Connect with us

ព័ត៌មានជាតិ

ឆ្នាំនេះបេក្ខជនចូលរួមប្រឡងឌីប្លូម នៅភ្នំពេញ ថយចុះជាង ៥ពាន់នាក់

បានផុស

នៅ

ប្រធានមន្ទីរអប់រំយុវជននិងកីឡា រាជធានីភ្នំពេញ មានប្រសាសន៍ថា ការប្រឡងសញ្ញាបត្រមធ្យមសិក្សាបឋមភូមិ ឬឌីប្លូមដែលនឹងប្រព្រឹត្តិទៅនៅថ្ងៃទី ១៥ វិច្ឆិកា ខាងមុខ មានបេក្ខជនចូលរួមប្រឡងចំនួន ១៥៨៥៨នាក់ និងមាន ៦៦៤មណ្ឌល ចែកជា ៦៣បន្ទប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហែម ស៊ីណារ៉េត ប្រធានមន្ទីរអប់រំយុវជននិងកីឡា រាជធានីភ្នំពេញ បានឱ្យដឹងនៅព្រឹកថ្ងៃទី០៩ វិច្ឆិកានេះថា ចំនួនបេក្ខជនចូលរួមប្រឡងឆ្នាំនេះ បើប្រៀបធៀបទៅនឹងឆ្នាំ២០២០កន្លងទៅ ឃើញថាមានការថយចុះចំនួន ៥៦៧៤នាក់ ខណៈឆ្នាំមុនមានបេក្ខជនចូលរួមប្រឡងចំនួន ២១៥៣២នាក់។

ប្រធានមន្ទីររូបនេះបានបញ្ជាក់ថា មូលហេតុដែលនាំឱ្យបេក្ខជនឆ្នាំនេះមានការថយចុះគឺដោយសារតែឆ្នាំនេះមិនមានការចូលរួមប្រឡងពីសិស្សសាលាឯកជនទេ ព្រោះសាលាឯកជនបានប្រឡងខ្លួនឯងរួចហើយ។ ប្រសិនបើមានការចូលរួមពីសាលាឯកជន ក៏ចំនួនបេក្ខជនប្រឡងមានចំនួនប្រហាក់ប្រហែលនឹងឆ្នាំទៅដែរ។

ដោយឡែក លោក រស់ សុវាចា អ្នកនាំពាក្យក្រសួងអប់រំយុវជននិងកីឡា មានប្រសាសន៍ថា ឆ្នាំនេះមានបេក្ខជនដាក់ពាក្យប្រឡងសញ្ញាបត្រមធ្យមសិក្សាបឋមភូមិ ចំនួន ១៦២ ៥៨៩នាក់ សិស្សស្រី ៨៧៨៧១នាក់ ចែកជា ១៧២២មណ្ឌល និង ៧៣២៧បន្ទប់ នៅទូទាំងប្រទេស។

គួរបញ្ជាក់ថា ការប្រឡងឌីប្លូមនៅឆ្នាំនេះនឹងប្រព្រឹត្តិទៅនៅថ្ងៃទី ១៥ខែ វិច្ឆិកា ចំណែកការប្រកាសលទ្ធផលប្រឡងធ្វើឡើងនៅ ថ្ងៃទី២២ ខែវិច្ឆិកាឆ្នាំ២០២១ ខណៈឆ្នាំមុនរដ្ឋាភិបាលបានប្រកាសឱ្យជាប់ជាស្វ័យប្រវត្តិចំពោះបេក្ខជនដែលបានដាក់ពាក្យប្រឡង បើទោះបីជាក្រសួងបានរៀបចំការប្រឡងក៏ដោយ៕

អត្ថបទ៖ សំអឿន

ចុចអាន៖ ក្រសួង​នឹង​ចេញ​សេចក្ដីណែនាំ​លម្អិត​ស្តីពី​ការរៀបចំ​ដំណើរការ ការប្រឡង​បាក់​ឌុប​នាពេល​ឆាប់ៗ​នេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១០ នាទី មុន

ក្រោយត្រូវមិត្តប្រុសស្គាល់គ្នា១០ឆ្នាំបោះបង់ចោល Fan Bingbing វិលមកវិញកាន់តែខ្លាំង

ព័ត៌មានជាតិ១៩ នាទី មុន

​ចរាចរប្រាក់រៀល​កើនឡើង ១៥ ភាគរយ​ ក្នុងមួយឆ្នាំ​ នាអំឡុង២ទសវត្សរ៍ចុងក្រោយ​

សន្តិសុខសង្គម៣២ នាទី មុន

អភិបាលរងខេត្តស្វាយរៀង២រូប ចុះធ្វើបច្ចុប្បន្នភាព​ការបង្ក្រាបល្បែងស៊ីសងខុសច្បាប់ នៅក្រុងបាវិត 

ព័ត៌មានជាតិ៤៥ នាទី មុន

ប្រមុខការទូតខ្មែរ៖ កិច្ចសហប្រតិបត្តិការមេគង្គ-ឡានឆាង នឹងបន្តជាវិជ្ជមានជាមួយយន្តការអនុតំបន់មេគង្គដទៃទៀត

ជីវិតកម្សាន្ដ១ ម៉ោង មុន

អ៊ីណូ បង្ហាញឆន្ទៈជួយផ្សព្វផ្សាយផលិតផលកសិករខ្មែរដោយមិនគិតថ្លៃ

Sokha Hotels

ព័ត៌មានពេញនិយម