Connect with us

ព័ត៌មានជាតិ

ស្ពាន​កាត់ទន្លេ​តម្លៃ​ជាង ៥៦ លានដុល្លារ​ បើក​សម្ពោធនៅថ្ងៃស្អែកនេះ

បានផុស

នៅ

នៅព្រឹកថ្ងៃទី ២៣ ខែ វិច្ឆិកា ២០២១ ស្អែកនេះ សម្តេចអគ្គមហាសេនាបតីតេជោ ហ៊ុន សែន និងលោក វ៉ាង វិនធៀន (H.E Mr.Wang Wentian) ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា នឹងអញ្ជើញជាអធិបតីភាពសម្ភោធដាក់ឱ្យប្រើប្រាស់ជាផ្លូវការ “ស្ពាន មិត្តភាពកម្ពុជា-ចិន ស្ទឹងត្រង់-ក្រូចឆ្មារ” និង“ពិធីបើកការដ្ឋាន​សាង​សង់​ផ្លូវជាតិលេខ៧១C”។

លោក ស៊ុន ចាន់ថុល ទេសរដ្ឋមន្រ្តី រដ្ឋមន្ដ្រីក្រសួងសាធារណការនិងដឹកជញ្ជូនបានថ្លែងឲ្យដឹងនៅក្នុងសុន្ទរកថាព្រាងទុកថា គម្រោងសាងសង់ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ ចាប់ផ្តើមនៅត្រង់គីឡូម៉ែត្រលេខ ៥៨+២០០ ត្រើយ​ខាងលិចស្ថិតលើផ្លូវខេត្តលេខ​ ២៧១៤ នៅចំណុចភូមិបឹងដែង ឃុំព្រែកកក់ ស្រុកស្ទឹងត្រង់ ខេត្តកំពង់ចាមភ្ជាប់ទៅត្រើយខាងកើតទន្លេមេគង្គនៅចំណុចភូមិក្តុលកណ្តាល ឃុំទ្រា ស្រុកក្រូចឆ្មារ ខេត្តត្បូងឃ្មុំ។

តួស្ពានសុទ្ធសាធមានប្រវែង១.១៣១ម៉ែត្រ ទទឹង១៣,៥ម៉ែត្រ ក្រាលបេតុងកៅស៊ូកម្រាស់ ៥សង់ទីម៉ែត្រ មានផ្លូវរថយន្តចំនួន ២ គន្លង ផ្លូវម៉ូតូចំនួន ២គន្លងផ្លូវថ្មើរជើងចំនួន២គន្លងសម្រាប់ទៅមក។ ផ្លូវមេសងខាងស្ពានតភ្ជាប់ទៅផ្លូវ ជាតិ​លេខ​៧១C មានប្រវែង ៨.៣២៣ ម៉ែត្រ។ សរុបរួមទាំងស្ពាននិងផ្លូវតភ្ជាប់មានប្រវែងសរុប ៩.៤៥៤ ម៉ែត្របានបើកការដ្ឋាន​កាលពីថ្ងៃទី៩ ខែកុម្ភៈ ឆ្នាំ២០១៨ ក្រោម អធិបតីភាពដ៏ខ្ពង់ខ្ពស់បំផុតរបស់ សម្តេចតេជោនាយករដ្ឋមន្រ្តី ដោយត្រូវប្រើប្រាស់រយៈពេលសាងសង់ចំនួន៤២ខែ សាងសង់ដោយក្រុមហ៊ុនសំណង់សៀងហៃ (SCG) និងត្រួតពិនិត្យបច្ចេកទេស​ដោយក្រុមហ៊ុនទីប្រឹក្សាបច្ចេកទេសក្វាងចូវវ៉ានអានចំណាយថវិកាអស់ ៥៦,៩៩៨ លានដុល្លារអាមេរិក។

លោករដ្ឋមន្រ្តី ស៊ុន ចាន់ថុល បានមានប្រសាសន៍ឲ្យដឹងទៀតថា ចំពោះគម្រោងសាងសង់ផ្លូវជាតិលេខ៧១C មានប្រវែងសរុប​១១៤,៦២គ.ម​ ចាប់ផ្តើមពីគីឡូម៉ែត្រ លេខ ១៥៤+៧០០ ផ្លូវជាតិលេខ៧ ស្ថិតក្នុងឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ និងបញ្ចប់នៅគីឡូម៉ែត្រលេខ៣០+៤០០ ផ្លូវជាតិលេខ ៧១ ស្ថិតក្នុងឃុំស្វាយទាប ស្រុកចំការលើខេត្តកំពង់ចាម​។

គម្រោងសាងសង់នេះរួមមាន ផ្លូវមេប្រវែង ៩២,៤៤៦ គ.ម ទទឹងផ្លូវ១១ម៉ែត្រ ក្រាលកៅស៊ូបេតុង AC កម្រាស់ ៧​សង់ទីម៉ែត្រ​ មានកន្លែងសម្រាប់បត់ត្រឡប់ ២ កន្លែង (U-Turn) ផ្លូវតភ្ជាប់មានប្រវែង ១៥,៨២១ គ.ម ទទឹងផ្លូវ១១ម៉ែត្រ ក្រាលកៅស៊ូបេតុងAC កម្រាស់ ៧សង់ទីម៉ែត្រ, ផ្លូវខ្នែង ចំនួន៩ខ្សែ ប្រវែង ៦,៣៥៣ គ.ម ទទឹងតួផ្លូវ៩ម៉ែត្រក្រាលកៅស៊ូ​DBST, ស្ពានចំនួន១១កន្លែង ប្រវែង ៨៧៥មែត្រ និងដាក់លូគ្រប់ប្រភេទចំនួន២០២កន្លែង ដែលនឹងប្រើប្រាស់រយៈ ពេល​សាងសង់ចំនួន ៤២ ខែដោយក្រុមហ៊ុនសំណង់សៀងហៃ (SCG) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សាបច្ចេកទេសក្វាងចូវវ៉ានអាន គ្រោងចំណាយថវិកាសាងសង់ប្រមាណ ១២៩,៩៨លានដុល្លារអាមេរិក។

អត្ថបទ៖​ ណារី


																											
Helistar Cambodia - Helicopter Charter Services
Sokimex Investment Group
ព័ត៌មានជាតិ៧ នាទីutes មុន

លោក ហែម សុវត្ថិ ដឹកនាំគណៈប្រតិភូ ចុះសួរសុខទុក្ខ នាំយកគ្រឿងឧបភោគបរិភោគនិងថវិកា​ជូនកងកម្លាំង នៅខេត្តព្រះវិហារ

សន្តិសុខសង្គម៤៤ នាទីutes មុន

បញ្ជូនខ្លួនជនសង្ស័យម្នាក់ទៅស្នងការដ្ឋាននគរបាលខេត្តក្រចេះ ពាក់ព័ន្ធករណីវាយកូនស្រី និងម្ដាយបង្កើតស្លាប់

ព័ត៌មានអន្ដរជាតិ១ ម៉ោង មុន

ធនាគារពិភព​លោកបន្ទាបការព្យាករកំណើនសេដ្ឋកិច្ចថៃ​មកត្រឹម ១,៨​ ភាគរយ

បណ្ណាល័យគោប្រាក់
ជីវិតកម្សាន្ដ១ ម៉ោង មុន

Orn Richard គ្រោងបន្ថែមកុំព្យូរទ័រ ២០គ្រឿង សម្រាប់ជាថ្នាក់សិក្សាក្នុងបណ្ណាល័យសាធារណៈរបស់ខ្លួន

ព័ត៌មានអន្ដរជាតិ១ ម៉ោង មុន

ផ្ទុះសង្គ្រាមពាក្យសម្តីរវាង Trump និងអភិបាលរដ្ឋកាលីហ្វ័រញ៉ា ជុំវិញកុបកម្មនៅ LA

ព័ត៌មានជាតិ៣ ម៉ោង មុន

អាជ្ញាធរខណ្ឌទួលគោក ចាត់វិធានការក្ដៅលើម្ចាស់រថយន្តដែលចតលើ ផ្លូវថ្មើរជើងជាប់របងវិទ្យាល័យសន្ធម៉ុក

ព័ត៌មានជាតិ១១ ម៉ោង មុន

កម្ពុជា នឹងទទួលរងឥទ្ធិពលព្យុះទី១ ចាប់ពីថ្ងៃនេះ ដល់ថ្ងៃទី១៣មិថុនា

ព័ត៌មានអន្ដរជាតិ២ ម៉ោង មុន

យន្តហោះ​ចម្បាំង​របប​សឹក​មីយ៉ាន់​ម៉ាមួយគ្រឿង ត្រូវកង​កម្លាំងប្រដាប់​អាវុធ​បាញ់​ទម្លាក់​នៅ​តំបន់​ Sagaing

ព័ត៌មានជាតិ៣ ម៉ោង មុន

ថៃថាតំបន់មុំបីជាដីថៃ៖ឧបនាយករដ្ឋមន្ត្រី ហ៊ុន ម៉ានី សួរវិញថា បើជាដីខ្លួនឯងហេតុអ្វីមិនទៅតុលាការអន្តរជាតិជាមួយកម្ពុជា?

សន្តិសុខសង្គម៣ ម៉ោង មុន

ថៅកែលក់គ្រឿងសំណង់ម្នាក់ធ្លាក់ពីលេីផ្ទះស្លាប់ សង្ស័យបណ្តាលមកពីស្រវឹងស្រា

Sokha Hotels

ព័ត៌មានពេញនិយម