ព័ត៌មានជាតិ
ករណីបេក្ខជនមានកម្ដៅលើស ៣៧,៥ អង្សាសេ តើអាចប្រឡងសញ្ញាបត្រ បានទេ?
ការប្រឡងសញ្ញាបត្រមធ្យមសិក្សាបឋមភូមិ ឆ្នាំ២០២១នេះ នឹងចាប់ផ្ដើម នៅថ្ងៃទី១៥ ខែវិច្ឆិកា ឆ្នាំ២០២១ ខាងមុខនេះដដែល ដោយមិនមានការប្រែប្រួល ឬពន្យារពេលឡើយ។ ទន្ទឹមពេល កម្ពុជា កំពុងសម្របខ្លួនរស់ក្នុងបរិបទកូវីដ១៩ ករណីរកឃើញបេក្ខជនមានកម្ដៅលើសពី ៣៧,៥ អង្សាសេ តើអាចប្រឡងសញ្ញាបត្រ បានទេ?
លោក រស់ សុវាចា អ្នកនាំពាក្យក្រសួងអប់រំ យុវជន និងកីឡា មានប្រសាសន៍ប្រាប់ “កម្ពុជាថ្មី” នៅរសៀលថ្ងៃទី៥ ខែវិច្ឆិកានេះថា ក្នុងករណីរកឃើញបេក្ខជនមានកម្ដៅលើសពី ៣៧,៥ អង្សាសេ ក្រុមការងារនៃមណ្ឌលប្រឡងនោះត្រូវ វាស់ស្ទង់កម្ដៅម្ដងទៀតជាលើកទី២ ក្រោយរយៈពេល៥នាទី និងអនុញ្ញាតឱ្យចូលបន្ទប់ប្រឡង និងកន្លែងបំពេញភារកិច្ចរបស់ខ្លួន ប្រសិនបើកម្ដៅចុះធម្មតាវិញ។
លោក រស់ សុវាចា បញ្ជាក់បន្តថា ករណីដែលស្ទង់កម្ដៅលើកទី២ នៅតែខ្ពស់លើសពី ៣៧,៥ អង្សាសេដដែល ចំពោះបេក្ខជនត្រូវបញ្ជូនគាត់ទៅបន្ទប់ប្រឡងដាច់ដោយឡែកដែលបានត្រៀមបម្រុងទុក ដោយរក្សាលេខតុ លេខបន្ទប់ដដែល និងបញ្ជូនសន្លឹកកិច្ចការរបស់បេក្ខជនដាក់នៅក្នុងដុំកិច្ចការបេក្ខជននៅបន្ទប់ដើម តាមម៉ោងមុខវិជ្ជានីមួយៗ។
អ្នកនាំពាក្យក្រសួងអប់រំ យុវជន និងកីឡា រូបនេះបញ្ជាក់បន្ថែមថា ប្រើប្រាស់ស្រោមដៃនៅពេលដំណើរការឆែកឆេរសំណៅឯកសារ និងឧបករណ៍ហាមឃាត់ មុនពេលចូលមណ្ឌលប្រឡង ឬបន្ទប់ប្រឡង ការប្រមូល និងវេចខ្ទប់សន្លឹកកិច្ចការបេក្ខជនដែលមានកម្ដៅលើសពី ៣៧,៥ អង្សាសេ និងបេក្ខជនដែលស្ថិតក្នុងកំឡុងពេលចត្តាឡីស័ក។
គួរបញ្ជាក់់ថា នៅរសៀលនេះ ក្នុងគោលដៅធានាសុវត្ថិភាព និងសុខភាពដល់គណៈមេប្រយោគ គណៈកម្មការនានា និងបេក្ខជននៅអំឡុងពេលប្រឡងសញ្ញាបត្រមធ្យមសិក្សាបឋមភូមិ សម័យប្រឡង នៅថ្ងៃទី១៥ ខែវិច្ឆិកា ឆ្នាំ២០២១ និងស្របតាមការណែនាំរបស់ក្រសួងសុខាភិបាល ក្រសួងអប់រំ យុវជន និងកីឡាបានចេញសេចក្ដីណែនាំអំពី វិធានការសុវត្ថិភាព និងសុខភាពដល់គណៈកម្មការប្រឡងនៅតាមគ្រឹះស្ថានសិក្សានីមួយៗ នៅមុនដំណើរការសំណេរ និង ក្នុងពេលដំណើរការសំណេរ៕
អត្ថបទ៖ ច័ន្ទ វីរៈ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល