ព័ត៌មានជាតិ
ចេញបញ្ជីឈ្មោះក្រុមហ៊ុនទទួលសិទ្ធិកែចង្កូតរថយន្តខេត្តបន្ទាយមានជ័យ
ខេត្តបន្ទាយមានជ័យ៖ ក្រោយពីរាជរដ្ឋាភិបាលប្រកាសឲ្យរថយន្ត ដែលជ្រកក្រោមផ្លាកលេខរបស់ក្រសួង ស្ថាប័នរដ្ឋ និងផ្លាកលេខផ្សេងៗ ពិសេសរថយន្តចង្កូតស្ដាំចូលខ្លួនបំពេញកាតព្វកិច្ចពន្ធ និងអាករនាំចូលនិងនីតិវិធីប្ដូរចង្កូតស្ដាំមកឆ្វេង ដើម្បីយកទៅអនុវត្តធ្វើការចុះបញ្ជីសម្គាល់យានយន្តឲ្យបានត្រឹមត្រូវស្របច្បាប់ដែលបានកំណត់។
មន្ទីរសាធារណការនិងដឹកជញ្ជូនខេត្តបន្ទាយមានជ័យ បានធ្វើការណែនាំដោយម្ចាស់យានយន្តចង្កូតស្ដាំដែលបានបំពេញកាតព្វកិច្ចពន្ធនិងអាករនាំចូលរួចជាស្ថាពរ ទៅធ្វើការប្ដូរចង្កូតនៅក្រុមហ៊ុនធ្វើអាជីវកម្មប្ដូរចង្កូតស្ដាំមកឆ្វេងដែលមានលិខិតអនុញ្ញាតធ្វើអាជីវកម្មចុះបញ្ជីស្របច្បាប់របស់អគ្គនាយកដ្ឋានដឹកជញ្ជូន នៃក្រសួងសាធារណការនិងដឹកជញ្ជូនដែលមានអាស័យដ្ឋានដូចខាងក្រោម។
១/ក្រុមហ៊ុនអេស.ធី.ភី អ៊ិនធើណេស្រូណល(ខេមបូឌា) ផាប្លិក [ S.T.P International (Cambodia) Public Co.,Ltd ] អាស័យដ្ឋានផ្ទះលេខT168 មហាវិថីព្រះនរោត្តម សង្កាត់ទន្លេបាសាក់ខ័ណ្ឌចម្ការមន រាជធានីភ្នំពេញ មកដាក់សាខាខេត្តបន្ទាយមានជ័យនៅផ្លូវជាតិលេខ៥ ភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ រោងហូបការទល់មុខស្នងការដ្ឋាននគរបាលខេត្តបន្ទាយមានជ័យ បានលើកស្លាកហើយ តែមិនទាន់រៀបចំសម្រាប់ដំណើរការនៅឡើយ។
២/ក្រុមហ៊ុនសុវណ្ណយន្ត (SOVANN YAUN Co.,Ltd) អាស័យដ្ឋានផ្ទះលេខ២៦៥Eo ផ្លូវឧកញ៉ាទេពផន(លេខ១៨២) សង្កាត់ទឹកល្អក់២ខ័ណ្ឌទួលគោក រាជធានីភ្នំពេញ ក្រុមហ៊ុននេះ បានមកលើកស្លាកនៅផ្លូវជាតិលេខ៥ ជាប់របងខាងលិចមន្ទីរសាធារណការនិងដឹកជញ្ជូនខេត្ត ភូមិគាប សង្កាត់ទឹកថ្លា ក្រុងសិរីសោភ័ណ។
៣/ ក្រុមហ៊ុនភីធីអ៊ីម អាស៊ាន (PTM ASIA Co.,Ltd ) អាស័យដ្ឋានផ្ទះលេខ៥៧ ផ្លូវជាតិលេខ៣ សង្កាត់ចោមចៅខ័ណ្ឌដង្កោ រាជធានីភ្នំពេញ ក្រុមហ៊ុននេះ មិនទាន់ទៅលើកស្លាកឬមានទីតាំងខ្លួននៅឡើយ នោះទេ។
អាស្រ័យដូចបានជម្រាបជូនខាងលើសូមបងប្អូនប្រជាពលរដ្ឋសាធារណជនម្ចាស់យានយន្តចង្កូតស្ដាំដែលបានចូលខ្លួនបំពេញកាតព្វកិច្ចពន្ធនិងអាករនាំចូលរួចរាល់សូមអញ្ជើញចូលរួមធ្វើការប្ដូរ ចង្កូតពីស្ដាំមកឆ្វេងដែលមានអាសយដ្ឋានខាងលើដើម្បីធ្វើការចុះបញ្ជីផ្ដល់បណ្ណសម្គាល់យានយន្តជាម្ចាស់កម្មសិទ្ធិស្របច្បាប់។
បញ្ជាក់ថាក្រៅពីក្រុមហ៊ុនដែលបានអនុញ្ញាតខាងលើគឺពុំមានសិទ្ធិក្នុងការប្ដូរចង្កូតពីស្ដាំមកឆ្វេងឲ្យបានស្របច្បាប់នោះទេ៕
អត្ថបទ៖ វ៉ាន់ ណាង
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)