ភរិយាសម្តេចពិជ័យសេនា ទៀ បាញ់ ចាត់ក្រុមការងារនាំយកផ្លែមៀនតាង៉ែនជាង៥០០ គីឡូក្រាម ប្រគល់ជូនកងរាជអាវុធហត្ថរាជធានី

បញ្ជាការដ្ឋានកងរាជអាវុធហត្ថរាជធានីភ្នំពេញ បានទទួលផ្លែមៀនតាង៉ែន សរុបចំនួន ៥២០ គីឡូក្រាម ដែលជាអំណោយដ៏ថ្លៃថ្លារបស់លោកជំទាវ តៅ តឿន ភរិយា សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួង​ការពារជាតិ តាមរយៈក្រុមការងារកង​ពលតូចដឹកជញ្ជូនលេខ៩៩ ដើម្បី​ចែកជូនដល់ កម្លាំងកងរាជអាវុធហត្ថ​រាជធានីភ្នំពេញនាព្រឹក​ថ្ងៃទី២៦ ខែវិច្ឆិកា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជំនួសមុខឲ្យ​កម្លាំង កងរាជអាវុធហត្ថរាជធានីភ្នំពេញក្រោមឱវាទ​ទាំងអស់ លោក​ឧត្តម​សេនីយ៍ឯក រ័ត្ន ស្រ៊ាង មេបញ្ជា​ការរងកងរាជអាវុធហត្ថលើផ្ទៃ​ប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញបានថ្លែងអំណរគុណ យ៉ាងជ្រាលជ្រៅបំផុត ចំពោះទឹកចិត្តសប្បុរស របស់ លោកជំទាវ តៅ តឿន ភរិយា សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ដែលជានិច្ចកាលសម្តេចពិជ័យសេនា និងលោកជំទាវ តែងតែគិតគូរយកចិត្តទុកដាក់ខ្ពស់ អំពីសុខទុក្ខរបស់កងកម្លាំងគ្រប់ប្រភេទ ជាពិសេសឧបត្ថម្ភផ្លែមៀនតាង៉ែន ដល់​បញ្ជាការដ្ឋាន​កងរាជអាវុធហត្ថរាជធានីភ្នំពេញ​នាពេលនេះ៕

អត្ថបទ៖វិមាន