ព័ត៌មានជាតិ

រយៈពេល១៥ថ្ងៃ ក្នុងឱកាសបុណ្យកាន់បិណ្ឌនិងភ្ជុំបិណ្ឌ នៅភ្នំពេញមានគ្រោះអគ្គិភ័យកើតឡើង៧លើក

បានផុស

៥ years មុន

នៅ

ថ្ងៃសុក្រ ៨ តុលា ២០២១

ដោយ

នៅក្នុងពិធីបុណ្យកាន់បិណ្ឌនិងភ្ជុំបិណ្ឌរយៈពេល១៥ថ្ងៃនេះ នៅភ្នំពេញមានគ្រោះអគ្គិភ័យកើតឡើងចំនួន៧លើកកើនឡើង២លើកបើធៀបនឹងឆ្នាំមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក សាន សុខសីហា អ្នកនាំពាក្យនៃស្នងការដ្ឋាននគរបាលរាជធានីភ្នំពេញ បានឱ្យដឹងនៅព្រឹកថ្ងៃទី៨ ខែតុលានេះថា រយៈពេល១៥ថ្ងៃពោលគឺចាប់ពីបិណ្ឌ១រហូតដល់បុណ្យភ្ជុំបិណ្ឌមានគ្រោះអគ្គិភ័យបានកើតឡើងចំនួន៧លើក ក្នុងនោះមានឆេះផ្ទះ២ខ្នង ស្មើនឹង៦បន្ទប់ឃ្លាំង១កន្លែងឆេះរថយន្ត១គ្រឿងនិងផ្ទុះចង្ក្រានហ្គាស១លើកខណៈឆ្នាំមុនបានកើតឡើងចំនួន៥លើក។

លោកបានបន្តថា ដោយឡែកនៅក្នុងពិធីបុណ្យថ្ងៃភ្ជុំបិណ្ឌ៣ថ្ងៃនេះបានកើតឡើងតែ១លើកទេ គឺករណីឆេះរថយន្តកើនឡើង១លើកបើធៀបទៅនឹងពិធីបុណ្យភ្ជុំបិណ្ឌកាលពីឆ្នាំមុនមានចំនួន២លើក។

ស្នងការដ្ឋាននគរបាលរាជធានីភ្នំពេញបានដាក់ពង្រាយរថយន្តពន្លត់អគ្គិភ័យចំនួន២១ គ្រឿង នៅតាមគោលដៅធំៗចំនួន៧ក្នុងរាជធានីភ្នំពេញដើម្បីត្រៀមជួយសង្គ្រោះដល់ប្រជាពលរដ្ឋដែលអាចកើតឡើងជាយថាហេតុក្នុងឱកាសបុណ្យភ្ជុំបិណ្ឌនេះ៕

អត្ថបទ៖ សំអឿន