ព័ត៌មានជាតិ
មនុស្ស៨៦នាក់ នៅខេត្តស្ទឹងត្រែង ត្រូវបានយកសំណាកទៅពិនិត្យនៅវិទ្យាស្ថានប៉ាស្ទ័រ
អ្នកពាក់ព័ន្ធដំបូងចំនួន៧៨នាក់ និងនៅថ្ងៃទី២ ធ្នូនេះ មានចំនួន៨នាក់បន្ថែមទៀត ត្រូវបានគេបញ្ជូនទៅពិនិត្យនៅវិទ្យាស្ថានប៉ាស្ទ័រក្រុងភ្នំពេញ ដើម្បីពិនិត្យរកមេរោគកូវីដ-១៩ ក្នុងព្រឹត្តិការណ៍សហគមន៍២៨វិច្ឆិកា។
លោកវេជ្ជបណ្ឌិត ទន វុទ្ធី អនុប្រធានមន្ទីរសុខាភិបាល និងជាប្រធានក្រុមការងារប្រឆាំង និងជំងឺឆ្លងខេត្តបានឲ្យដឹងថា នៅរសៀលថ្ងៃទី២ ខែធ្នូនេះ ក្រុមការងាររបស់លោកបានយកសំណាក៨នាក់បន្ថែមទៀត ទៅកាន់វិទ្យាស្ថានប៉ាស្ទ័រ ដោយរង់ចាំតែលទ្ធផលប៉ុណ្ណោះ។ រហូតមកដល់ថ្ងៃទី២ ខែធ្នូ មានមនុស្ស៨៦នាក់ហើយ ដែលត្រូវបានក្រុមគ្រូពេទ្យយកសំណាកទៅពិនិត្យ ដោយលើកទី១មានសំណាកចំនួន៧៨ និងលើកទីពីរមានសំណាក៨បន្ថែម។
សូមបញ្ជាក់ផងដែរថា សំណាកទាំង៨៦នាក់ខាងលើ បានយកចេញពីផ្ទះលោក ឡូយ សុផាត អ្នកតំណាងរាស្ត្រមណ្ឌលស្ទឹងត្រែង ចំនួន៤២នាក់ ផ្ទះលោក ម៉ុម សារឿន អភិបាលខេត្តចំនួន៣៣នាក់ មន្ទីរសុខាភិបាល៣នាក់ និងកន្លែងផ្សេងៗចំនួន៨នាក់។
ជាលទ្ធផលសំណាកមនុស្ស៧៨នាក់ដំបូង ចេញលើកទី១ គឺអវិជ្ជមានទាំងអស់រង់ចាំពិនិត្យលើកទី២ទៀត។ ចំណែកសំណាក៨នាក់ថ្មីនេះ ពុំទាន់ចេញលទ្ធផលទេ។ បន្ទាប់ពីមានករណីផ្ទុះមេរោគកូវីដ-១៩ ក្នុងព្រឹត្តិការថ្ងៃ២៨វិច្ឆិកា រដ្ឋបាលខេត្តស្ទឹងត្រែង បានចេញសេចក្តីជូនដំណឹងដល់ប្រជាពលរដ្ឋទាំងអស់ក្នុងខេត្ត ឲ្យមានការប្រុងប្រយ័ត្នខ្ពស់ ជាពិសេសត្រូវគោរពតាមការណែនាំរបស់ក្រសួងសុខាភិបាល ដើម្បីរួមគ្នាបង្ការកុំឲ្យឆ្លង និងរីករាលដាលនូវជំងឺកូវីដ-១៩៕
អត្ថបទ៖ ងិមលីម
សូមចុចអាន៖ នៅសល់វត្ថុសំណាក ៩៦ ទៀត កំពុងវិភាគបន្តរកកូវីដ ១៩ នៅថ្ងៃនេះ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore