ព័ត៌មានជាតិ
អ្នកដំណើរចាក់វ៉ាក់សាំងរួច កំពុងធ្វើចត្តាឡីស័ក ត្រូវអនុញ្ញាតឱ្យចេញចាប់ពីថ្ងៃនេះតទៅ
លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលបានអះអាងថា អ្នកដំណើរដែលបានចាក់វ៉ាក់សាំងកូវីដ-១៩ ពេញលេញ ហើយកំពុងធ្វើចត្តាឡីស័កនៅតាមមណ្ឌលចត្តាឡីស័ក, សណ្ឋាគារ និងគេហដ្ឋាន នៅទូទាំងប្រទេស ដែលមិនមានវិជ្ជមានកូវីដ-១៩ ត្រូវអនុញ្ញាតឲ្យចេញពីការធ្វើចត្តាឡីស័ក ចាប់ពីថ្ងៃ១៥ ខែវិច្ឆិកា ឆ្នាំ២០២១ នេះតទៅ។
តាមរយៈសេចក្ដីប្រកាសព័ត៌មានរបស់ក្រសួងសុខាភិបាល ចេញកាលពីយប់ថ្ងៃទី១៤វិច្ឆិកា លោករដ្ឋមន្ត្រីបានបញ្ជាក់ថា ចំណែកអ្នកដំណើរចូលមកប្រទេសកម្ពុជាទាំងបរទេស និងខ្មែរ ដែលបានចាក់វ៉ាក់សាំងគ្រប់ចំនួនរួចរាល់ មិនតម្រូវឲ្យធ្វើចត្តាឡីស័កផងដែរ។ លោករដ្ឋមន្ត្រីបានបន្តថា បើទោះបីមិនតម្រូវឲ្យធ្វើចត្តាឡីស័ក សម្រាប់អ្នកចាក់វ៉ាក់សាំងហើយក៏ពិតមែន ប៉ុន្ដែត្រូវបំពេញកាតព្វកិច្ចមួយទៀត គឺការយកសំណាកដោយប្រើប្រាស់ឧបករណ៍តេស្ដរហ័សនៅក្នុងរយៈពេល១៥ទៅ២០នាទី។ បន្ទាប់ពីលទ្ធផលតេស្តអវិជ្ជមាន បុគ្គលនោះអាចធ្វើដំណើរបានដោយសេរីនៅទូទាំងប្រទេសកម្ពុជា ដោយមិនកម្រិតតំបន់ឬខេត្តក្រុងនោះទេ និងមិនតម្រូវឱ្យធ្វើចត្តាឡីស័កឡើយ។ លោករដ្ឋមន្ត្រីបានបញ្ជាក់ថា ចំពោះអ្នកដំណើរ ដែលមិនបានចាក់វ៉ាក់សាំងហើយធ្វើដំណើរចូលមកប្រទេសកម្ពុជា ត្រូវឆ្លងកាត់ការធ្វើតេស្តរកកូវីដ១៩ ដោយម៉ាស៊ីនPCRនិងត្រូវធ្វើចត្តាឡីស័ករយៈពេល១៤ថ្ងៃស្របទៅតាមនីតិវិធីជាធរមាន។
ការចេញសេចក្ដីប្រកាសព័ត៌មានខាងលើនេះ របស់ក្រសួងសុខាភិបាល ធ្វើឡើងបន្ទាប់ពីមានការសម្រេចរបស់សម្ដេចតេជោ ហ៊ុន សែន តាមរយៈសារសំឡេង ដែលបានអនុញ្ញាតឲ្យផ្សព្វផ្សាយជាសាធារណៈ នៅល្ងាចថ្ងៃទី១៤ ខែវិច្ឆិកា ឆ្នាំ២០២១នេះ។
តាមរយៈសារសំឡេងពិសេសកាលពីរសៀលថ្ងៃម្សិលមិញ សម្តេចតេជោ ហ៊ុន សែន បានមានប្រសាសន៍ថា យើងចាំបាច់កែប្រែការអនុវត្តការធ្វើចត្តាឡ័ស័ក ដែលបច្ចុប្បន្នអនុវត្តចំពោះអ្នកចាក់វ៉ាក់សាំងបានពីរដូសពេលមកដល់កម្ពុជា ត្រូវធ្វើចត្តាឡីស័កចំនួន៧ថ្ងៃ។ ចំណែកធុរជន និងគណៈប្រភូខ្មែរត្រឡប់មកពីបរទេសធ្វើ៣ថ្ងៃ និងត្រៀមអនុវត្តចំពោះអ្នកទេសចរវ៉ាក់សាំងត្រូវធ្វើ៥ថ្ងៃនៅតំបន់ដែលខ្លួនស្នាក់នៅ។
សម្តេចតេជោបានបន្តថា សម្រាប់អ្នកដែលចាក់វ៉ាក់សាំងរួចទាំងជនជាតិខ្មែរ និងបរទេសចូលមកកម្ពុជាធ្វើដំណើរតាមផ្លូវអាកាស ផ្លូវទឹកនិងផ្លូវគោកមិនតម្រូវឱ្យធ្វើចត្តាឡីស័កទៀតទេ ប៉ុន្តែត្រូវយកសំណាករកមេរោគកូវីដ១៩ ដោយឧបករណ៍តេស្តរហ័សដោយត្រូវរង់ចាំត្រឹម១៥ទៅ២០នាទីប៉ុណ្ណោះ។ បើលទ្ធផលតេស្តអវិជ្ជមាន បងប្អូនមានលទ្ធភាពចេញដំណើរទៅកាន់កន្លែងណាមួយក្នុងក្របខណ្ឌទូទាំងប្រទេស ដោយគ្មានការកំណត់ទៅតាមចំណង់ចំណូលចិត្តតែម្តង។
សម្តេចបានបន្តថា ចំពោះអ្នកដែលមិនបានចាក់វ៉ាក់សាំងត្រូវធ្វើធ្វើចត្តាឡីស័ក១៤ថ្ងៃ និងធ្វើតេស្តដោយម៉ាស៊ីនPCRដដែល។ សម្តេចបានបញ្ជាក់ថា ការអនុវត្តនេះ ដោយគ្មានការរើសអើងទាំងបងប្អូនខ្មែររស់នៅបរទេស អ្នកធុរកិច្ច ជនបរទេស គឺអនុវត្តដូចៗគ្នា។
ជាមួយគ្នានេះដែរ សម្តេចបានស្នើដល់ក្រសួងទេសចរណ៍ក្រសួងសុខាភិបាល ក៏ដូចជាផ្នែកពាក់ព័ន្ធនានាអនុវត្តវិធានការនេះ ចាប់ពីថ្ងៃទី១៥ខែវិច្ឆិកាឆ្នាំ២០២១នេះតទៅ៕
អត្ថបទ៖ សំអឿន
ភរិយាលោក Zelensky អះអាងថា ប្រជាជនអ៊ុយក្រែនត្រៀមខ្លួនរងទុក្ខរួចរាល់ហើយ
មហាសេដ្ឋីទី៦ លើពិភពលោក សុខចិត្តយកទ្រព្យសម្បត្តិបរិច្ចាគ មិនផ្ទេរមរតកឱ្យកូនដាច់ខាត
តារាថៃ ៣រូប ជាប់ចំណាត់ថ្នាក់ស្រីស្អាត-ប្រុសសង្ហាលើសគេ ប្រចាំឆ្នាំ២០២២
អភិបាលរងខេត្តស្វាយរៀង អំពាវនាវពលរដ្ឋប្រឈមឆ្លងមេរោគអេដស៍ ត្រូវស្វែងរកសេវាផ្តល់ប្រឹក្សា
តួលោកតា ០០១ ក្នុងរឿង “Squid Games” ត្រូវចាប់ខ្លួនពីបទបៀតបៀនផ្លូវភេទ
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
KPT+៦ ថ្ងៃ មុនព្រះអនុជស្ដេចស៊ុលតង់ ព្រះអង្គម្ចាស់ Jefri Bolkiah ក្សត្រហ៊ានចំណាយលើវត្ថុថ្លៃៗលើសគេ
-
KPT+១ សប្តាហ៍ មុនរថយន្តកម្របំផុតក្នុងពិភពលោក ៥ គ្រឿងរបស់ស្ដេចស៊ុលតង់ ទ្រង់សព្វព្រះរាជហឬទ័យខ្លាំងបំផុត
-
KPT+៤ ថ្ងៃ មុនព្រះរៀមបង្កើត ៣ អង្គរបស់រាជបុត្រ Abdul Mateen ទ្រង់សុទ្ធតែមានជំនាញខាងកីឡា លំដាប់ប្រទេស
-
កីឡា៦ ថ្ងៃ មុនដឹងទេ បុគ្គល ២ រូប បង្ហាញវត្តមានក្នុងពិធីបើក World Cup យប់មិញ ជានរណា?
-
កីឡា៧ ថ្ងៃ មុនដល់ថ្ងៃប្រកួត World Cup ស្រាប់តែប្រធាន FIFA ក្តៅស្លឹកត្រចៀក ស្តីឲ្យលោកខាងលិចចាស់ដៃ
-
កីឡា៤ ថ្ងៃ មុនគ្រាន់តែបង្ហាញខ្លួននៅក្នុង FIFA World Cup ឆ្នាំនេះ Beckham ទទួលបានចំណូលកប់ពពក
-
កីឡា៣ ថ្ងៃ មុនរឿងចៃដន្យបំផុតក្នុងប្រវត្តិសាស្ត្រ World Cup កើតឡើងត្រឹម ២ថ្ងៃ
-
KPT+១ សប្តាហ៍ មុនក្សត្រ ៦ អង្គ គង់ប្រថាប់ក្នុងប្រទេសព្រុយណេ នៅពេលស្ដេចស៊ុលតង់ ទ្រង់មានព្រះរាជកិច្ចយាងចេញក្រៅ