកគាត់ចូលរួមអនុវត្តបានយ៉ាងខ្ជាប់ខ្ជួននូវវិធានរបស់ក្រសួងសុខាភិបាល ក្នុងកិច្ចការពារខ្លួនមិនឲ្យឆ្លងជំងឺកូវីដ-១៩ មានន័យថា បងប្អូនប្រជាពលរដ្ឋទាំងអស់ដែលចេញ ចូលហាក់មានការយល់ដឹងច្រើនជុំវិញវិធានការការពារខ្លួនក្នុងការទប់ស្កាត់ជំងឺកូវីដ-១៩នេះ៕
អត្ថបទៈ ស្រីរ័ត្ន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល