ព័ត៌មានជាតិ

ក្រុមហ៊ុនឯកជនមួយលួចតបណ្តាញខ្សែកាបអុបទិកប្រវែង១៦គីឡូម៉ែត្រ ត្រូវសមត្ថកិច្ចចុះបង្រ្កាប

បានផុស

៥ years មុន

នៅ

ថ្ងៃសៅរ៍ ២៣ តុលា ២០២១

ដោយ

និយ័តករទូរគមនាគមន៍កម្ពុជា(ន.ទ.ក.)សហការជាមួយអគ្គាធិការដ្ឋាននៃក្រសួងប្រៃសណីយ៍និងទូរគមនាគមន៍បានចុះបង្រ្កាបការលួចស្ថាបនាបណ្តាញកាបអុបទិករបស់ក្រុមហ៊ុនមួយដែលតួលេខបឋមមានប្រវែងប្រមាណ១៦គីឡូម៉ែត្រ ដែលស្ថិតនៅទីតាំង៣ផ្សេងគ្នាៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្ដីប្រកាសព័តិមានរបស់និយ័តករទូរគមនាគ មន៍កម្ពុជាដែលចុះផ្សាយកាលពីថ្ងៃទី២១តុលាបានឱ្យដឹងថា ទីតាំង៣ផ្សេងៗគ្នាទាំងនោះរួមមាន (១)នៅ ភូមិត្រពាំងសាប ឃុំត្រពាំងសាប ស្រុកបាទី ខេត្តតាកែវ (២) ភូមិត្រពាំងលៀន ឃុំចំបក់ ស្រុកបាទី ខេត្តតាកែវ និង (៣) ភូមិត្រាំខ្នារឃុំជង្រុក ស្រុកគងពិសី ខេត្តកំពង់ស្ពឺ ហើយជាលទ្ធផលគឺបានរឹបអូសរាល់វត្ថុតាងយកមករក្សាទុក ដើម្បីចាត់ការបន្តនាម នីតិវិធីច្បាប់និងឈានទៅដល់ការឃាត់ខ្លួនបុគ្គលពាក់ព័ន្ធមួយចំនួននិងប្រឆាំងក្រុមហ៊ុនផងដែរ។

ទន្ទឹមនឹងការបង្ក្រាបនេះន.ទ.ក.នឹងបន្តចុះត្រួតពិនិត្យរាល់ការស្ថាបនាបណ្តាញខ្សែកាបអុបទិកនានានៅទូទាំងប្រទេសជាបន្តបន្ទាប់ទៀត ដើម្បីជាធាថាការស្ថាបនាទាំងនោះ ប្រព្រឹត្តិទៅប្រកបដោយ អនុលោមភាពគតិយុត្តនិងបច្ចេកទេស។

តាមសេចក្ដីប្រកាសព័តិមានដដែលបានបន្តទៀតថា «ជានិច្ចកាល ន.ទ.ក. តែងតែជូនដំណឹងនិងណែនាំដល់ប្រតិបត្តិករទូរគមនាគមន៍ទាំងអស់ យកចិត្ត ទុកដាក់ក្នុងការអនុវត្តច្បាប់ឱ្យបានខ្ជាប់ខ្ជួន។ ក៏ប៉ុន្តែប្រតិបត្តិករទូរគមនាគមន៍មួយចំនួន នៅតែបន្តបំពា នច្បាប់យ៉ាង គឃ្លើន។ជាក់ស្ដែងករណីក្រុមហ៊ុននេះ ដែលត្រូវបានបង្ក្រាបនៅថ្ងៃនេះជាដើម»។

ន.ទ.ក. សូមអំពាវនាវសាជាថ្មីដល់ប្រតិបត្តិករទូរគមនាគមន៍ទាំងអស់ គោរពច្បាប់និងបទបញ្ញត្តិពាក់ព័ន្ធ ព្រមទាំងពិនិត្យលក្ខខណ្ឌ ដែលមានចែងក្នុងអាជ្ញាបណ្ណ ឱ្យបានត្រឹមត្រូវមុននឹងធ្វើសកម្មភាពណាមួយ ហើយក្នុងករណី មានភាពស្រពេចស្រពិល អាចស្នើសុំការណែនាំពី ន.ទ.ក. បានគ្រប់ពេល ក្នុងន័យរួមគ្នាលើកកម្ពស់ការធ្វើធុរៈកិច្ច ប្រកបដោយការទទួលខុសត្រូវ និងអនុវត្តទៅតាមលក្ខខណ្ឌអាជ្ញាបណ្ណ ដែលក្រុមហ៊ុនទទួលបាន ចៀសវាងការបំពានទៅដល់អាជ្ញាបណ្ណរបស់ប្រតិបត្តិករដ៏ទៃទៀតនិងធានាបានថា ប្រព័ន្ធទូរគមនាគមន៍ មានដំណើរការល្អប្រសើរដើម្បី បម្រើសេចក្តីត្រូវការជូនដល់សាធារណជន៕

អត្ថបទ៖ សំអឿន