ព័ត៌មានជាតិ

ទឹកទន្លេទាំងបី ក្នុងខេត្តស្ទឹងត្រែង បានឡើងបន្តិច ខណៈទទួលឥទិ្ធពលព្យុះ

បានផុស

៥ years មុន

នៅ

ថ្ងៃចន្ទ ១៨ តុលា ២០២១

ដោយ

នៅព្រឹកថ្ងៃទី១៨ ខែតុលា ឆ្នាំ២០២១នេះ លោក ប៉ាង ប៉េង ប្រធានមន្ទីរធនធានទឹក និងឧតុនិយមខេត្ត បានប្រកាសថា ទន្លេទាំងបីក្នុងខេត្តស្ទឹងត្រែងមាន ទន្លេមេគង្គ ទន្លេសេកុងនិងទន្លេសេសាន មានសន្ទុះឡើងបន្តិចវិញហើយ។

លោក ប៉ាង ប៉េង ប្រធានមន្ទីរធនធានទឹកខេត្តស្ទឹងត្រែងបានបញ្ជាក់ថា ទន្លេមេគង្គព្រឹកម្សិល ៦.៧៥ម៉ែត្រ ព្រឹកនេះ៧.៣២ម៉ែត្រ ឡើង០.៥៧ម៉ែត្រ ខណៈដែលប្រកាសអាសន្ន១០.៧០ម៉ែត្រ។

ទន្លេសេសានព្រឹកម្សិល៧.៤២ម៉ែត្រ ព្រឹកនេះ៨.០៨ម៉ែត្រ ឡើង (០.៦៦ម៉ែត្រ) ខណៈប្រកាសអាសន្ន១០.៥០ម៉ែត្រ។ ទន្លេសេកុងព្រឹកម្សិល៧.២៤ម៉ែត្រព្រឹកនេះ ៩.៧៨ម៉ែត្រ ឡើង(២.៥៤ម៉ែត្រ)ខណៈប្រកាសអាសន្ន១១.៥០ម៉ែត្រ។

លោកប្រធានមន្ទីរបានបញ្ជាក់បន្ថែមថា ទឹកទន្លេទាំងបីក្នុងខេត្តស្ទឹងត្រែងកាលពីប៉ុន្មាន ថ្ងៃមុនបានស្រក់ចុះ នៅត្រឹមតែជាង៥ម៉ែត្រ បន្ទាប់ពីមានព្យុះនៅបណ្ដាប្រទេសជិតខាង នឹងមានភ្លៀងធ្លាក់ច្រើន ទឹកទន្លេទាំង៣មានការហក់ឡើងជាបន្តបន្ទាប់ មានទន្លេ២ឡើងជាងកន្លះម៉ែត្រ និងទន្លេសេកុងឡើងរហូតជាងពីរម៉ែត្រនៅព្រឹកថ្ងៃទី ១៨តុលានេះ។ លោកបន្តថា ទឹកហក់ឡើងវិញនោះ ដោយសារមានព្យុះ បង្កឲ្យមានភ្លៀងធ្លាក់ច្រើន ព្យុះវាអាចនឹងបញ្ចប់នៅថ្ងៃស្អែក ហើយទឹកផ្នែកខាងលើបានស្រកចុះវិញហើយ វាមិនបង្កឲ្យមានទឹកជំនន់ឬប្រកាសអាសន្ននោះទេ៕