លោកជំទាវ ឱ វណ្ណឌីន៖ មានរាជធានីខេត្តចំនួន២០ហើយបានបិទបញ្ចប់យុទ្ធនាការចាក់វ៉ាក់សាំងដូសទី១
Connect with us

ព័ត៌មានជាតិ

លោកជំទាវ ឱ វណ្ណឌីន៖ មានរាជធានីខេត្តចំនួន២០ហើយបានបិទបញ្ចប់យុទ្ធនាការចាក់វ៉ាក់សាំងដូសទី១

បានផុស

នៅ

លោកជំទាវវេជ្ជបណ្ឌិត ឱ វណ្ណឌី​ន រដ្ឋលេខាធិការ​ក្រសួងសុខាភិបាល​និង​ជា​ប្រធាន​គណៈកម្មការ​ចំពោះ​កិច្ច​ចាក់​វ៉ាក់សាំង​ជំងឺ​កូ​វីដ​១៩​ ក្នុង​ក្របខ័ណ្ឌ​ទូទាំងប្រទេស​បាន​មានប្រសាសន៍​នៅ​ថ្ងៃទី​២៩​ ខែកញ្ញា​នេះ​ថា រ​ហូត​មកដល់ពេលនេះ ​មាន​រាជធានី​ខេត្ត​ចំនួន​២០​ហើយ​បាន​បិទ​បញ្ចប់​យុទ្ធនា​ការចាក់​វ៉ា​កសាំង​ដូ​ស​ទី​១​ដោយ​ជោគជ័យ ​និង​បន្ត​ចាក់​ដូ​ស​ទី​២​ និង​ដូ​ស​ទី​៣​ជា​បន្តបន្ទាប់​ទៀត​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី​បាន​បន្តថា​ ចំណែក​ខេត្ត​៥​ទៀត​ដែល​នៅ​មិនទាន់បាន​បិទ​បញ្ចប់​នោះ​រួមមាន កំពត កំពង់ស្ពឺ កំពង់ឆ្នាំង បាត់ដំបង និង​បន្ទាយមានជ័យ​​ ដែល​ត្រូវខិតខំ​ជំរុញ​ការចាក់​វ៉ាក់សាំង និង​អាច​បិទ​បញ្ចប់​នា​ខែតុលា​ខាងមុខ​នេះដែរ​។​

លោកជំទាវ​បាន​បន្តទៀតថា ​នៅ​ថ្ងៃទី​១១ ​ខែតុលា​ខាងមុខនេះ​ កម្ពុជា​នឹង​បើក​យុទ្ធនាការ​ចាក់​វ៉ាក់សាំង​ការពារ​ជំងឺ​កូ​វីដ​១៩​ដូ​ស​ជំរុញ​ ឬ​ដូ​ស​ទី​៣​ដល់​ប្រជាពលរដ្ឋ​ទូទៅ​នៅ​ទូទាំង​ប្រទេស ​និង​មន្ត្រី​អង្គការសហប្រជាជាតិ​ មន្ត្រី​អង្គ​ទូត​ អង្គការ​អន្តរជាតិ​ជា​បន្តបន្ទាប់​ទៀត​ ដែល​បាន​ចាក់​វ៉ាក់សាំង​បាន​ពីរ​ដូស ​ឬ​គ្រ​ប់ដូ​ស​។​

លោកជំទាវ​បាន​បន្ថែមថា​ គិត​មកដល់​ថ្ងៃទី​២៨​ ខែកញ្ញា ​ឆ្នាំ​២០២១​កម្ពុជា​បាន​ចាក់​វ៉ាក់សាំង​ដល់ប្រជាពល​រដ្ឋ​ដែលមាន​អាយុ​ចាប់ពី​១៨​ឆ្នាំ​ឡើងទៅ​មាន​ចំនួន​៩៨៩៤០០៦​នាក់ ​ស្មើ ៩៨,៩៤​ភាគរយ​ធៀប​នឹង​គោល​ដៅ​១០​លាន​នាក់ កុមារ​ដែលមាន​អាយុ​ចាប់ពី​១២​ដល់​អាយុ​១៧​ឆ្នាំមាន​ចំនួន​១៧៥៦៧៤៩​នាក់​ស្មើនឹង​៨៩,៣១​ភាគរយ ​ធៀប​នឹង​គោលដៅ​១,៩៦៦,៩៣១ នាក់ និង​កុមារ​អាយុ​ពី០៦​ឆ្នាំដល់​ក្រោម ១២​ឆ្នាំមាន​ចំនួន​១៦២២៦០៨​នាក់​ស្មើនឹង​៨៥,៥១% ធៀប​នឹង​គោលដៅ ១,៨៩៧, ៣៨២ នាក់​។​

លោកជំទាវបាន​បញ្ជាក់ថា​ អ្នក​ដែល​គ្រូពេទ្យ​មិនអនុញ្ញាតឱ្យ​ចាក់​ដោយសារ​បញ្ហា​សុខភាពមាន​ចំនួន​៧២៩១៦​នាក់ អ្នក​ចាក់​បាន​ពីរ​ដូ​ស​ចំនួន​១០៩៨៦២៣១​នាក់​ និង​អ្នក​ចាក់​ដូ​ស​ទី​៣​មាន​ចំនួន​៨៨១៤៣២​នាក់​។​

គួរបញ្ជាក់​ថា ​តាម​ផែនការ​រាជរដ្ឋាភិបាល​គ្រោង​នឹង​ចាក់​វ៉ាក់សាំង​ជូន​ដល់​ប្រជាពលរដ្ឋ​ឱ្យរួចរាល់​នៅ​ចុងឆ្នាំ​២០២១​ខាងមុខនេះ​ដើម្បី​បង្កើត​ភាពស៊ាំ​នៅក្នុង​សហគមន៍​សំដៅ​ទប់ស្កាត់​កា​ឆ្លង​រាលដាល​ជំងឺ​កូ​វីដ​១៩​បើក​ដំណើរការ​សាលារៀន​នៅតាម​តំបន់​មាន​ហា​និ​ភ័យ​ទាប​និង​ត្រៀម​បើក​វិស័យ​ទេសចរណ៍​ក៏ដូចជា​សេដ្ឋកិច្ច​ឡើងវិញ​ផងដែរ​៕​

អត្ថបទ៖ សំអឿន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា២ ម៉ោង មុន

លី​គ​អេឡិចត្រូនិក​អាជីព 2022 MPL-KH Pro League រកឃើញ​ក្រុម​ឡើង​វគ្គ​វិលជុំ​សន្សំ​ពិន្ទុ​

ព័ត៌មានជាតិ២ ម៉ោង មុន

រដ្ឋាករ​ទឹក​ស្វយ័ត​ក្រុង​ភ្នំពេញ​ ផ្អាក​ផ្គត់ផ្គង់​ទឹក​ស្អាត​នៅលើ​ផ្លូវ​៣K នា​ថ្ងៃ​ទី២៧នេះ ចាប់​ពី​ម៉ោង​១០​ព្រឹក​រហូត​ដល់​បញ្ចប់​ការជួស​ជុល​

បច្ចេកវិទ្យា៤ ម៉ោង មុន

iPhone ដំណើរការមុខងារ ដោះសោទ្វារបន្ទប់សណ្ឋាគារ

ជីវិតកម្សាន្ដ៥ ម៉ោង មុន

ត្រឹមស្លៀកពាក់ស្ដើងឃើញសាច់ក្នុងតិចៗសោះ តារាកូរ៉េ ៥រូបនេះ ឡើង Hot

ព័ត៌មានជាតិ៦ ម៉ោង មុន

ការស្ថាបនា​កំណាត់​ផ្លូវជាតិ​លេខ​៩៥ ដោយ​ក្រាល​កៅស៊ូ​ប្រភេទ​DBST សម្រេចបាន ៧៥%​ហើយ គ្រោង​នឹង​បញ្ចប់​ក្នុង​ខែកុម្ភៈនេះ

Sokha Hotels

ព័ត៌មានពេញនិយម