ព័ត៌មានជាតិ
ខេត្តជាប់សមុទ្រ ត្រៀមបើកថ្នាក់ទី១០ និងថ្នាក់ទី ១១ បន្ថែមទៀត ក្រោយពិធីភ្ជុំបិណ្ឌ
ខេត្តព្រះសីហនុត្រៀមបើកថ្នាក់ទី១០ និងថ្នាក់ទី១១ បន្ថែមទៀត នៅក្រោយពិធីភ្ជុំបិណ្ឌរួច បន្ទាប់ពីបានបើកដំណើរការរៀននិងបង្រៀនឡើងវិញថ្នាក់ទី៩និងទី១២ដោយទទួលបានជោគជ័យរួចមក។
ថ្លែងនៅក្នុងពិធីសំណេះសំណាលជាមួយលោកគ្រូ អ្នកគ្រូ និងក្រុមយុវជនស្ម័គ្រចិត្តដែលបានចូលរួមក្នុងយុទ្ធនាការចាក់វ៉ាក់សាំងបង្ការជំងឺកូវីដ-១៩ ក្នុងភូមិសាស្ត្រខេត្តព្រះសីហនុ នៅថ្ងៃទី២តុលានេះ លោក គួច ចំរើន អភិបាល នៃគណៈអភិបាលខេត្តព្រះសីហនុ បានមានប្រសាសន៍ថារាជរដ្ឋាភិបាលបានអនុញ្ញាតឱ្យក្រសួងអប់រំ យុវជន និងកីឡា បើកសាលារៀនឡើងវិញ ដោយផ្តោតលើថ្នាក់ទី៩ និងថ្នាក់ទី១២។ ដោយឡែកសម្រាប់ខេត្តព្រះសីហនុ មានសាលាចំនួន២៥ បានបើកដំណើរការរៀន និងបង្រៀនឡើងវិញដោយទទួលបានជោគជ័យ។
លោកអភិបាលខេត្តបានបន្តថា «យើងនឹងបន្តបើកថ្នាក់ទី១០ និងថ្នាក់ទី១១ បន្ថែមទៀតក្រោយពិធីកាន់បិណ្ឌ ភ្ជុំបិណ្ឌរួច និងឈានទៅបន្តបើកសាលាបឋមសិក្សា និងមត្តេយ្យសិក្សាបន្ថែមទៀតនាពេលខាងមុខ»។
លោកអភិបាល ខេត្តបានថ្លែងការកោតសរសើរចំពោះលោកគ្រូ អ្នកគ្រូ និងក្រុមយុវជនស្ម័គ្រចិត្ត ដែលបានចូលរួមជាមួយរាជរដ្ឋាភិបាល និងអាជ្ញាធរខេត្ត ក្នុងយុទ្ធនាការចាក់វ៉ាក់សាំងជូនប្រជាពលរដ្ឋ កុមារ និងយុវវ័យ ដើម្បីបង្កើតភាពស៊ាំ កាត់បន្ថយការឆ្លងរាលដាលនៃជំងឺកូវីដ-១៩ ក្នុងសហគមន៍ និងកាត់បន្ថយហានិភ័យដល់អាយុជីវិតប្រជាពលរដ្ឋខេត្តរបស់យើង។
បន្ទាប់មកលោកអភិបាលខេត្ត ក៏បាននាំយកថវិការបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ឧបត្ថម្ភជូនលោកគ្រូ អ្នកគ្រូ និងយុវជនស្ម័គ្រចិត្តក្រុងព្រះសីហនុចំនួន ៣២០នាក់ ក្នុងម្នាក់ទទួលបានថវិកា ២០ម៉ឺនរៀល។
គួរបញ្ជាក់ថា ខេត្តព្រះសីហនុបានបើកដំណើរការសាកល្បងសាលារៀន ដោយពង្រីកបានរហូតដល់២៥សាលា ហើយត្រៀមបើកថ្នាក់ទី១០ និងថ្នាក់ទី១១ បន្ថែមទៀតក្រោយពិធីកាន់បិណ្ឌ ភ្ជុំបិណ្ឌរួច និងឈានទៅបន្តបើកសាលាបឋមសិក្សា និងមត្តេយ្យសិក្សាបន្ថែមទៀតនាពេលខាងមុខ៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត