Connect with us

ព័ត៌មានជាតិ

លោក ញឹក ប៊ុនឆៃ៖ បើពុំមានកិច្ចព្រមព្រៀងសន្តិភាពក្រុងប៉ារីសទេ មិនអាចមានអ្វីៗដូចសព្វថ្ងៃនេះឡើយ

បានផុស

នៅ

​តាន​រយៈ​សារលិខិត​ចូលរួម​អបអរសាទរ​ទិវា​រំលឹក​ខួប​លើក​ទី​៣០ នៃ​កិច្ចព្រមព្រៀង​សន្តិភាព​ក្រុងប៉ារីស ២៣ តុលា ១៩៩១-២០២១ លោក ញឹក ប៊ុនឆៃ ប្រធានគណបក្សខ្មែររួបរួមជាតិ បានអះអាងថា បើពុំមានកិច្ចព្រមព្រៀងសន្តិភាពក្រុងប៉ារីសទេ មិនអាច​មាន​អ្វីៗ​ដូច​សព្វថ្ងៃ​នេះឡើយ ដូច្នេះ​ដើម្បី​ប្រយោជន៍​ជាតិខ្មែរ​គ្រប់រូប ទាំង​យុវជន​ជំនាន់​ក្រោយ គប្បី​ត្រូវ​យកចិត្តទុកដាក់​ថែរក្សា​ការពារ សមិទ្ធផល​ដ៏​ថ្លៃថ្លា​នេះ ឲ្យ​ស្ថិតស្ថេរ​គង់វង្ស​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​បើតាម​លោក ញឹក ប៊ុនឆៃ លោក​មាន​មោទនភាព​ក្រៃលែង ដែលមាន​ឱកាស​បាន​ដង្ហែ​អង្គ​សម្តេចឪ សម្តេច​តា ដើម្បី​បុព្វហេតុ​ជាតិ និង​ប្រជាពលរដ្ឋ​ខ្មែរ​យើង ដោយមាន​ការចូលរួម​ពី​សំណាក់​បងប្អូន​ជនរួមជាតិ ក្នុងនោះ​រួមមាន​និស្សិត បញ្ញវន្ត អតីតមន្ត្រី​រាជការ​ស៊ីវិល យោធា កសិករ រួបរួមគ្នា​បង្កើតបាន​ជា​ចលនា​រាជានិយម ដែលមាន​ភក្ដីភាព​ចំពោះ​អង្គ​សម្តេចឪ សម្តេច​តា ដែល​ចេះតែ​រីកចម្រើន​ធំធាត់​ឥតឈប់ឈរ ហើយ​ចលនា​តស៊ូ​រាជានិយម​នេះ នៅ​ទីបំផុត បានធ្វើ​ឲ្យ​មានការ​យកចិត្តទុកដាក់​ខ្លាំងក្លា​ពី​សំណាក់​សហគមន៍ជាតិ និង​អន្តរជាតិ បើក​ទំព័រ​ប្រវត្តិសាស្ត្រ​ថ្មី ជំរុញ​ឲ្យ​មានការ​ជួបចរចា​គ្នា​រវាង​ភាគី​ជម្លោះ​ខ្មែរ​។​

​លោក ញឹក ប៊ុនឆៃ លើកឡើង​ទៀតថា ជំនួប​ដោយផ្ទាល់​រវាង​មេដឹកនាំ នៃ​ភាគី​ជម្លោះ​ខ្មែរ គឺ​សម្តេចព្រះ នរោត្តម សីហនុ និង​សម្តេច ហ៊ុន សែន នៅ​ឆ្នាំ​១៩៨៧ នា​ប្រទេស​បារាំង ក្នុង​ក្រុង​ហ្វែ​រ​អង់​តា​ដឺ​ន័​រ (Fère-en-Tardenois) ជា​ចំណុច​ចាប់ផ្ដើម​វិជ្ជមាន​នាំទៅរក​ជំនួប​ក្រៅផ្លូវការ​ជាច្រើនលើក ក្រោម​ការឧបត្ថម្ភ​គាំទ្រ​ពី​ប្រទេស​ជាច្រើន ជាអាទិ៍​បារាំង ឥណ្ឌូណេស៊ី ថៃឡង់ ជប៉ុន​។​ល​។ ព្រមទាំង​ប្រទេស​ពាក់ព័ន្ធ​នានា ក្រោម​ការសម្របសម្រួល និង​សង្កេតការណ៍ រហូតដល់​មាន​សន្និសីទ​អន្តរជាតិ​នៅ​ប្រទេស​បារាំង ដែល​បានសម្រេច​នូវ​កិច្ចព្រមព្រៀង​សន្តិភាព​ក្រុងប៉ារីស ២៣ តុលា ១៩៩១ គឺជា​កិច្ចព្រមព្រៀង​បញ្ចប់​បញ្ហា​ខ្មែរ ដោយ​សន្តិវិធី និង​គ្រប់​ជ្រុងជ្រោយ រួមមាន​ការគិតគូរ​ពី​ការបោះឆ្នោត​ជាស​កល​ដោយ​សេរី និង​យុត្តិធម៌ រៀបចំ​ដោយ​អាជ្ញាធរ​បណ្តោះអាសន្ន​អង្គការ​សហ​ប្រជា​តិ​នៅ​កម្ពុជា អ៊ុនតាក់ (UNTAC) ត្រួតពិនិត្យ​ការដកថយ​ចេញពី​កម្ពុជា​នូវ​កងទ័ព​បរទេស ធានា​ឯករាជ្យ បូរណភាព អធិបតេយ្យភាព​កម្ពុជា ការស្តារ និង​កសាង​ហេដ្ឋារចនាសម្ព័ន្ធ សេដ្ឋកិច្ច វប្បធម៌ អរិយធម៌ ការធានា​នូវ​សិទ្ធិសេរីភាព​មូលដ្ឋាន​របស់​ប្រជាពលរដ្ឋ​ខ្មែរ​។​ល​។​

​លោក ញឹក ប៊ុនឆៃ អះអាង​ទៀតថា កិច្ចព្រមព្រៀង​សន្តិភាព​ក្រុងប៉ារីស ២៣ តុលា ១៩៩១ ជា​សមិទ្ធផល​ប្រវត្តិសាស្ត្រ ជា​មូលដ្ឋាន កសាង​នូវ​ទំនុកចិត្ត​ដល់​ភាគី​ជម្លោះ និង​បដិបក្ខ​ខ្មែរ​យើង អាច​ផ្សះផ្សារ​ជានា និង​រួបរួម​ជាតិ​ឡើងវិញ នាំមក​នូវ​សន្តិភាព ស្ថិរភាព បើកឱកាស​សម្រាប់​ការអភិវឌ្ឍ​ស្តា និង​កសាង​ហេដ្ឋារចនាសម្ព័ន្ធ​រូបវ័ន្ត សេដ្ឋកិច្ច សង្គម វប្បធម៌ អរិយធម៌​ជាដើម​។ បើ​ពុំមាន​កិច្ចព្រមព្រៀង​សន្តិភាព​ក្រុងប៉ារីស ២៣ តុលា មិនអាច​មាន​អ្វីៗ​ដូច​សព្វថ្ងៃ​នេះឡើយ​។ ដូច្នេះ​ដើម្បី​ឧ​ត្ត​ម​ប្រយោជន៍​ជាតិខ្មែរ​គ្រប់រូប ទាំង​នៅក្នុង​ប្រទេស ទាំង​នៅក្រៅ​ប្រទេស ទាំង​អ្នក​ដែល​ធ្លាប់បាន​ឆ្លងកាត់​ភ្លើងសង្គ្រាម​ជា​បន្តបន្ទាប់ ទាំង​យុវជន​ជំនាន់​ក្រោយ គប្បី​ត្រូវ​យកចិត្តទុកដាក់​ថែរក្សា​ការពារ សមិទ្ធផល​ដ៏​ថ្លៃថ្លា​នេះ ឲ្យ​ស្ថិតស្ថេរ​គង់វង្ស ដោយ​មិនត្រូវ​ឲ្យ​ម​ហិ​ច្ឆិ​តា ការ​លោភលន់ ផលប្រយោជន៍​ផ្ទាល់ខ្លួន បក្សពួក​ខ្លួន អូសទាញ​ឲ្យ​ធ្លាក់ចូល​ក្នុង​គន្លង​ប្រវត្តិសាស្ត្រ​អាប់អួ នៃ​ជម្លោះ​រហូតដល់​បែកបាក់​សាមគ្គី​ជាតិ នាំនូវ​ភ័យន្តរាយ រហូតដល់​ជម្លោះ​ប្រដាប់អាវុធ និង​ភ្លើងសង្គ្រាម ជាដាច់ខាត​។​

​លោក ញឹក ប៊ុនឆៃ បញ្ជាក់ថា រយៈពេល​៣០​ឆ្នាំ​កន្លងទៅ កម្ពុជា​កសាងបាន​ច្បាប់​ជាច្រើន ដើម្បី​ជា​មូលដ្ឋាន​ធានា​យុត្តិធម៌​សង្គម ដែលជា​កត្តា​ចម្បង​ដ៏​សំខាន់ នៃ​ការបញ្ចៀស​ឈ្នួន​កំហឹង និង​នាំទៅរក​អំពើ​ប្រទូស្ត​រាយ​។ បើ​យើង​នាំគ្នា គោរព និង​អនុវត្ត​តាមច្បាប់ ដោយ​ប្រកាន់ខ្ជាប់​ជា​នីតិរដ្ឋ​នោះ​បញ្ហា​ទំនាស់​ផ្ទៃក្នុង​នឹងត្រូវ​កាត់បន្ថយ នាំ​ឲ្យ​មាន​សុខដុមរមណីយ​សង្គម ធានា​ស្ថិរភាព សុវត្ថិភាព​៕

អត្ថបទ៖ កោះ​កែវ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៥ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៤ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

សន្តិសុខសង្គម២២ ម៉ោង មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

Sokha Hotels

ព័ត៌មានពេញនិយម