សន្តិសុខសង្គម
ចាប់បានឃាតករំលោភសម្លាប់ស្ត្រីពោះធំ ៥ ខែ ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ នៅខេត្តកណ្ដាល
សមត្ថកិច្ចចាប់បានហើយឃាតករំលោភស្ត្រីពោះធំ ៥ ខែ សម្លាប់ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ កាលពីវេលាម៉ោងប្រមាណ ១៣ និង ៤៥ នាទី ថ្ងៃទី ១៤ ខែមករា ឆ្នាំ ២០២៤ និងប្រទះឃើញសាកសពនៅវេលាម៉ោង ១៨ និង ៤០ នាទី ថ្ងៃទី ២១ ខែមករា ឆ្នាំ ២០២៤ កន្លងទៅ ស្ថិតនៅព្រៃខាងជើងភូមិ ប្រហែលជាង ១ គីឡូម៉ែត្រ ភូមិរំលេច ឃុំទួលព្រេជ ស្រុកអង្គស្នួល ខេត្តកណ្ដាល។
បើតាមប្រភព ជនសង្ស័យមានឈ្មោះ ភឹម រតនា ហៅ គាង អាយុ ៣៧ ឆ្នាំ មុខរបរ និងទីលំនៅមិនពិតប្រាកដ ចាប់ខ្លួនបានកាលពីវេលាម៉ោង ១៦ និង ៣៥ នាទី ថ្ងៃទី ៣០ ខែមករា ឆ្នាំ ២០២៤ នៅចំណុចមុខផ្សារឃ្លាំងរំសេវថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ ចំណែកឯនារីរងគ្រោះឈ្មោះ វ៉េង ថារី ហៅ ស្រីម៉ី ភេទស្រី អាយុ ២៦ ឆ្នាំ ជនជាតិខ្មែរ មុខរបរកសិករ រស់នៅភូមិព្រៃល្វា ឃុំពញាឮ ស្រុកពញាឮ ខេត្តកណ្ដាល (ស្លាប់ដោយសាររឹតកនឹងខ្សែអង្រឹង រួចចាក់សាំងដុតចោល)។
ករណីឃាតកម្មនេះ បើតាមការសាកសួរ ជនសង្ស័យ បានសារភាពថា កន្លងមក ខ្លួន និងជនរងគ្រោះ ធ្លាប់មានទំនាក់ទំនងស្នេហាជាមួយគ្នាច្រើនលើកមកហើយ។ ក្នុងនោះ កាលពីព្រឹកថ្ងៃទី ១៤ ខែមករា ឆ្នាំ ២០២៤ កន្លងទៅ មុនកើតហេតុ រូបគេ(ជនសង្ស័យ) បានទូរស័ព្ទហៅនារីរងគ្រោះមករួមភេទជាមួយ ហើយជនរងគ្រោះក៏ព្រមព្រៀងជួប ដោយជិះម៉ូតូមកខ្លួនឯង។ បន្ទាប់មក ជនសង្ស័យខាងលើ ក៏មានគំនិតជាស្រេចថា នឹងសម្លាប់ជនរងគ្រោះដើម្បីយកម៉ូតូ។
ជាមួយគ្នានោះ ក្រោយគិតហើយ ជនសង្ស័យ ក៏បានជិះម៉ូតូចេញដំណើរ ដោយបានឈប់ទិញខ្សែអង្រឹងនៅតាមផ្លូវ រួចក៏មកជួបជនរងគ្រោះនៅផ្លូវ ៤២ តាមការណាត់។ នៅពេលជួបគ្នា ជនសង្ស័យ បានជិះម៉ូតូនារីរងគ្រោះ ម៉ាកហុងដាប៊ីត ពណ៌ខៀវលាយស ស្លាកលេខ 1KI-2858 ឌុបជនរងគ្រោះចូលផ្ទះសំណាក់ “សួគ៌ា” (នៅភ្នំបាសិត)។ ប្រហែល ១ ម៉ោង ក្រោយមក បន្ទាប់ពីរួមភេទជាមួយគ្នាហើយ ជនសង្ស័យ ក៏ឌុបជនរងគ្រោះចេញពីផ្ទះសំណាក់ ជិះទៅរកកន្លែងស្ងាត់ ដើម្បីធ្វើសកម្មភាពសម្លាប់។ លុះពេលមកដល់ព្រៃកន្លែងកើតហេតុ ជនសង្ស័យ ក៏ឈប់ម៉ូតូ ហើយធ្វើជាអង្គុយនិយាយគ្នាលេង។ នៅពេលជនរងគ្រោះកំពុងអង្គុយភ្លេចខ្លួន ជនសង្ស័យ ក៏យកខ្សែអង្រឹងដែលត្រៀមទុកក្នុងហោប៉ៅខោរួចជាស្រេច មកធ្វើសកម្មភាពទាក់រឹតកនាងពីក្រោយ ហើយទាញបង្វិលផ្កាប់មុខមិនឲ្យរើបម្រាស់ដាច់ខ្យល់ស្លាប់ភ្លាមៗ។
ទន្ទឹមនោះ ក្រោយពីធ្វើសកម្មភាពខាងលើហើយ ជនសង្ស័យ ក៏យកខ្សែទាក់កជនរងគ្រោះអូសចូលទៅក្នុងព្រៃ ប្រហែល ៣០ ម៉ែត្រ ដោយប្រមូលស្មៅ និងមែកឈើងាប់ៗ ក្បែរនោះ គ្របលើសពនារីរងគ្រោះ។ បន្ទាប់មកទៀត ជនសង្ស័យ ក៏បានជិះម៉ូតូជនរងគ្រោះទៅទិញសាំង និងដែកកេះ នៅតូបលក់ក្នុងភូមិ ដោយយកសាំងមកស្រោចលើសព ហើយកេះដែកកេះដុតតែម្ដង។ ភ្លាមៗ នោះដែរ ជនសង្ស័យ ក៏បានយកម៉ូតូជនរងគ្រោះជិះគេចខ្លួនបាត់យកទៅលក់នៅភ្នំពេញតែម្ដង។
សូមបញ្ជាក់ថា ករណីឃាតកម្មគិតទុកជាមុន រំលោភស្ត្រីពោះធំ ៥ ខែ សម្លាប់ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ បានកើតឡើងកាលពីវេលាម៉ោងប្រមាណ ១៣ និង ៤៥ នាទី ថ្ងៃទី ១៤ ខែមករា ឆ្នាំ ២០២៤ និងប្រទះឃើញសាកសពនៅវេលាម៉ោង ១៨ និង ៤០ នាទី ថ្ងៃទី ២១ ខែមករា ឆ្នាំ ២០២៤ កន្លងទៅ ស្ថិតនៅព្រៃខាងជើងភូមិ ប្រហែលជាង ១ គីឡូម៉ែត្រ ភូមិរំលេច ឃុំទួលព្រេជ ស្រុកអង្គស្នួល ខេត្តកណ្ដាល៕
អត្ថបទ ៖ ពិសី
ស្លាប់ហោចណាស់ ៤៤នាក់ ក្រោយអ៊ីស្រាអែលផ្លោងគ្រាប់ដាក់ហ្គាហ្សា
ចូលរួមបរិច្ចាគឈាមដោយស្ម័គ្រចិត្ត ក្នុងយុទ្ធនាការ «បរិច្ចាគឈាមសង្គ្រោះជីវិត»
ត្រជាក់ភ្នែក! BTV ដាក់កាមេរ៉ាធំ១០គ្រឿងភ្ជាប់ VAR វគ្គផ្តាច់ព្រ័ត្រ AFC Challenge League
រុស្ស៊ីគំរាមម្តងទៀត! សង្គ្រាមលោកលើកទី៣ អាចផ្ទុះ បើណាតូ ហ៊ានបញ្ជូនទ័ពទៅ អ៊ុយក្រែន
អាជ្ញាធរខណ្ឌឫស្សីកែវ ដឹកនាំមន្ត្រីចុះពិនិត្យមើលវឌ្ឍនភាពការដ្ឋានសាងសង់ ប្រព័ន្ធលូបង្ហូររំដោះទឹក
សមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
ក្មេងស្រីអាយុ៤ឆ្នាំលក់ផ្កា៖ សម្ដេចតេជោ ស្នើកុំវែកញែករឿងកេងប្រវ័ញ្ចពលកម្មកុមារ មុនរឿងក្រពះ និងបញ្ហាគ្រួសារ
Breaking News៖ អគ្គិភ័យកំពុងឆេះឃ្លាំងស្តុកម៉ាស៊ីនត្រជាក់នៅខណ្ឌច្បារអំពៅ
ប៉ូឡូញ ចល័តយន្តហោះចម្បាំងយ៉ាងបន្ទាន់បំផុត ក្រោយរុស្ស៊ី វាយអ៊ុយក្រែន កៀកព្រំដែនខ្លួន
លោក ទីវ តារារិទ្ធ ត្រូវបង្ខំចិត្តវិលមកកម្ពុជាវិញភ្លាមៗ ព្រោះតែលក្ខខណ្ឌតម្រូវស្នើសុំ Visa
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានអន្ដរជាតិ១ សប្តាហ៍ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានជាតិ១៩ ម៉ោង agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ១ សប្តាហ៍ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សន្តិសុខសង្គម១ ថ្ងៃ agoនគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម