ព័ត៌មានជាតិ
កម្ពុជាត្រៀមលក្ខណៈរួចហើយក្នុងការបញ្ជូនពលករទៅធ្វើការស្របច្បាប់នៅប្រទេសថៃ
កម្ពុជាបានត្រៀមរួចរាល់ហើយក្នុងការបញ្ជូនពលករទៅធ្វើការស្របច្បាប់នៅប្រទេសថៃ ខណៈថៃត្រៀមគ្រោងបើកច្រកព្រំដែនឡើងវិញ ដើម្បីទទួលពលករមកពីប្រទេសជិតខាងរួមមាន កម្ពុជា មីយ៉ានម៉ា និងឡាវ។
លោក អន ប៊ុនហាក់ ប្រធានសមាគមទីភ្នាក់ងារហត្ថពលកម្មកម្ពុជាបានឲ្យដឹងនៅព្រឹកថ្ងៃទី១០ ខែវិច្ឆិកានេះថា «ខ្ញុំបានទទួលដំណឹងមកថា ភាគីថៃមានគម្រោងបើកទទួលយកពលករMOUកម្ពុជាទៅធ្វើការនៅប្រទេសថៃ ប៉ុន្តែនៅមិនទាន់មាននីតីវិធីច្បាស់លាស់នៅឡើយទេ។ យើងទទួលបាននីតីវិធីពង្រាងរបស់ថៃដែរតែត្រូវឆ្លងកាត់គណរដ្ឋមន្ត្រីថៃនិងគណៈកម្មការប្រយុទ្ធប្រឆាំងកូវីដជាមុនសិន ទើបគេសម្រេច»។
លោកប្រធានសមាគមបានបន្តថា យើងកំពុងរង់ចាំការជូនដំណឹងពីភាគីថៃសិន ហើយមានការងារមួយចំនួនត្រូវធ្វើការពិភាក្សាជាមួយភាគីថៃក៏ដូចជាសមាគមថៃទៅលើពលករដែលរៀបចំឯកសាររួចរាល់ហើយតើវីសាដែលមានត្រូវធ្វើយ៉ាងមិចខណៈបច្ចុប្បន្នមានពលករមានវីសាហើយចំនួន៩ពាន់នាក់។
លោកប្រធានសមាគមបានបន្តទៀតថា នៅសល់៩ពាន់នាក់នេះដោយសារតែរង់ចាំយូរកន្លងមកមានពលករមួយចំនួនដែលបានចុះឈ្មោះទៅធ្វើការនៅប្រទេសថៃ៣០ទៅ៥០ភាគរយបានលួចចូលទៅក្នុងប្រទេសថៃហើយមានខ្លះចូលបាននិងខ្លះទៀតត្រូវតម្រួតថៃចាប់បញ្ជួនត្រឡបមកវិញ។
លោក អន ប៊ុនហាក់ បានបន្ថែមថា ពលករដែលអាចទៅធ្វើការនៅប្រទេសថៃត្រូវមានលក្ខខណ្ឌមួយចំនួនដូចជាត្រូវមានកាតចាក់វ៉ាក់សាំងដែរបញ្ហានេះពលករយើងមិនមានបញ្ហានោះទេព្រោះថា ពលករបានចាក់វ៉ាក់សាំងរួចហើយនិងការធ្វើតេស្តរកជំងឺកូវីដ១៩រយៈពេល៧២ម៉ោងតាមម៉ាស៊ីនPCRដើម្បីបញ្ជាក់វិញ្ញាបនបត្រថាមិនមានឆ្លងជំងឺកូវីដ១៩ដែលពលករត្រូវចេញថ្លៃតេស្តខ្លួនឯង។
លោក អន ប៊ុនហាក់ បានបន្ថែមទៀតថា ប៉ុន្តែពេលចូលទៅដល់ប្រទេសថៃមិនតម្រូវឱ្យពលករបង់ទេជាកាតព្វកិច្ចរបស់និយោជកថៃត្រូវបង់ជំនួសទាំងការធ្វើតេស្តនិងចេញថ្លៃព្យាបាលប្រសិនបើពលករនោះមានវិជ្ជមានកូវីដ១៩។
លោក Pairote Chotikasathien មកពីក្រសួងការងារថៃបានមានប្រសាសន៍ថា ប្រទេសថៃគ្រោងបើកច្រកព្រំដែនឡើងវិញដើម្បីទទួលពលករមកពីប្រទេសជិតខាងនានា គឺកម្ពុជា មីយ៉ានម៉ា និងឡាវក្នុងគោលបំណងបន្ធូរបន្ថយភាពខ្វះខាតកម្លាំងពលកម្មដែលធ្វើឲ្យប៉ះពាល់ដល់ការនាំចេញរបស់ខ្លួន និងសេដ្ឋកិច្ចដែលពឹងផ្អែកលើវិស័យទេសចរណ៍។
បើតាមលោក Pairote Chotikasathienបានធ្វើការប៉ាន់ស្មានថាបច្ចុប្បន្ននេះប្រទេសលោកត្រូវការពលរបរទេសចំនួន៤២០.០០នាក់ដែលភាគច្រើនក្នុងការងារសំណង់ រោងចក្រ និងឧស្សាហកម្មអាហារសមុទ្រ៕
អត្ថបទ៖ សំអឿន
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
សន្តិសុខសង្គម១ សប្តាហ៍ agoបង្ហាញមុខក្រុមជនដៃដល់សម្លាប់នារីភេទទី៣ និងអ្នកបើកតាក់ស៊ី រួចបញ្ជូនទៅកាន់តុលាការ