វ៉ាក់សាំង Sinovac ២លានដូស ជំនួយរបស់រដ្ឋាភិបាល និងប្រជាជនចិន បានមកដល់កម្ពុជាហើយ

វ៉ាក់សាំងបង្ការជំងឺកូវីដ១៩ ប្រភេទ Sinovac ចំនួន២ លានដូស ដែលជាជំនួយរបស់រដ្ឋាភិបាល និងប្រជាជនចិន បានដឹកមកដល់កម្ពុជាហើយនៅម៉ោងប្រមាណជាង១០ និង២៥ នាទីព្រឹកថ្ងៃទី១៧ ខែវិច្ឆិកា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីប្រគល់ និងទទួលវ៉ាក់សាំងនេះ ធ្វើឡើងក្រោមវត្តមានសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាកច្រកម្ពុជា និងលោក វ៉ាង វិនធាន (Wang Wentian) ឯកអគ្គរដ្ឋទូតចិនប្រចាំនៅកម្ពុជា មន្ដ្រីរាជរដ្ឋាភិបាល ក្រសួងសុខាភិបាល ព្រមទាំងអ្នកពាក់ព័ន្ធជាច្រើនរូបទៀត។

គិតត្រឹមថ្ងៃទី១៧ វិច្ឆិកា នេះ កម្ពុជាមានវ៉ាក់សាំងបង្ការជំងឺកូវីដ-១៩ នៅក្នុងដៃ សម្រាប់ចាក់ជូនប្រជាពលរដ្ឋដោយឥតគិតថ្លៃជាង៤០លានដូស។ លើសពីនេះទៀត ប្រទេសចិន បានផ្គត់ផ្គង់វ៉ាក់សាំង ដល់កម្ពុជាច្រើនជាងគេបង្អស់ទាំងជំនួយ និងការបញ្ជាទិញ។ ក្រៅពីនោះមានអង្គការសុខភាពពិភពលោក (WHO) តាមរយៈយន្តការកូវ៉ាក់ ជប៉ុន អង់គ្លេស និងអាមេរិក តាមរយៈកូវ៉ាក់ផងដែរ។ ជាមួយគ្នានោះ រាជរដ្ឋាភិបាលកម្ពុជា បានដាក់ចេញយុទ្ធសាស្ត្រ ចាក់វ៉ាក់សាំងឲ្យបានលឿន តាមដែលអាចធ្វើទៅបាន ៕

អត្ថបទ៖ កោះកែវ