ព័ត៌មានជាតិ
មិនខំប្រឹងរៀនសូត្របែជានាំគ្នាទៅបង្ហោះម៉ូតូត្រូវសមត្ថកិច្ចឃាត់ខ្លួនយកទៅអប់រំ
ខេត្តកណ្តាល ៖ ក្រុមក្មេងសិស្សសាលាចំនួន០៤នាក់ដែលធ្វើសកម្មភាពបង្ហោះម៉ូតូប្រសេកប្រសាច ពេញដងផ្លូវត្រូវបានសមត្ថកិច្ចប៉ុស្តិ៍នគរបាលរដ្ឋបាលដីឥដ្ឋឃាត់ខ្លួនក្រោយពីធ្វើសកម្មភាពបង្ហោះ ម៉ូតូលើដងផ្លូវសាធារណះ។
ការឃាត់ខ្លួននេះបានធ្វើឡើងនៅថ្ងៃទី០៣ខែធ្នូ ឆ្នាំ២០២០វេលាម៉ោង១៣:និង០០នាទី នៅចំណុចផ្លូវ មជ្ឈមណ្ឌលកម្សាន្តព្រីនស៍ម៉ាណ័រ ភូមិដីឥដ្ឋកោះផុស២ ឃុំដីឥដ្ឋ ស្រុកកៀនស្វាយ ខេត្ត កណ្តាល។
ក្រុមក្មេងសិស្សសាលាទាំងនោះរួមមាន៖ទី១.ឈ្មោះ ផន ប្រាក់ ភេទប្រុស អាយុ១៣ឆ្នាំ ជនជាតិខ្មែរ មុខរបរសិស្ស។ទី២.ឈ្មោះ ច័ន្ទ រ៉ូហ៊ាន ភេទប្រុស អាយុ១៦ឆ្នាំ ជនជាតិខ្មែរមុខរបរនៅផ្ទះ។
ទី៣.ឈ្មោះ លី រតនះ ភេទប្រុស អាយុ១៦ឆ្នាំ ជនជាតិខ្មែរ មុខរបរសិស្ស។ទី៤.ឈ្មោះ ផាន់ វេហា ភេទប្រុស អាយុ១៦ឆ្នាំ ជនជាតិខ្មែរមុខរបរសិស្ស។ ក្មេងសិស្សសាលាទាំង០៤នាក់នេះមានទីលំនៅ ភូមិពពាលខែ២ ឃុំដីឥដ្ឋ ស្រុកកៀនស្វាយ ខេត្តកណ្តាល។
ចំណែកវត្ថុតាងដែលដកហូតមានម៉ូតូចំនួន០២គ្រឿង ម៉ាកHONDA.Dream.C125 ស៊េរី2014 ពណ៌ ខ្មៅ ពាក់ស្លាកលេខភ្នំពេញ1CI 7990 ។ និងម៉ូតូមួយគ្រៀងទៀតម៉ាកSUZUKI.ViVA ពណ៌ខ្មៅ ពាក់ ស្លាកលេខភ្នំពេញ1X 6441។
សមត្ថកិច្ចបានអោយដឹងថា មុនពេលឈានដល់ការឃាត់ខ្លួនក្រុមក្មេងទាំងនេះ កម្លាំងសមត្ថកិច្ច បានទទួលព័ត៍មានពីប្រជាពលរដ្ឋថាមានសកម្មភាពក្រុមក្មេងៗកំពុងបង្ហោះម៉ូតូនៅចំណុចផ្លូវ មជ្ឈមណ្ឌលកម្សាន្តព្រីនស៍ម៉ាណ័រ ក្រោយពីទទួលបានព័ត៍មានភ្លាម សមត្ថកិច្ចនគរបាលប៉ុស្តិ៍ដីឥដ្ឋ បានចុះដល់កន្លែងកើតហេតុ បានឃើញសកម្មភាពក្មេងទាំងនោះកំពុងបង្ហោះម៉ូតូពិតប្រាកដមែន ភ្លាមនោះកម្លាំងនគរបាលប៉ុស្តិ៍បាននាំខ្លួនក្រុមក្មេងៗទាំងអស់នោះ យកមកសួរនាំនៅស្នាក់ការប៉ុស្តិ៍ តែម្ដង។
ក្រោយពីសួរនាំរួចកម្លាំងជំនាញផ្នែកយុត្តិធម៍ស្រុកកៀនស្វាយ បានបញ្ចូនក្រុមក្មេងទាំង០៤នាក់នេះ ទៅអធិការដ្ឋាននគរបាលស្រុកកៀនស្វាយ ដើម្បីធ្វើកិច្ចសន្យាអប់រំណែនាំ នឹងអោយអាណាព្យា បាលក្មេងទាំងនោះធ្វើលិខិតធានាយកកូនទៅអប់រំណែនាំបន្ថែមទៀត៕
អត្ថបទ៖ សុខុម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ