Connect with us

ព័ត៌មានជាតិ

ខេត្តរតនគិរីត្រៀមវិធានការឆ្លើយតបគ្រោះមហន្តរាយជំនន់ទឹកភ្លៀង

បានផុស

នៅ

លោក ញ៉ែម សំអឿន អភិបាលខេត្តរតនគិរី និងជាប្រធានគណៈកម្មាធិការគ្រប់គ្រងគ្រោះមហន្តរាយខេត្ត បានមានប្រសាសន៍ថា អាជ្ញាធរខេត្តបានត្រៀមរួចជាស្រេចនូវវិធានការ មធ្យោបាយសរុប ដើម្បីឆ្លើយតបក្នុងករណីមានគ្រោះមហន្តរាយជំនន់ទឹកភ្លៀង។ ការថ្លែងនេះ ធ្វើឡើងនៅក្នុងឱកាសលោករួមនឹងប្រធានមន្ទីរជំនាញពាក់ព័ន្ធបានអញ្ជើញចុះពិនិត្យស្ថានភាពទឹកទន្លេស្រែពក ស្ថិតនៅក្នុងស្រុកលំផាត់ នារសៀលថ្ងៃទី១៧ ខែតុលា ឆ្នាំ២០២១នេះ ខណៈដែលភ្លៀងនៅតែបន្តធ្លាក់ឥតឈប់ឈរ ជាហេតុបណ្តាលឱ្យទឹកទន្លេស្រែពក កំពុងហក់ឡើងជិតដល់កម្រិតប្រកាសអាសន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអភិបាលខេត្តបានដាក់ចេញនូវបទបញ្ជា ក៏ដូចជាអំពាវនាវដល់ប្រជាពលរដ្ឋ ដែលរស់នៅតាមបណ្តោយមាត់ទន្លេទាំងអស់ ត្រូវមានស្មារតីប្រុងប្រយ័ត្នខ្ពស់ចំពោះទឹកទន្លេ ដែលកំពុងបន្តហក់ឡើងខ្លាំង និងរកទីទួលមានសុវត្ថិភាព ពិសេសប្រុងប្រយ័ត្នចំពោះកុមារតូចៗ និងមនុស្សចាស់ព្រមទាំងរក្សាអនាម័យឱ្យបានត្រឹមត្រូវ។ ជាងនេះទៅទៀតអាជ្ញាធរមានសមត្ថកិច្ចគ្រប់លំដាប់ថ្នាក់ ត្រូវយកចិត្តទុកដាក់តាមដាន ក្តាប់ព័ត៌មានអំពីស្ថានភាពទឹក ក៏ដូចជា ស្ថានភាពរបស់ប្រជាពលរដ្ឋ ដើម្បីត្រៀមមធ្យោបាយអន្តរាគមន៍បានទាន់ពេលវេលា។

គួរបញ្ជាក់ថា កម្ពុជាបានរងនូវឥទ្ធិពលនៃព្យុះទី១៨ សម្ពាធទាប ធ្វើឱ្យមានភ្លៀងធ្លាក់ជាបន្តបន្ទាប់ បណ្តាលឱ្យទឹកទន្លេស្រែពក និងទន្លេសេសាន ហក់ឡើងជាបន្តបន្ទាប់ជិតដល់ចំណុចប្រកាសអាសន្ន។

ហេតុនេះទាមទារឱ្យប្រជាពលរដ្ឋក្នុងខេត្ត ពិសេសស្រុកដែលនៅតាមមាត់ទន្លេទាំងពីររួមមាន ស្រុកលំផាត់ ស្រុកកូនមុំ ស្រុកអូរយ៉ាដាវ ស្រុកអណ្តូងមាស ស្រុកតាវែង និងស្រុកវើនសៃ ត្រូវបង្កើនស្មារតីប្រុងប្រយ័ត្ន និងត្រៀមបង្ការនូវមធ្យោបាយ សម្ភារចាំបាច់នានា កាត់បន្ថយបាននូវហានិភ័យពីករណីជំនន់ទឹកភ្លៀងដែលអាចកើតឡើងជាយថាហេតុ។

ជាក់ស្តែងទឹកទន្លេស្រែពកទឹកទន្លេ គិតត្រឹមម៉ោង៤ រសៀល ថ្ងៃទី១៧ ខែតុលា ឆ្នាំ២០២១នេះ ទឹកមានកម្ពស់ ១១.៧៤ ម៉ែត្រ ខណៈចំណុចប្រកាសអាសន្ន ១២.៥០ ម៉ែត្រ។ ទន្លេសេសាន ទឹកមានកម្ពស់ ៦.៥៧ ម៉ែត្រ ខណៈចំណុចប្រកាសអាសន្ន ៨.៥០ ម៉ែត្រ៕

អត្ថបទ៖ វុទ្ធឦសាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៥ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម